སྨན་རྩིས་དྲ་བ། - དྲ་བརྙན།

གསོ་རིག་སྨན་རྫས་གལ་གནད་ཀྱི་ཤེས་བྱ།

ཕྱི་ལོ་ ༢༠༢༣ ཟླ་ ༨ ཚེས་ ༤ ཉིན་སྨན་རྩིས་མཐོ་སློབ་ཚོགས་ཁང་དུ་འགྲོ་ཕན་སྨན་རྩིས་ཁང་གི་འགན་འཛིན་ཟུར་པ་བོད་ཀྱི་གསོ་བ་རིག་པའི་སྨན་རྫས་ཀྱི་མཁས་དབང་སྨན་རམས་པ་ཟླ་བ་ལགས་ཀྱིས་དགེ་སློབ་དང་སྨན་པ་རྣམས་ལྷན་འཛོམས་སྟེང་། བོད་ཀྱི་གསོ་བ་རིག་པའི་སྨན་རྫས་ཀྱི་གལ་གནད་དང་འབྲེལ་བའི་ཤེས་བྱ་ཞེས་པའི་བརྗོད་གཞི་སྟེང་གཏམ་བཤད་གནང་། དེ་རྗེས་སྨན་རྫས་འབྲེལ་བའི་དོགས་འདྲི་ལ་བཀའ་ལན་གནང་ཡོད། རྒྱས་པར་གཟིགས་་

བདེ་ལེགས་སྨན་ཁང་གི་འགོ་ལས་རྣམས་ལ་བསྩལ་བའི་བཀའ་སློབ།

ཕྱི་ལོ་ ༢༠༢༢ ཟླ་ ༡༠ ཚེས་ ༦ ཉིན་ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གིས་བཞུགས་སྒར་ཕོ་བྲང་དུ་བདེ་ལེགས་སྨན་ཁང་དབུ་བརྙེས་ནས་ལོ་ ༥༠ འཁོར་བའི་དུས་སྐབས་དང་བསྟུན་སྨན་ཁང་གི་ལས་སྣེ་དང་ཞབས་ཞུ་བ་ཡོངས་ལ་མཇལ་ཁའི་སྐབས་སྩལ་བའི་བཀའ་སློབ། རྒྱས་པར་གཟིགས་་

བྱང་ཁོག་ཡུལ་ཐིག་གི་རྩ་ཚིག་སློབ་ཁྲིད།

བཞུགས་སྒར་སྨན་རྩིས་མཐོ་སློབ་ཁང་གི་སྨན་དགེ་སྨན་རམས་པ་བསྟན་པ་ཆོས་འཕེལ་ལགས་ཀྱིས་སྨན་སློབ་སྐབས་ ༢༠ པའི་སློབ་གཉེར་བ་རྣམས་ལ་འཛིན་གྲྭའི་ནང་དུ་གསོ་རིག་སློབ་ཚན་ཁོངས་གཏོགས་བྱང་ཁོག་ཡུལ་ཐིག་སྐོར་སློབ་ཁྲིད་གནང་བའི་སྒྲ་སྒམ་ཡིན། འདིའི་ནང་བྱང་ཁོག་ཡུལ་ཐིག་གི་དོན་སྣོད་ཁག་གི་སྡེ་ཚན་འབྱེད་པ་ལག་སོན་བྱུང་བ་གཞིར་བཟུང་བཞག་ཡོད། མ་ཟད་འོག་ཏུ་བྱང་ཁོག་ཡུལ་ཐིག་གི་རྩ་ཚིག་སྦྲེལ་མཐུད་ཀྱང་བཀོད་ཡོད། རྒྱས་པར་གཟིགས་་

སྲོལ་རྒྱུན་རིག་གནས་ལ་སློབ་གཉེར་བྱེད་ཚུལ།

༢༠༡༩ ཟླ་ ༩ ཚེས་ ༡༠ ཉིན་རྒྱབ་སྨན་རྩིས་མཐོ་སློབ་ཚོགས་ཁང་དུ་ཇི་ལྟར་གསོལ་བ་འདེབས་པ་བཞིན། བདག་ཉིད་ཆེན་པོ་ངེས་པ་དོན་གྱི་མཁས་དབང་སྐྱབས་རྗེ་ཟམ་གདོང་རིན་པོ་ཆེ་མཆོག་གིས་<<སྲོལ་རྒྱུན་རིག་གནས་ལ་སློབ་གཉེར་བྱེད་ཚུལ་>>ཞེས་པའི་བརྗོད་གཞི་སྟེང་། རང་རེའི་དགེ་སློབ་དང་སྨན་རྩིས་ལས་བྱེད་བཅས་ལ་གསུང་བཤད་ཁ་གསལ་གཏིང་ཟབ་བསྩལ་ཡོད་ན། ཕྱོགས་མཐར་བཞུགས་པའི་དོན་གཉེར་ཅན་གསན་འདོད་ཡོད་པ་རྣམས་ཀྱི་ཆེད་དུ་གསུང་བཤད་སྒྲ་རྐྱང་པ་འདིར་མཁོ་སྤྲོད་ཞུས་ཡོད། རྒྱས་པར་གཟིགས་་

རྩ་རླུང་ཐིག་ལེའི་སྐོར་གསན།

༢༠༡༩ ཟླ་ ༧ ཚེས་ ༢༦ ཉིན་རྒྱབ་དཔལ་ལྡན་སྟོད་རྒྱུད་གྲྭ་ཚང་གི་དགེ་བའི་བཤེས་གཉེན་སྔགས་རམས་པ་རྒན་མཁས་གྲུབ་ནོར་བཟང་མཆོག་གིས་འདི་ག་བོད་ཀྱི་སྨན་རྩིས་ཁང་གི་དགེ་ལས་སློབ་མ་རྣམས་ལ་ཇི་ལྟར་རེ་སྐུལ་འདེབས་པ་བཞིན། བརྗོད་གཞི་རྩ་རླུང་ཐིག་ལེའི་སྐོར་གསུང་བཤད་ཟབ་གསལ་གནང་བ་མ་ཟད་སློབ་མའི་དོགས་འདྲི་ལ་ལན་འདེབས་ཀྱང་གནང་ཡོད།
རྒྱས་པར་གཟིགས་་

