སྨན་རྩིས་དྲ་བ། - གསོ་རིག་མཁས་དབང་རིམ་བྱོན།

བྲང་ཏི་དཔལ་ལྡན་རྒྱལ་མཚན།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 20.07.2015
གསོ་རིག་མཁས་དབང་རིམ་བྱོན། >>

 


བྲང་ཏི་དཔལ་ལྡན་རྒྱལ་མཚན།

བྱམས་པ་འཕྲིན་ལས།


བྲང་ཏི་དཔལ་ལྡན་རྒྱལ་མཚན་ཞེས་པ་ནི། བྲང་ཏི་དཔལ་ལྡན་འཚོ་བྱེད་ཀྱི་སྐུ་ཚ་ཡིན་ཞིང་། དེས་རྩ་རྒྱུད་ལེའུ་དང་པོའི་འགྲེལ་པ་དང་། ཡབ་མེས་གོང་མ་ན་རིམ་དང་། ཁྱད་པར་དཔལ་ལྡན་འཚོ་བྱེད་ཀྱི་དགོངས་པ་དང་། རང་ཉིད་ཀྱི་ཁྱད་ཆོས་《དཀར་པོ་དྲུག་སྦྱོར་》སོགས་ཕྱོགས་གཅིག་ཏུ་བུ་རྣམ་རྒྱལ་བཟང་པོའི་དོན་དུ་བསྡུས་ཏེ། 《མན་ངག་གསེར་བྲེ》 ཞེས་པ་བསྡེབས་སྒྲིག་མཛད། སྡེ་སྲིད་ཁོག་འབུགས་ནང་གསུངས་གསལ། གདུང་རབས་མཐར་ཆགས་སུ་བཀོད་པའི་ཡིག་ཆ་མ་མཐོང་རུང་། གསེར་བྲེ་ཆུང་བའི་དམུ་ཆུའི་གདམས་པའི་བརྒྱུད་པ་ལྟར་ན། དཔལ་ལྡན་རྒྱལ་མཚན་ནས། བྲང་ཏི་ཀུན་དགའ་བཟང་པོ། དེ་ནས་བྲང་ཏི་སྟག་ལ་དཔལ། དེ་ནས་བྲང་ཏི་རྡོ་རྗེ་དཔལ་བཟང་། འདིས་བཤད་རྒྱུད་འགྲེལ་པ་དོན་གསལ་མཛད། དེས་བྲང་ཏི་དཔལ་འབྱོར་དོན་གྲུབ་ལ་གཞུང་གདམས་མན་ངག་དང་བཅས་པ་གནང་། གསེར་བྲེ་ཆེ་བ་ལས་བཏུས་པའི་ཆུང་བ་མཛད་དེ་སྲས་ལ་གནང་། དེས་མན་ངག་དངུལ་བྲེ་གྲགས་པར་སྤེལ་བ་གསེར་བྲེ་རྣམས་ལས་ཅུང་ཟད་བརྗོད་བྱ་ཞན་པར་སྣང་། ས་སྐྱ་སྨན་གྲོང་དུ་ཡབ་མེས་ཀྱི་སྲོལ་བཞིན་སྨན་དཔྱད་ཀྱི་བསྟན་པ་བསྐྱངས་ཞེས་པར་བལྟས་ན་རྗེས་སུ་བྲང་ཏིའི་བརྒྱུད་པ་ལ་ས་སྐྱ་སྨན་གྲོང་པ་ཞེས་གྲགས་པའི་རྒྱུ་མཚན་ནི་དེ་ལྟར་ཡིན་པ་འདྲ།།


འདི་ནི་མཁས་དབང་བྱམས་པ་འཕྲིན་ལས་ཀྱིས་བརྩམས་པའི་དཔེ་དེབ་《གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་གྱི་རྣམ་ཐར་ཕྱོགས་བསྒྲིགས་》ནས་ཟུར་བཏོན་བྱས་པ་ཞིག་ཡིན།

 

 

མཐའ་མའི་འདོན་ཐེངས་།: 21.07.2015 ཉིན། 10:09 AM

<< སྔ་མ།