སྨན་རྩིས་དྲ་བ། - ལོ་རྒྱུས།

སྡེ་དགེ་བསྟན་པ་ཚེ་རིང་།

སྡེ་དགེ་བསྟན་པ་ཚེ་རིང་ནི། དཔོན་དབང་ཆེན་མགོན་པོ་ལ་སྲས་གཉིས་བྱུང་བའི་ཕྱི་མ་དེ་ཉིད་ཡིན་ཞིང་། འཁྲུངས་ལོ་ཇི་བཞིན་མ་རྙེད་རུང་དུས་རབས་སྡེ་སྲིད་སངས་རྒྱས་རྒྱ་མཚོ་འཚོ་གཞེས་སྐབས་དང་མཚུངས། དམ་པ་དེ་ཐོག་མ་ཉིད་ནས་ཐུགས་དུལ་ཞིང་། ཡིད་གཞུངས་པ། མང་དུ་ཐོས་པའི་ཤེས་རབ་ཀྱི་ནོར་དང་ལྡན་ལ། ཁྱད་པར་གསོ་བ་རིག་པའི་གཞུང་ལུགས་འཚོ་བའི་མདོ་དང་། ཡན་ལག་བརྒྱད་པ་དང་། རྒྱུད་བཞི་འགྲེལ་པ་དང་བཅས་པ་ལ་སྦྱངས་པའི་ཕ་རོལ་དུ་སོན རྒྱས་པར་གཟིགས་་

རིག་འཛིན་ཆེན་པོ་ངག་དབང་འཇམ་དཔལ།

རིག་འཛིན་ཆེན་པོ་ངག་དབང་འཇམ་དཔལ་ནི། རྡོ་བྲག་རིག་འཛིན་ཆེན་པོའི་སྐུ་ཕྲེང་བདུན་པ་དང་། འཁྲུངས་ཡུལ་ལྷོ་ཁ་རོང་རྣམ་སྲས་གླིང་ཞེས་གྲགས། རྒྱས་པར་གཟིགས་་

ཚེ་རིག་འཛིན་པ་ངག་དབང་སངས་རྒྱས་དཔལ་བཟང་།

  ཚེ་རིག་འཛིན་པ་ངག་དབང་སངས་རྒྱས་དཔལ་བཟང་ངམ། ཝྰགིནྡྲ་ཤྲཱི་བྷདྲ་ནི་གྲ་ཕྱི་ཁུལ་གྱི་འོག་མིན་ཨོ་རྒྱན་སྨིན་གྲོལ་གླིང་གི་སྨན་པ་དང་།   སྡེ་སྲིད་སངས་རྒྱས་རྒྱ་མཚོའི་དངོས་སློབ་ཐུ་བོ་ཞིག་ཡིན། སྔ་ཕྱིར་མི་རྗེ་སཱ་རའི་ཞབས་ལ་གཏུགས་ནས་གསོ་དཔྱད་མན་ངག་ལག་ལེན་སྐོར་མ་ལུས་པ་གསན། རྗེས་སུ་ << མན་ངག་ལྷན་ཐབས། >> ཀྱི་ <<གསང་སྨན་གབ་ཚིག་ཞལ་ཤེས་སྦྱོར་ཚད་སོགས་མ་སྦས་ལྷུག་པར་བཤད་པ་བདུད་རྩིའི་གཏེར་བུམ་མཁའ་འགྲོའི་གཏད་རྒྱའི་རྒྱ་མདུད་བཀྲོལ་བའི་རིན་ཆེན་གསེར་གྱི་ལྡེ་མིག >> ཅེས་པ་ཕྱོགས་སྒྲིག་གནང་།   རྒྱས་པར་གཟིགས་་

ཆགས་པ་ཆོས་འཕེལ།

ཆགས་པ་ཆོས་འཕེལ་ནི་རྒྱལ་བ་ལྔ་པ་ཆེན་པོའི་སྐུ་ཚེའི་སྨད་ཙམ་ལ་གཙང་གི་ཕུན་ཚོགས་གླིང་བཀྲ་ཤིས་འཛོམས་ཞེས་པར་གྲོང་པ་རབ་བརྟན་གྱི་བུ་ཕ་མས་མིང་ལ་ནོར་བུ་རབ་བརྟན་ཞེས་བཏགས། ལོ་བཅུ་གསུམ་ཐོག་ཕུན་གླིང་དུ་ཆོས་ཞུགས་བྱས་ནས་སློབ་དཔོན་གྱིས་མིང་ཚོགས་གཉིས་རྒྱ་མཚོ་ཞེས་བཏགས།   རྒྱས་པར་གཟིགས་་