མངལ་དུ་ལུས་གྲུབ་ཚུལ་སྐོར་གསུང་བཤད།

༢༠༡༩ ཟླ་ ༥ ཚེས་ ༡༠ ཉིན་རྒྱབ་སྨན་རྩིས་མཐོ་སློབ་ཚོགས་ཁང་དུ་ཝཱཎ་དབུས་བོད་ཀྱི་ཆེས་མཐོའི་གཙུག་ལག་སློབ་ཁང་གི་སྨན་རྩིས་རིག་སྡེའི་འགན་འཛིན་རག་རྡོ་བློ་བཟང་བསྟན་འཛིན་ལགས་ཀྱིས་དུས་འཁོར་གྱི་གཞུང་ནས་གསུངས་པའི་མངལ་དུ་བྱིས་པའི་ལུས་ཕུང་གྲུབ་སྟངས་དང་། དེང་དུས་ཚན་རིག་གི་བྱིས་པ་མངལ་དུ་ཆགས་རིམ་དབར་མི་འདྲ་བའི་ཁྱད་པར་སྐོར་གནང་བའི་གསུང་བཤད།

རྒྱས་པར་གཟིགས་་

སྨན་སྒྲུབ་སྐོར།

ཕྱི་ལོ་ ༢༠༡༨ ཟླ་ ༢ ཚེས་ ༥ ཉིན་ཝྰཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ། རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པའི་སྐབས། བྱ་དོ་རིན་པོ་ཆེ་མཆོག་གིས་གསང་སྔགས་སྔ་འགྱུར་གྱི་གཞུང་ལས་བྱུང་བའི་བདུད་རྩི་སྨན་སྒྲུབ་ཆེན་མོའི་ཁུངས་དང་ཕྱག་ལེན་དང་ཕན་ཡོན་བཅས་ཀྱི་སྐོར་གནང་བའི་གསུང་བཤད།

རྒྱས་པར་གཟིགས་་

སློབ་ཐོན་པ་རྣམས་ལ་སྩལ་བའི་བཀའ་སློབ།

ཕྱི་ལོ་ ༢༠༡༧ ཟླ་ ༡༡ ཚེས་ ༩ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གསུང་ཆོས་རྭ་བར་ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་ནས། སྨན་རྩིས་མཐོ་སློབ་ཁང་གི་སྨན་སློབ་སྐབས་ ༡༨ དང་། རྩིས་སློབ་སྐབས་ ༩ པ་བསླབ་པ་མཐར་སོན་པ་རྣམས་དང་། སྨན་རྩིས་དགེ་ལས། དེ་བཞིན་རིག་ལམ་སློབ་གཉེར་ཁང་གི་སློབ་ཐོན་པ་གཙོ་བོར་གྱུར་བའི་མི་མང་རྣམས་ལ་བཀའ་དྲིན་སྩལ་བའི་སྒྲ་ལྡན་བཀའ་སློབ་བཞུགས་སོ།།
རྒྱས་པར་གཟིགས་་

འཆི་རིམ་དང་ཐུགས་དམ་སྐོར།

ཕྱི་ལོ་ ༢༠༡༧ ཟླ་༨ ཚེས་ ༢༨ ཉིན་སྨན་རྩིས་མཐོ་སློབ་ཚོགས་ཁང་དུ་སྨན་རྩིས་དགེ་སློབ་དང་། སྨན་རྩིས་པ། དེ་བཞིན་ཐུགས་དམ་ཉམས་ཞིབ་པ་བཅས་ཚང་འཛོམས་སར་ཐུགས་དམ་ཉམས་ཞིབ་ཚན་པས་ཇི་ལྟར་གསོལ་འདེབས་བཞིན་སྐྱབས་རྗེ་མཁས་དབང་སློབ་དཔོན་ཟམ་གདོང་རིན་པོ་ཆེ་མཆོག་གིས་《སངས་རྒྱས་པའི་གཞུང་ནས་གསུངས་པའི་འཆི་རིམ་དང་ཁྱད་པར་ཐུགས་དམ་གྱི་སྐོར་》ཞེས་པའི་བརྗོད་གཞི་ཐོག་བཀའ་སློབ་བསྩལ། 

རྒྱས་པར་གཟིགས་་

སེམས་ངལ་གྱི་རྒྱུ་རྐྱེན་སོགས་གླེང་བ།

འདི་ལོའི་ཟླ་ ༡༠ ཚེས་ ༡༢ - ༡༤ སྟེ་ཉིན་གསུམ་རིང་བོད་ཀྱི་སྨན་རྩིས་ཁང་གི་ལུས་སེམས་སྲོག་གི་སྡེ་ཚན་ནས་སྨན་རྩིས་མཐོ་སློབ་ཚོགས་ཁང་ཆེན་མོའི་ནང་གོ་སྒྲིག་ཞུས་པའི་ལུས་སེམས་སྲོག་གི་བགྲོ་གླེང་ཚོགས་ཆེན་ཐེངས་བཞི་པ་དེ་ལེགས་གྲུབ་བྱུང་ཡོད། རྒྱས་པར་གཟིགས་་

ཁ་ཆེ་ཕ་ལུའི་བསླབ་བྱའི་སྐོར་གླེང་བ།

༢༠༡༦ ཟླ་༡༠ ཚེས་༧ ཉིན་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་དགེ་སློབ་དོན་གཉེར་ཅན་འདུ་འཛོམས་ཐོག་ཇི་ལྟར་གདན་ཞུས་ལྟར་ངེས་པ་དོན་གྱི་མཁས་དབང་སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་བློ་བཟང་བསྟན་འཛིན་མཆོག་དངོས་སུ་ཕེབས་ནས་《ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱ་》ཞེས་བྱ་བའི་ལུགས་ཀྱི་བསྟན་བཅོས་ཐོག་གཏམ་བཤད་བཀྲིན་བསྐྱངས་གནང་ཡོད། རྒྱས་པར་གཟིགས་་

རིགས་ལམ་སློབ་ཁྲིད་དབུ་འཛུགས་གནང་།

༢༠༡༦ ལོའི་ཟླ་༩ ཚེས་༡༦ ཉིན་དྷ་ས་ནང་ཆོས་ངོ་སྤྲོད་ཚོགས་པའི་སློབ་དཔོན་ཆེན་པོ་རིས་མེད་བ་དགེ་བཤེས་བློ་བཟང་ཟླ་བ་མཆོག་གིས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་སྨན་རྩིས་ཁང་གི་དགེ་ལས་སློབ་ཕྲུག་སོགས་ལ་ནང་པའི་རིགས་ལམ་ངོ་སྤྲོད་ཐོག་ཉིད་ཀྱིས་མཛད་པའི་ 《དཔལ་ནྰ་ལྣྡྲའི་མཁས་པའི་གཞུང་ནས་གསུངས་པའི་རིགས་ལམ་ངོ་སྤྲོད་བློ་གསར་འཇུག་ངོགས་》 ཞེས་པའི་ཐོག་འཆད་འཁྲིད་དབུ་འཛུགས་ཞུས་ཡོད། རྒྱས་པར་གཟིགས་་

བོད་ཀྱི་རིག་གནས་དང་དེང་རབས་སློབ་ཚན་བར་འབྲེལ་ཚུལ་སྐོར་གླེང་བ།

ྋསྐུའི་གསུང་སྒྱུར་གཙོ་བོ་དགེ་བཤེས་ཐུབ་བསྟན་སྦྱིན་པ་ལགས་ཀྱིས་༢༠༡༦ ཟླ་༧ ཚེས་༢༩ དགོང་མོ་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་《བོད་ཀྱི་གསོ་རིག་གཙོས་རིག་གནས་ཆེ་ཁག་དང་དེང་རབས་སློབ་ཚན་བར་འབྲེལ་ཚུལ་སྐོར་》ཞེས་པའི་བརྗོད་གཞིའི་ཐོག་གསུང་བཤད་གནང་།
རྒྱས་པར་གཟིགས་་

ཉམས་ཞིབ་བྱེད་ཚུལ་སྐོར་གླེང་བ།

ཕྱི་ལོ་ ༢༠༡༦ ཟླ་༧ ཚེས་༢༦ ཉིན་སྨན་རྩིས་མཐོ་སློབ་ཚོགས་ཁང་དུ་སྨན་རྩིས་དགེ་སློབ་དང་དོན་གཉེར་ཅན་འདུ་འཛོམས་ཐོག་ཨ་རི་ཀེ་ལི་ཕོར་ནི་ཡའི་གཙུག་ལག་སློབ་གཉེར་ཁང་གི་གཙུག་ལག་སློབ་དཔོན་བསྟན་འཛིན་རྡོ་རྗེ་ལགས་ཀྱིས་《ཉམས་ཞིབ་བྱེད་ཚུལ་སྐོར་》གཏམ་བཤད་ཅིག་གནང་ཡོད། རྒྱས་པར་གཟིགས་་

སེམས་བྱུང་མ་རིག་པའི་ཟབ་ཁྲིད་སྐོར་གསན།

དྷ་ས་བོད་ཀྱི་སྨན་རྩིས་ཁང་གི་ལུས་སེམས་སྲོག་གི་སྡེ་ཚན་གྱིས་གོ་སྒྲིག་འོག་ཕྱི་ལོ་ ༢༠༡༦ ཟླ་༥ ཚེས་༩ - ༡༢ བར་ཉིན་ལྟར་ཆུ་ཚོད་གཅིག་རིང་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་རྒྱ་གར་ལྷོ་ཕྱོགས་འབྲས་སྤུངས་སྒོ་མང་དགེ་བཤེས་བསྟན་པ་འཕགས་མཆོག་ལགས་ཀྱིས་སེམས་བྱུང་མ་རིག་པའི་སྐོར་ལ་ཟབ་ཁྲིད་རྒྱས་པ་ཞིག་བསྩལ་ཡོད།  རྒྱས་པར་གཟིགས་་

སྨན་གཏོང་ཚུལ་སྐོར་གླེང་བ།

ཕྱི་ལོ་ ༢༠༡༦ ཟླ་༤ ཚེས་༢༩ ཉིན་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་སྨན་རྩིས་དགེ་སློབ་རྣམས་ལ་ཆེས་མཐོའི་སྨན་རྩིས་རིག་གཞུང་ལྷན་ཚོགས་ཀྱི་ཚོགས་གཙོ་སྐུ་བཅར་སྨན་རམས་པ་ཚེ་དབང་རྟ་མགྲིན་ལགས་ནས་སྨན་གཏོང་ཚུལ་སྐོར་ལ་ཉིད་ཀྱི་ཉམས་མྱོང་ས་བཅད་རྣམ་གྲངས་བཅུ་གསུམ་དུ་འབྱེད་ནས་གསུང་བཤད་གལ་འགངས་ཅན་ཞིག་གནང་ཡོད། རྒྱས་པར་གཟིགས་་