སྡེ་སྲིད་སངས་རྒྱས་རྒྱ་མཚོ།

སྡེ་སྲིད་སངས་རྒྱས་རྒྱ་མཚོ་ཞེས་པ་ནི་རབ་བྱུང་བཅུ་གཅིག་པའི་ཆུ་སྦྲུལ་( སྤྱི་ལོ 1653 ) ལོའི་བོད་ཟླ་བདུན་པར་ཡབ་ཨ་སུག་དང་། ཡུབ་བུ་འཁྲིད་རྒྱལ་མོ་གཉིས་ལ་ཉང་ཏིང་འཛིན་བཟང་པོའི་བྲན་དུ་གྱུར་པའི་ཡུལ། གྲོང་སྡེའི་སྟོད་སྨད་གཉིས་ཀྱི་ཕྱི་མའི་ཆར། མར་པ་ལོ་ཙཱའི་བུ་ཆེན་བཞིའི་ནང་ཚན་མཚུར་སྟོན་དབང་གི་རྒྱལ་པོའི་རུས་ལས་ཆད་པ་ཡིན་ཞེས་དཔྱ་ཁྲལ་གྱིས་འཚོ་བའི་རིགས་སུ་འཁྲུངས། རྒྱས་པར་གཟིགས་་

རྣམ་གླིང་པཎ་ཆེན་དཀོན་ཅོག་ཆོས་གྲགས།

རྣམ་གླིང་པཎ་ཆེན་དཀོན་ཅོག་ཆོས་གྲགས་ནི། རབ་བྱུང་བཅུ་གཅིག་མེ་ཁྱི་(སྤྱི་ལོ 1646 )ལོར་འཁྲུངས། << ཕྱི་རྒྱུད་མེས་པོའི་ཞལ་ལུང་>> མཇུག (ཤོག་གྲངས་ ༢༢༠ ན་༡) ནང་རྣམ་སྲས་གླིང་པ་བྱ་རིགས། པཎ་ཆེན་དཀོན་ཅོག་ཆོས་གྲགས་ཞེས་འདུག་པས་འཁྲུངས་ཡུལ་ལྷོ་ཁ་རྣམ་སྲས་གླིང་ཡིན་ནམ་སྙམ། རྣམ་ཐར་དང་མཛད་འཕྲིན་སྐོར་གྱི་ཡིག་ཆ་མ་རྙེད། འོན་ཀྱང་རྣམ་གླིང་པཎ་ཆེན་དཀོན་ཅོག་ཆོས་གྲགས་རྒྱལ་དབང་ལྔ་པ་ཞལ་བཞུགས་སྐབས་སུ་ཧ་ཅང་མཐོང་ཆེན་གནང་ཡུལ་གྱི་མཁས་དབང་གྲས་ཤིག་ཡིན།
  རྒྱས་པར་གཟིགས་་

དར་མོ་སྨན་རམས་པ་བློ་བཟང་ཆོས་གྲགས།

དར་མོ་སྨན་རམས་པ་བློ་བཟང་ཆོས་གྲགས་ཀྱི་འཁྲུངས་ཡུལ་ནི་ལྷོ་ཁ་ཡར་ཀླུངས་ཤར་ནུབ་མཐིལ་གསུམ་ལས། ཤར་གྱི་ཆ་ཤམ་པོ་གངས་ཀྱི་ཉེ་ལོགས་གཉན་པ་སའི་གྲོང་ཁྱེར་དར་མོ་ཞེས་པར་རྒྱལ་མོ་གཡུ་སྒྲ་སྙིང་པོའི་རིགས་སུ་རབ་བྱུང་བཅུ་གཅིག་ས་སྟག་སྤྱི་ལོ་ 1638 ལོར་བལྟམས། ཡབ་ཡུམ་གྱི་མཚན་དང་རྣམ་ཐར་ཞིབ་པ་མ་རྙེད། དང་པོའི་ཚེ་སྐྱིད་ཚལ་ཀླུ་སྦུག་གླིང་དུ་བཞུགས།
རྒྱས་པར་གཟིགས་་

གཏེར་བདག་གླིང་པ།

གཏེར་བདག་གླིང་པའམ་རིག་འཛིན་འགྱུར་མེད་རྡོ་རྗེ་ཞེས་པ་ཡབ་གསང་བདག་འཕྲིན་ལས་ལྷུན་ གྲུབ་དང་། ཡུམ་ལྷ་མཛེས་དབྱངས་ཅན་མཚོ་རྒྱལ་གཉིས་ལ་རབ་བྱུང་བཅུ་གཅིག་མེ་ཁྱི་ (སྤྱི་ལོ་ 1646 ) ལོ་ལ་གྲ་ནང་དར་རྒྱས་ཆོས་ལྡིང་དུ་ངོ་མཚར་བའི་རྟགས་རྟེན་བཟང་པོ་དང་བཅས་ཏེ་ སྐུ་བལྟམས། ཆུང་དུས་ནས་རིས་མེད་ཀྱི་བཤེས་གཉེན་མཁས་གྲུབ་དམ་པ་བཅུ་ཕྲག་ལྔ་ཙམ་གྱི་ཞབས་ལ་ གཏུགས་ནས་གསང་སྔགས་ཕྱི་ནང་གི་སྨིན་བྱེད་ཀྱི་དབང་དང་། གྲོལ་བྱེད་ཀྱི་ལུང་། མན་ངག་ཟབ་ཁྲིད། གཞན་ཡང་སྐུའི་ཞང་པོ་མཁས་དབང་ལྡུམ་པོ་དོན་གྲུབ་དབང་རྒྱལ་ས་ནས་རིག་གནས་སྐོར་སོགས་གསན། རྒྱས་པར་གཟིགས་་

ཉི་ཐང་སྨན་མཁྱེན་བློ་བཟང་རྒྱ་མཚོ།

ཉི་ཐང་སྨན་མཁྱེན་བློ་བཟང་རྒྱ་མཚོ་ཞེས་པ་ནི། རྒྱལ་བ་ལྔ་པའི་དུས་སྐབས་སུ་བྱུང་བ་ཡིན་ཞིང་། རྣམ་ཐར་དང་ལོ་རྒྱུས་སྐོར་འདི་ཡིན་མ་མཇལ་ཀྱང་། སྡེ་སྲིད་ཁོག་འབུགས་(ཤོག་གྲངས་ ༡༨༥ ན་༤)ནང་འབྲས་སྤུངས་དགའ་ལྡན་ཕོ་བྲང་ནུབ་མར་ཐོག་མར་ཉི་ཐང་དྲུང་ཆེན་བློ་བཟང་ རྒྱ་མཚོ་སློབ་དཔོན་དང་། རྗེས་སུ་བྱང་ངོས་ནས་ཀྱིས་དོ་དམ་བྱས་ཏེ་གསོ་རིག་འགྲོ་ཕན་གླིང་དང་། གཞིས་ཀ་བསམ་གྲུབ་རྩེར་ཚ་རོང་པས་དོ་དམ་བྱས་པའི་དྲང་སྲོང་འདུས་པའི་གླིང་སྟེ་སློབ་གྲྭ་ཁག་གཉིས་ཀྱི་རྒྱུན་འཛུགས་པར་གནང་། རྒྱས་པར་གཟིགས་་

རྒྱལ་བ་ལྔ་པ་ཆེན་པོ།

རྒྱལ་བ་ ལྔ་པ་ཆེན་པོ་རབ་བྱུང་བཅུ་པའི་མེ་སྦྲུལ་ལོ་ཧོར་ཟླ་དགུ་པའི་ཚེས་ཉི་ཤུ་གསུམ་ལ་ (སྤྱི་ལོ་ 1617) ཡབ་ཧོར་བདུད་འདུལ་རབ་བརྟན་དང་། ཡུམ་ཁྲ་ལྕམ་ཀུན་དགའ་ལྷ་མཛེས་ཀྱི་སྲས་སུ་འཕྱོངས་རྒྱས་འཕྱིང་བར་སྟག་རྩེ་ཞེས་པར་འཁྲུངས། པཎ་ཆེན་བློ་བཟང་ཆོས་ཀྱི་རྒྱལ་མཚན་དང་། དགའ་ལྡན་ཕོ་བྲང་གི་སྐུ་ཚབ་ཚ་བ་དཀའ་བཅུ་སོགས་ཀྱིས་ཐམས་ཅད་མཁྱེན་པ་ཡོན་ཏན་རྒྱ་མཚོའི་སྐུ་སྐྱེའི་ངོས་འཛིན་མཛད། རྒྱས་པར་གཟིགས་་