དྲི་ཆུའི་བརྟག་ཐབས་སྐོར་གླེང་བ།

ཕྱི་ལོ་༢༠༡༦ ཟླ་༤ ཚེས་༢ ཉིན་ྋརྒྱལ་བའི་བླ་ཟུར་དགེ་སློང་ཡེ་ཤེས་དོན་ལྡན་ལགས་ཀྱིས་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་དགེ་སློབ་རྣམས་ལ་དྲི་ཆུའི་བརྟག་ཐབས་སྐོར་གྱི་གཞུང་བཤད་དང་། དེ་བཞིན་འབྲས་ནད་བཅོས་ཚུལ་སྙིང་བསྡུས་ཤིག  དྲི་ཆུའི་བརྟག་ཐབས་ཀྱི་དམར་ཁྲིད་ལག་ལེན། དགེ་སློབ་རྣམས་ཀྱི་དོགས་འདྲི་ལ་དོགས་གཅོད་སྐོར་གྱི་གསུང་བཤད་ཅིག་གནང་ཡོད། རྒྱས་པར་གཟིགས་་

བརྒྱ་སྟོན་མཛད་སྒོར་སྩལ་བའི་ྋགོང་ས་མཆོག་གི་བཀའ་སློབ།

༢༠༡༦ ཟླ་༣ ཚེས་༢༣ ཉིན་དྷ་ས་གཙུག་ལག་ཁང་དུ་སྨན་རྩིས་ཁང་དབུ་བརྙེས་ནས་མི་ལོ་བརྒྱ་འཁོར་བའི་དུས་དྲན་སྲུང་བརྩི་ཞུ་སྐབས་ཚོགས་མགོན་དུ་ཞབས་སོར་འཁོད་པ་ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་ནས་མང་ཚོགས་ཀྱི་འཕྲོད་བསྟེན་དང་འབྲེལ་བའི་ནད་གཞི་སྔོན་འགོག་དང་བོད་མིའི་ཡ་རབས་བཟང་སྤྱོད་སོགས་ཀྱི་སྐོར་ལ་བཀའ་སློབ་ཕེབས། རྒྱས་པར་གཟིགས་་

གསོ་རིག་བརྡ་དང་ཐ་སྙད་ཐོག་གསུང་བཤད།

སྨན་རམས་པ་རྡོ་རྗེ་དགྲ་འདུལ་ལགས་ཀྱིས་《བོད་ཀྱི་གསོ་བ་རིག་པའི་ཐུན་མོང་མིན་པའི་བརྡ་དང་ཐ་སྙད་ཀྱི་ངོ་བོ་དང་བྱུང་རབས་སྐོར་》ལ་གཏམ་བཤད་གནང་བ་དེ་ཡིན།

རྒྱས་པར་གཟིགས་་

བོད་ལུགས་སྨན་རྫས་དང་ཐོན་ཁུངས་སྲུང་སྐྱོབ།

བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་2015 ཟླ་10 ཚེས་26-31བར་ཉིན་དྲུག་རིང་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་ "བོད་ཀྱི་གསོ་རིག་སྨན་པའི་ཤེས་ཡོན་གོང་སྤེལ་གྱི་ཟབ་འཁྲིད་" ཅིག་གོ་སྒྲིག་ཞུས་པའི་སྐབས། སྨན་རམས་པ་ཚེ་རིང་ནོར་བུ་ལགས་ཀྱིས་བོད་ལུགས་སྨན་རྫས་དང་ཐོན་ཁུངས་སྲུང་སྐྱོབ་བྱེད་ཚུལ་གྱི་བརྗོད་གཞིའི་ཐོག་གསུང་བཤད་ཅིག་གནང་ཡོད་པ་དེ་ཡིན། 
རྒྱས་པར་གཟིགས་་

རྒྱུད་བཞིའི་བྱུང་ཚུལ་ཐད་ངོས་འཛིན་མི་འདྲ་བའི་སྐོར་གླེང་བ།

བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་2015 ཟླ་10 ཚེས་26-31བར་ཉིན་དྲུག་རིང་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་ "བོད་ཀྱི་གསོ་རིག་སྨན་པའི་ཤེས་ཡོན་གོང་སྤེལ་གྱི་ཟབ་འཁྲིད་" ཅིག་གོ་སྒྲིག་ཞུས་པའི་སྐབས། སྨན་རམས་པ་ཆོས་ལོ་ཐར་ལགས་ཀྱིས་དཔལ་ལྡན་རྒྱུད་བཞིའི་བྱུང་ཚུལ་ཐད་ངོས་འཛིན་མི་འདྲ་བ་ཁག་བཅུ་ཙམ་དང་། གསོ་བ་རིག་པའི་རྩོམ་བསྒྱུར་འཕེལ་རིམ་གྱི་བརྗོད་གཞི་གཉིས་ཀྱི་སྐོར་སྦྲགས་ནས་གསུང་བཤད་གནང་ཡོད་པའི་ཚན་པ་ཞིག་ཡིན། རྒྱས་པར་གཟིགས་་

སྨན་རྒྱུའི་ལས་སྣོན་བྱེད་ཐབས་དང་སྨན་སྦྱོར་ཆེད་ལས་པའི་འགན་སྲུང༌།

བོད་ཀྱི་གསོ་བ་རིག་པའི་ལྷན་ཚོགས་ནས་ཕྱི་ལོ་2015 ཟླ་10 ཚེས་26-31བར་ཉིན་དྲུག་རིང་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་ "བོད་ཀྱི་གསོ་རིག་སྨན་པའི་ཤེས་ཡོན་གོང་སྤེལ་གྱི་ཟབ་འཁྲིད།" ཅིག་གོ་སྒྲིག་ཞུས་པའི་སྐབས། ནོར་གླིང་ཀུན་བདེ་ཁང་གསར་བོད་སྨན་བཟོ་གྲྭའི་སྨན་པ་སྤེན་པ་ཚེ་རིང་ལགས་ཀྱིས་ "སྨན་རྒྱུའི་ལས་སྣོན་བྱེད་ཐབས་དང་། སྨན་སྦྱོར་ཆེད་ལས་པའི་དམིགས་བསལ་འགན་སྲུང་།" གི་བརྗོད་གཞིའི་ཐོག་ལ་གསུང་བཤད་ཅིག་གནང་ཡོད། རྒྱས་པར་གཟིགས་་

བྱ་དོ་རིན་པོ་ཆེས་སེམས་ཁམས་འཁྲུག་བཅོས་སྐོར་གླེང་བ།

དྷ་ས་བོད་ཀྱི་སྨན་རྩིས་ཁང་དུ་ལུས་སེམས་སྲོག་གི་བགྲོ་གླེང་ཚོགས་ཐེངས་གསུམ་པའི་སྟེང་། དགེ་བཤེས་ལྷ་རམས་པ་བྱ་དོ་རིན་པོ་ཆེ་བསྟན་འཛིན་འབྱུང་གནས་མཆོག་གིས་བོད་བརྒྱུད་ནང་བསྟན་ལྟ་གྲུབ་ཐོག་ནས་སེམས་ཁམས་འཁྲུགས་པའི་བཅོས་ཐབས་སྐོར་སྡེ་ཚན་བཞིའི་སྒོ་ནས་ཁ་གསལ་གནད་སྨིན་གསུང་བཤད་གནང་བའི་དུམ་ཚན་ཞིག་ཡིན། རྒྱས་པར་གཟིགས་་

དོལ་པོ་སྤྲུལ་སྐུས་སེམས་ཁམས་འཁྲུགས་པའི་རྒྱུ་རྐྱེན་སྐོར་གླེང་བ།

འདི་ག་བོད་ཀྱི་སྨན་རྩིས་ཁང་ལུས་སེམས་སྲོག་སྡེ་ཚན་ནས་གོ་སྒྲིག་ཞུས་པའི་ལུས་སེམས་སྲོག་གི་རྒྱལ་སྤྱིའི་བགྲོ་གླེང་ཚོགས་ཐེངས་གསུམ་པའི་ཉིན་དང་པོའི་སྐབས། དོལ་པོ་སྤྲུལ་སྐུ་ཨོ་རྒྱན་ཆོས་དབྱིངས་ཡེ་ཤེས་མཆོག་གིས་བོད་བརྒྱུད་ནང་དོན་རིག་པ་ལས་གསུངས་པའི་སེམས་ཁམས་འཁྲུགས་པའི་རྒྱུ་རྐྱེན་སྐོར་གསུང་བཤད་ཅིག་གནང་ཡོད་པ་དེ་ཡིན། འདིའི་ནང་དུ་རིན་པོ་ཆེ་མཆོག་གིས་ནང་དོན་རིག་པའི་དགོངས་དོན་ལས་མ་བརྒལ་བར་དེང་རབས་མི་ཚེའི་འཚོ་བའི་ནང་གི་མི་དཀྱུས་མའི་སེམས་ཁམས་དང་སྦྱར་ནས་སེམས་འཁྲུགས་པའི་རྒྱུ་རྐྱེན་གྱི་རྣམ་གྲངས་ཁག་ཅིག་སྐོར་ཁ་གསལ་གསུངས་གནང་ཡོད། རྒྱས་པར་གཟིགས་་

བོད་རྩིས་རིག་པའི་ཐོག་ནས་སེམས་འཁྲུགས་པའི་བཅོས་ཐབས་སྐོར་གླེང་བ།

སྨན་རྩིས་པ་ཨེ་པ་བསོད་ནམས་རིན་ཆེན་ལགས་ཀྱིས་བོད་རྩིས་རིག་པའི་ཐོག་ནས་སེམས་ཁམས་འཁྲུགས་པའི་བཅོས་ཐབས་སྐོར་གསུང་བཤད་གནང་ཡོད་པ་དེ་ཡང། འདི་ག་བོད་ཀྱི་སྨན་རྩིས་ཁང་ལུས་སེམས་སྲོག་སྡེ་ཚན་ནས་གོ་སྒྲིག་ཞུས་པའི་ལུས་སེམས་སྲོག་གི་རྒྱལ་སྤྱིའི་བགྲོ་གླེང་ཚོགས་ཐེངས་གསུམ་པའི་སྐབས་བོད་རྩིས་རིག་པའི་དགོངས་དོན་སྟེང་ཁོང་རང་ཉིད་ཀྱི་མི་ཚིའི་དངོས་བྱུང་མྱོང་བ་དང་སྦྱར་ནས་གཏམ་གླེང་དོན་ལ་གནས་པ་ཅིག་གནང་ཡོད། རྒྱས་པར་གཟིགས་་

སྨན་སྦྱོར་ནུས་པ་ཕྱོགས་བསྡུས་ཀྱི་བཤད་ཁྲིད་གསན།

སྨན་རམས་པ་པདྨ་རྡོ་རྗེ་མཆོག་ལ་བོད་ཀྱི་སྨན་རྩིས་མཐོ་སློབ་ཁང་གི་དོན་གཉེར་ལྡན་པའི་སྨན་སློབ་ཁག་ཅིག་ནས་རེ་བསྐུལ་ཞུས་པ་བཞིན་ཕྱི་ལོ་༢༠༠༧ ལོར་སྨན་སྦྱོར་ནུས་པ་ཕྱོགས་བསྡུས་ཀྱི་བཤད་ཁྲིད་དང་སྦྲགས། སྨན་རམས་པ་རང་ཉིད་ནས་ལོ་མང་རིང་དུ་བསགས་པའི་ནད་བཅོས་ཉམས་མྱོང་གི་མན་ངག་རྣམས་སྦས་གསང་མེད་པར་གསལ་རྗེན་དུ་བསྟན་གནང་ཡོད། རྒྱས་པར་གཟིགས་་