བྱང་ངོས་ནང་སོ་དར་རྒྱས།

བྱང་ངོས་ནང་སོ་དར་རྒྱས་ཞེས་པའི་འཁྲུངས་ཡུལ་དང་། རྣམ་ཐར་སོགས་ཞིབ་ཕྲ་མ་རྙེད་ཀྱང་ཕྱི་རྒྱུད་མཇུག་ཏུ། དཔལ་ལྡན་ཟུར་མཁར་བ་དང་། བྱར་པོ་པཎ་ཆེན་སོགས་མཁས་པ་དུ་མའི་ལེགས་བཤད་ཀྱི་རྒྱུན་རྣམ་དཔྱོད་ཀྱི་ཡོལ་ གོར་ཡོངས་སུ་འཁྱིལ་བའི་དྲང་སྲོང་བསྟན་འཛིན་རྒྱལ་པོའི་བརྒྱུད་འཛིན་པ་དཔོན་ ཚང་ནང་སོ་དར་རྒྱས་ཞེས་གསལ་བས་གནང་བ་རིགས་ཀྱི་སྨན་པའི་བརྒྱུད་པ་དྲི་མ་མེད་པ་ དང་། ཕྱག་ལེན་གཙོ་བོ་ཟུར་ལུགས་ཡིན་པར་གྲགས། རྒྱས་པར་གཟིགས་་

འཚོ་བྱེད་བློ་གྲོས་བརྟན་པའམ་རིན་སྡིངས་བློ་བཟང་རྒྱ་མཚོ།

སྐྱིད་ཤོད་ན་འོ་འཚོ་བྱེད་བློ་གྲོས་བརྟན་པའམ། སེམས་དཔའ་ཆིན་པོ་བློ་བཟང་རྒྱ་མཚོ། མཚན་གཞན་ལ་རིན་སྡིངས་བློ་བཟང་རྒྱ་མཚོ་ཞུ་བ་འདི་ཉིད་ཟུར་ལུགས་ཀྱི་རྗེས་འཇུག་ མཁས་དབང་བྱར་པོ་པཎ་ཆེན་གྱི་དངོས་སློབ་མང་ཐོས་ཟླ་བའི་དབང་པོའི་དྲུང་ནས་གསོ་ དཔྱད་གསན་ཅིང་། རྗེས་སུ་སྐྱིད་ཤོད་པའི་བླ་སྨན་མཛད་ཅིང་བྱང་ཆུབ་ལམ་རིམ་ཐུགས་ཉམས་སུ་བཞེས་ནས་ རིན་ལྡིངས་སུ་བཞུགས་པས་རིན་སྡིངས་སེམས་དཔར་གྲགས། བརྩམ་ཆོས་ལ་《སྨན་གྱི་ཆོས་འབྱུང་དྲང་སྲོང་དགོངས་རྒྱན་》སོགས་མཛད། རྒྱས་པར་གཟིགས་་

བོད་མཁས་པ་མི་ཕམ་དགེ་ལེགས་རྣམ་རྒྱལ།

བོད་མཁས་པ་མི་ཕམ་དགེ་ལེགས་རྣམ་རྒྱལ་ནི།  རབ་བྱུང་བཅུ་པའི་ས་རྟ་སྤྱི་ལོ་ 1618 ལོར་འཁྲུངས་ཤིང་། ཡབ་ཡུམ་དང་ཆོ་འབྲང་གང་ཡིན་སོགས་ཀྱི་དཔྱད་གཞི་མ་རྙེད་རུང་། སྨན་དཔྱད་ཀྱི་སྐོར་ལ་ཟུར་ལུགས་དང་། འབྲུག་པ་པདྨ་དཀར་པོའི་རྗེས་སུ་འབྲངས་པར་མ་ཟད། བཀའ་བརྒྱུད་ཀྱི་གྲུབ་མཐའ་འཛིན་པའི་སྐྱེས་བུ་དམ་པའི་རྣམ་ཐར་བསྐྱངས་ནས་བཞུགས་ མཁན་ཞིག་རེད། རྒྱས་པར་གཟིགས་་

བདེ་ཆོས་སྨན་པ་རཏྣའི་མིང་ཅན།

བདེ་ཆོས་སྨན་པ་རཏྣའི་ མིང་ཅན་ཞེས་པའི་འཁྲུངས་ཡུལ་དང་། རིགས་རུས་ཆོ་འབྲང་། བཙས་པའི་དུས་ཚོད་བཅས་འདི་ཡིན་གསལ་པོ་མེད་ཀྱང་། ཁོང་གིས་བརྩམས་པའི་《གསོ་བ་རིག་པའི་ཁོག་འབུགས་ལེགས་བསྡུས།》 ཞིག་དང་། 《རྩ་བ་ཐུགས་ཀྱི་རྒྱུད་ཀྱི་འགྲེལ་པ་འབྲུ་སྣོན་ཤིན་ཏུ་ལེགས་པ།》ཞེས་པར་བལྟ་ དུས་སྨན་དཔྱད་ཀྱི་རྒྱུད་པ་ནི་བོད་ཀྱི་མཁས་དབང་གོང་མ་སྤྱི་དང་། སྒོས་སུ་འབྲུག་པ་པདྨ་དཀར་པོ་དང་། གོང་སྨན་དཀོན་མཆོག་བདེ་ལེགས་གཉིས་ཀྱི་གསུང་རྒྱུན། རྒྱས་པར་གཟིགས་་

ལྷུན་སྡིངས་རྣམ་རྒྱལ་རྡོ་རྗེ།

ལྷུན་སྡིངས་རྣམ་རྒྱལ་རྡོ་རྗེའི་ཡབ་ནི་བཤད་མ་ཐག་པའི་ལྷུན་སྡིངས་བདུད་རྩི་འགྱུར་ མེད་ཅེས་པ་དེ་ཡིན། རྣམ་རྒྱལ་རྡོ་རྗེ་ཤེས་བྱ་སྤྱི་དང་ཁྱད་པར་འཆི་གསོས་ཀྱི་གཞུང་ཆེན་པོ་རྣམས་ ཀྱི་གཙོ་བོ་དཔལ་ལྡན་རྒྱུད་བཞི་ཐུགས་ལ་བྱང་ཞིང་། འགྲེལ་པ་མན་ངག་དང་བཅས་པར་གཞིགས་པ་ཆུག་པས་ཡབ་བདུད་རྩི་འགྱུར་མེད་སོགས་མཁས་ ནས་མཁས་སུ་བརྒྱུད་པའི་ཆིག་བརྒྱུད་ཀྱི་རིམ་པ་ཉམས་སུ་ལོངས། རྒྱས་པར་གཟིགས་་

ནང་གསེས་དཀར་ཆག

ཡིག་ཆ་གསར་ཤོས།

དངུལ་ཆུ་གྲུབ་པའི་བསྟན་བཅོས།

སྨན་གྱི་བསྟན་བཅོས་སྨན་མིང་རྒྱ་མཚོ།

རྡོ་རྗེ་དབྱུག་པའི་བྱ་བ་བཞུགས།

སྨན་རྩིས་ཁང་གི་སྨན་དུ་བརྫུས་ནས་བསླུ་ཁྲིད་བྱེད།

སྡེ་དགེ་བསྟན་པ་ཚེ་རིང་།

རིག་འཛིན་ཆེན་པོ་ངག་དབང་འཇམ་དཔལ།

ཚེ་རིག་འཛིན་པ་ངག་དབང་སངས་རྒྱས་དཔལ་བཟང་།

ཆགས་པ་ཆོས་འཕེལ།

སྡེ་སྲིད་སངས་རྒྱས་རྒྱ་མཚོ།

རྣམ་གླིང་པཎ་ཆེན་དཀོན་ཅོག་ཆོས་གྲགས།

དར་མོ་སྨན་རམས་པ་བློ་བཟང་ཆོས་གྲགས།

གཏེར་བདག་གླིང་པ།

ཉི་ཐང་སྨན་མཁྱེན་བློ་བཟང་རྒྱ་མཚོ།

རྒྱལ་བ་ལྔ་པ་ཆེན་པོ།

བྱང་ངོས་ནང་སོ་དར་རྒྱས།