དབྱུག་བཅོས་གཞུང་ཚན་གཉིས་ཐོག་དཔེ་ཁྲིད།

ཕྱི་ལོ་2015 ཟླ་8 ཚེས་5-7 བར་ཝྰ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་མཆོག་གིས་འདི་ག་དྷ་ས་བོད་ཀྱི་སྨན་རྩིས་ཁང་གི་སྨན་པ་ཁག་ཅིག་ལ། མན་ངག་བྱེ་བ་རིང་བསྲེལ་ནང་བཞུགས་རཏྣ་མངྒས་མཛད་པའི་《དབྱུག་བཅོས་ནད་གདོན་ཀུན་སེལ།》ཞེས་པ་དེ་དང་། དེའུ་དམར་བསྟན་འཛིན་ཕུན་ཚོགས་ཀྱིས་བརྩམས་པའི་《རྡོ་རྗེ་དབྱུག་པའི་མན་ངག་ནད་གདོན་ཀུན་འཇོམས་གནམ་ལྕགས་ཐོག་མདའ།》ཞེས་པའི་གཞུང་ཚན་གཉིས་སྦྲགས་ནས་དཔེ་ཁྲིད་བྱས་པའི་ཚན་པ་ལྔ་བཞུགས་ཡོད། རྒྱས་པར་གཟིགས་་

གསོ་བ་རིག་པའི་ངོ་སྤྲོད་གསུང་བཤད།

འདི་ནི་ཝྰ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་མཆོག་གིས་འདི་ལོའི་ཟླ་8 ཕྱི་ཚེས་5 ཉིན་རྒྱབ། དྷ་ས་བོད་ཀྱི་སྨན་རྩིས་ཁང་གི་ལྷན་ཚོགས་ཁང་དུ་འདི་གའི་སྨན་པ་ཁག་ཅིག་ལ་དབྱུག་བཅོས་སྐོར་གྱི་གཞུང་བཤད་དང་ལག་ཁྲིད་བཀའ་དྲིན་བསྐྱངས་གནང་ཡོད། དེའི་སྐབས་སྔོན་འགྲོའི་ཚུལ་དུ་བོད་ཀྱི་གསོ་བ་རིག་པའི་ངོ་སྤྲོད་ཀྱི་གསུང་བཤད་རྒྱས་པ་ཞིག་གནང་ཡོད་པ་དེ་ཡིན།

རྒྱས་པར་གཟིགས་་

ྋགོང་ས་མཆོག་གིས་སྨན་བླའི་རྗེས་གནང་བསྩལ་སྐབས་ཀྱི་བཀའ་སློབ།

ཕྱི་ལོ་༢༠༡༤ ཟླ་༣ ཚེས་༣༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱིས་ཇི་ལྟར་གསོལ་འདེབས་ཞུས་པ་ལྟར། ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གིས་ཐོག་མར་སྔོན་འགྲོ་ནང་ཆོས་ངོ་སྤྲོད་དང་། དངོས་གཞི་སངས་རྒྱས་སྨན་བླའི་རྗེས་གནང་དང་སྦྲགས། མགོན་པོ་གང་ཉིད་ཀྱིས་མཛད་པའི་སྨན་བླ་མཆེད་བརྒྱད་ཀྱི་གསོལ་འདེབས་སོགས་ཀྱི་བཀའ་ལུང་བཀྲིན་བསྐྱངས་སྐབས་བསྩལ་བའི་བཀའ་སློབ་ཚན་པ་གཉིས་བཞུགས་ཡོད།

རྒྱས་པར་གཟིགས་་

ཨྰཡུརྦེད་དང་གསོ་རིག་གཉིས་ཀྱི་ཁྱད་པར་ཐོག་གསུང་བཤད།

བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ནས་ཕྱི་ལོ་༢༠༡༢ ཟླ་༣ ནང་དྷ་རམ་ས་ལར་གསོ་རིག་སྨན་པའི་ཤེས་ཡོན་གོང་སྤེལ་ཆེད་ཟབ་སྦྱོང་ཐེངས་གསུམ་པ་གོ་སྒྲིག་ཞུས་སྐབས། སྨན་རམས་པ་རྡོ་རྗེ་དགྲ་འདུལ་ལགས་ནས་རྒྱ་གར་ཚེའི་རིག་བྱེད་དང་བོད་ལུགས་གསོ་བ་རིག་པ་གཉིས་ཀྱི་གཞི་རྩའི་ཁྱད་པར་ཐོག་གསུང་བཤད་གནང་ཡོད་པའི་དུམ་ཚན་ཞིག་ཡིན།

རྒྱས་པར་གཟིགས་་

གཅིན་སྙི་ཟ་ཁུའི་ཐོག་སྨན་རམས་པ་མཁྱེན་རབ་རྒྱ་མཚོའི་གསུང་བཤད།

ཕྱི་ལོ་༢༠༡༤ ཟླ་༡༡ ཚེས་༡༤ ཉིན་བོད་ཀྱི་སྨན་རྩིས་ཁང་གི་མཐོ་སློབ་ཚོགས་ཁང་དུ་བོད་ཀྱི་སྨན་རྩིས་ཁང་གི་ཉམས་ཞིབ་སྡེ་ཚན་དང་བོད་མིའི་སྒྲིག་འཛུགས་འཕྲོད་བསྟེན་ལྷན་ཁང་གིས་གོ་སྒྲིག་ཞུས་པའི་"འཛམ་གླིང་གཅིན་སྙི་ཟ་ཁུའི་ཉིན་མོ་"སྲུང་བརྩི་ཞུ་སྐབས་གཅིན་སྙི་ཟ་ཁུའི་ཐོག་བོད་ཀྱི་གསོ་བ་རིག་པའི་ལུགས་ཀྱི་བཞེད་ཚུལ་སྐོར་སྨན་དགེ་སྨན་རམས་པ་མཁྱེན་རབ་རྒྱ་མཚོས་གསུང་བཤད་གནང་ཡོད་པ་དེ་ཡིན།

རྒྱས་པར་གཟིགས་་

མ་ཞུ་བའི་ཐོག་ལ་སྨན་རམས་པ་པདྨ་རྡོ་རྗེའི་གསུང་བཤད།

ཕྱི་ལོ་༢༠༡༤ ཟླ་༡༠ ཚེས་༡༧ ཉིན་སྨན་རམས་པ་པདྨ་རྡོ་རྗེ་ལགས་ཀྱིས་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་དགེ་སློབ་སྨན་པ་བཅས་ལྷན་འཛོམས་ཐོག་བོད་ཀྱི་གསོ་རིག་ལུགས་སུ་ཁོང་ནད་ཀུན་གྱི་རྩ་བ་མ་ཞུ་བའི་སྐོར་ལ་གནང་བའི་གསུང་བཤད་ཚན་པ་ཞིག་ཡིན།

རྒྱས་པར་གཟིགས་་

ལུས་ཆགས་ཚུལ་སྐོར་སྨན་རམས་པ་རྣམ་རྒྱལ་ཁྱུ་གསར་གྱི་གསུང་བཤད།

ཕྱི་ལོ་༢༠༡༤ ཟླ་༩ ཚེས་ ༡༩ ཉིན་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་སྨན་རམས་པ་རྣམ་རྒྱལ་ཁྱུ་གསར་ལགས་ཀྱིས་སྨན་རྩིས་སློབ་མ་རྣམས་ལ་ལུས་ཆགས་ཚུལ་ཐོག་ལ་བོད་ལུགས་གསོ་རིག་དང་དེང་རབས་སྨན་ལུགས་ཟུང་འབྲེལ་སྒོ་ནས་གསུང་བཤད་བྱས་པའི་དུམ་ཚན་ཞིག་ཡིན།

རྒྱས་པར་གཟིགས་་

རྩ་རླུང་སྐོར་གཉན་རྩེ་སྤྲུལ་སྐུའི་གསུང་བཤད།

ཕྱི་ལོ་༢༠༡༤  ཟླ་༩  ཚེས་༡༧  ཉིན་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་དགེ་སློབ་དང་སྨན་རྩིས་པ་ལྷན་འཛོམས་མདུན་དུ། གཉན་རྩེ་སྤྲུལ་སྐུ་བློ་བཟང་དམ་ཆོས་ཉི་མ་ལགས་ཀྱིས་བོད་བརྒྱུད་ནང་བསྟན་དང་འབྲེལ་བའི་རྩ་རླུང་དང་ལུས་སྦྱོང་སྐོར་གསུང་བཤད་གནང་བའི་དུམ་ཚན་ཞིག་ཡིན། རྒྱས་པར་གཟིགས་་

སྨན་རམས་པ་ཚེ་དབང་རྟ་མགྲིན་གྱི་གསུང་བཤད།

ཕྱི་ལོ་ ༢༠༡༤ ཟླ་༧ ཚེས་ ༢༨ ཉིན་དྷ་ས་བོད་ཀྱི་སྨན་རྩིས་ཁང་དུ་འཛམ་གླིང་མཆིན་པའི་གཉན་ཚད་ཉིན་མོ་ (World Hepatitis Day) སྲུང་བརྩི་ཞུས་སྐབས་ྋསྐུའི་བླ་ཞབས་སྨན་རྩིས་ཁང་གི་སྨན་པ་གཙོ་བོ་སྨན་རམས་པ་ཚེ་དབང་རྟ་མགྲིན་ལགས་ཀྱིས་གསོ་རིག་ལུགས་ཀྱི་མཆིན་ནད་དུག་ཐབས་ (Hep-B) ཐོག་གསུང་བཤད་གནང་ཡོད། རྒྱས་པར་གཟིགས་་

སྨན་རམས་པ་པདྨ་རྡོ་རྗེས་མཐོང་བ་ཆུ་ལ་གསུང་བཤད།

སྐུ་ངོ་བར་ཞི་ཕུན་ཚོགས་དབང་རྒྱལ་གྱིས་མཛད་པའི་ <<ཕྱི་རྒྱུད་རྩ་ཆུའི་ལྷན་ཐབས་འཚོ་བྱེད་མགུལ་པའི་མཛེས་རྒྱན་>> ཞེས་པར་སྨན་རམས་པ་པདྨ་རྡོ་རྗེ་ལགས་ཀྱིས་འདི་གའི་སྨན་པ་ཁག་ཅིག་ལ་གཞུང་དེ་དཔེ་ཁྲིད་གནང་ཡོད། འདིའི་ནང་མཐོང་བ་ཆུའི་ལྷན་ཐབས་ལ་གསུང་བཤད་ཚན་པ་བཞི་བཞུགས་ཡོད། རྒྱས་པར་གཟིགས་་

སྨན་རམས་པ་པདྨ་རྡོ་རྗེས་རེག་པ་རྩ་ལ་གསུང་བཤད།

སྐུ་ངོ་བར་ཞི་ཕུན་ཚོགས་དབང་རྒྱལ་གྱིས་མཛད་པའི་ <<ཕྱི་རྒྱུད་རྩ་ཆུའི་ལྷན་ཐབས་འཚོ་བྱེད་མགུལ་པའི་མཛེས་རྒྱན་>> ཞེས་པར་སྨན་རམས་པ་པདྨ་རྡོ་རྗེ་ལགས་ཀྱིས་འདི་གའི་སྨན་པ་ཁག་ཅིག་ལ་གཞུང་དེ་དཔེ་ཁྲིད་གནང་ཡོད། འདིའི་ནང་རེག་པ་རྩའི་ལྷན་ཐབས་ལ་གསུང་བཤད་ཚན་པ་བཞི་བཞུགས་ཡོད། རྒྱས་པར་གཟིགས་་

ྋབླ་ཟུར་དགེ་སློང་ཡེ་ཤེས་དོན་ལྡན་གྱི་གསུང་བཤད།

ྋརྒྱལ་བའི་བླ་སྨན་ཟུར་པ་ཡེ་ཤེས་དོན་ལྡན་ལགས་ཀྱིས་ཕྱི་ལོ་ ༢༠༡༤  ཟླ་ ༤ ཚེས་ ༡ ཉིན་སྨན་ལྷན་དབུ་བརྙེས་ནས་ལོ་བཅུ་འཁོར་བའི་དུས་དྲན་སྐབས་སྨན་རྩིས་མཐོ་སློབ་ཚོགས་ཁང་དུ་སྨན་པ་རྣམས་ལ་དྲི་ཆུ་བརྟག་ཐབས་ཀྱི་གཞུང་བཤད་དང་ལག་ལེན་དམར་ཁྲིད་གནང་བའི་གསུང་བཤད། རྒྱས་པར་གཟིགས་་

༸གོང་ས་མཆོག་གི་བཀའ་སློབ།

བོད་ཀྱི་སྨན་རྩིས་ཁང་དབུ་བརྙེས་ནས་ལོ་ངོ་ལྔ་བཅུ་འཁོར་བའི་དྲས་དྲན་ཉིན་མོར་༸གོང་ས་མཆོག་གིས་སྨན་རྩིས་ལས་སློབ་ཡོངས་ལ་སྩལ་བའི་བཀའ་སློབ། རྒྱས་པར་གཟིགས་་

སྐུའི་བླ་སྨན་པའི་གསུང་བཤད།

སྐུའི་བླ་སྨན་བསྟན་འཛིན་ཆོས་གྲགས་ལགས་ནས་ཉེས་པ་རླུང་མཁྲིས་བད་ཀན་གསུམ་གྱི་རྣམ་བཞག་ངོ་སྤྲོད་དང་ནད་པར་བརྟག་དཔྱད་སྨན་བཅོས་གནང་བཞིན་པའི་བརྙན་འཁོར་དུམ་བུ་ཞིག རྒྱས་པར་གཟིགས་་

སྨན་རྩིས་ཁང་གི་སྐོར།

བཙན་བྱོལ་བོད་གཞུང་སྨན་རྩིས་ཁང་གི་སྔ་ཕྱིའི་བརྒྱུད་རིམ་དང་འབྲེལ་བའི་གནས་ཚུལ་ཁག་ཅིག་གི་ལོ་རྒྱུས་གསལ་བོར་བཀོད་པ་དང་འབྲེལ་༸སྤྱི་ནོར་གོང་ས་སྐྱབས་མགོན་མཆོན་པོ་མཆོག་གིས་བོད་ཀྱི་གསོ་བ་རིག་པའི་ཁྱད་ཆོས་ཀུན་ཚིག་ཉུང་དོན་གསལ་ཐོག་གསུང་བཤད་བཀའ་དྲིན་ཆེ་བའི་བརྙན་འཁོར་གྱི་དུམ་མཚམས་གཅིག རྒྱས་པར་གཟིགས་་

སྐུའི་བླ་སྨན་པ་བསྟན་འཛིན་ཆོས་གྲགས་ཀྱི་གསུང་བཤད། ༡

༸སྐུའི་བླ་སྨན་པ་བསྟན་འཛིན་ཆོས་གྲགས་མཆོག་གིས་བཙན་བྱོལ་བོད་གཞུང་སྨན་རྩིས་ཁང་དུ་སྨན་གྱི་བགྲོ་གླེང་ཚུགས་སྐབས་འབྲས་ནད་སྐོར་བ་གསུང་བཤད་གནང་བ་ལས་དུམ་མཚམས་གཅིག
རྒྱས་པར་གཟིགས་་

སྐུའི་བླ་སྨན་པ་བསྟན་འཛིན་ཆོས་གྲགས་ཀྱི་གསུང་བཤད། ༢

༸ སྐུའི་བླ་སྨན་པ་བསྟན་འཛིན་ཆོས་གྲགས་མཆོག་གིས་བཙན་བྱོལ་བོད་གཞུང་སྨན་རྩིས་ཁང་དུ་སྨན་གྱི་བགྲོ་གླེང་ཚུགས་སྐབས་འབྲས་ནད་སྐོར་ལ་གསུང་བཤད་གནང་བ་ལས་དུམ་མཚམས་གཅིག རྒྱས་པར་གཟིགས་་

སྐུའི་བླ་སྨན་པ་བསྟན་འཛིན་ཆོས་གྲགས་ཀྱི་གསུང་བཤད། ༣

༸ སྐུའི་བླ་སྨན་པ་བསྟན་འཛིན་ཆོས་གྲགས་མཆོག་གིས་བཙན་བྱོལ་བོད་གཞུང་སྨན་རྩིས་ཁང་དུ་སྨན་གྱི་བགྲོ་གླེང་ཚུགས་སྐབས་འབྲས་ནད་སྐོར་ལ་གསུང་བཤད་གནང་བ་ལས་དུམ་མཚམས་གཅིག རྒྱས་པར་གཟིགས་་

ནང་གསེས་དཀར་ཆག

ཡིག་ཆ་གསར་ཤོས།

བོད་ཡིག་མིང་བྱང་ལ་འགྱུར་བཅོས་བཏང་བ།

ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།

བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།

འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།

ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།

ཆོད་གན་ལས་མི་སྐྱེས་པ་གཉིས་དང་བུད་མེད་གསུམ་གྱི་ས་མིག་གསལ་བསྒྲགས།

ལེའུ་དང་པོ། ཀླད་དོན་གླེང་སློང་བ།

ལེའུ་གཉིས་པ། རླུང་ནད་གསོ་བ།

ལེའུ་གསུམ་པ། མཁྲིས་པའི་ནད་གསོ་པ།

ལེའུ་བཞི་པ། བད་ཀན་གྱི་ནད་བཅོས་པ།

ལེའུ་ལྔ་པ། འདུས་པའི་ནད་གསོ་བ།

ལེའུ་དྲུག་པ། མ་ཞུ་བ་གསོ་བ།

ལེའུ་བདུན་པ། གཅོང་ཆེན་སྐྲན་ནད་བཅོས་པ།

ལེའུ་བརྒྱད་པ། སྐྱ་རྦབ་ཀྱི་ནད་གསོ་བ།

ལེའུ་དགུ་པ། འོར་ནད་གསོ་བ།