སྨན་རྩིས་དྲ་བ། - སྨན་བཅོས།


བོད་ཀྱི་གསོ་དཔྱད་ཀྱི་ཐོག་མའི་འབྱུང་ཁུངས།

དེ་ཡང་མི་རྗེ་སངས་རྒྱས་རྒྱ་མཚོས་མཛད་པའི་《གསོ་རིག་ཁོག་འབུགས་དྲང་སྲོང་དགྱེས་པའི་དགའ་སྟོན་》ནང་རིག་བྱེད་ཀྱི་གཏམ་རྒྱུད་ལྟར་མི་ཡུལ་དུ་ཐོག་མར་སྐྱེས་པའི་ཤེད་བུ་ཞེས་བྱ་བས་སྲེད་པའི་བག་ཆགས་ཀྱིས་ས་ཞག་ཟོས་པ་ལ་བརྟེན་ནས་མ་ཞུ་བའི་ནད་ཀྱི་ཟུག་རྔུ་དྲག་པོས་བཏབ་སྟེ་སྨྲེ་སྔགས་ཕྱུངས་པ་མེས་པོ་ཚངས་པས་ཐོས་ནས་འགྲོ་བ་ལ་བརྩེ་བའི་བློས་སྔོན་སངས་རྒྱས་ཤཱཀྱ་ཐུབ་ཆེན་གྱིས་གསུངས་པའི་《གསོ་དཔྱད་འབུམ་སྡེ་》ལས། མ་ཞུ་བའི་ནད་ལ་ཆུ་སྐོལ་གཏོང་བའི་ཚུལ་ཡོད་པ་དྲན་ཏེ་ཚངས་པས་ཆུ་སྐོལ་གྱི་སྦྱོར་བ་བསླབས་པས་ཤེད་བུའི་ནད་ཞི། རྒྱུ་མཚན་དེ་ལ་དཔགས་ནས་ནད་ལ་སྔ་བ་མ་ཞུ་བ་དང། ནད་པ་ལ་སྔ་བ་ཤེད་བུ། སྨན་ལ་སྔ་བ་ཆུ་སྐོལ། སྨན་པ་ལ་སྔ་བ་ལྷ་ཚངས་པ་ཡིན་པར་འཇིག་རྟེན་དུ་གྲགས་པ་དེ་ལྟར་ནའང། དོན་དུ་འཇིག་རྟེན་འདིར་མི་ཆགས་པ་ནས་གདོད་མའི་སྤྱི་ཚོགས་སྐབས་བཟའ་བཏུང་ལོངས་སུ་སྤྱོད་རྒྱུ་ནི་རགས་པའི་ཁ་ཟས་ཁོ་ན་ཡིན་པས། དེའི་དབང་གིས་མི་ཚོར་མ་ཞུ་བའི་ནད་ཕོག་རྒྱུ་ནི་ཤིན་ཏུ་མང་བ་དང། རྗེས་སུ་མི་རྣམས་ཀྱིས་མེ་བཀོལ་སྤྱོད་ཀྱི་ཐབས་ཤེས་རྙེད་རྗེས་བཟའ་བཏུང་རྗེན་པ་དང། གྲང་མོ། འཇུ་དཀའ་བའི་རིགས་རྣམས་མེ་ལ་བསྲེགས་པ་དང། ཡང་ན་བཙོས་པ། ཐ་ན་དྲོད་བཏགས་པ་སོགས་ཀྱི་ཐབས་ཤེས་བརྒྱུད་མ་ཞུ་བའི་ནད་རིགས་ཡོང་རྒྱུར་སྔོན་འགོག་ཐུབ་པ་མ་ཟད། ཆུ་ཁོལ་བསྐོལ་བའི་ལག་ལེན་ཤེས་རྗེས་ལུས་པོར་དྲོད་བསྐྱེད་པ་དང། ཁ་ཟས་འཇུ་བ། དེ་མིན་ནད་རིགས་གཞན་དག་ལའང་ཕན་པ་ཡོད་པ་ར་འཕྲོད་བྱུང་བར་བརྟེན་སྨན་གྱི་ཐོག་མ་ཆུ་སྐོལ་ཡིན་པའང་ངལ་རྩོལ་མི་དམངས་ཀྱིས་ནད་རིགས་དང་འཐབ་རྩོད་བྱས་པའི་ནང་མེ་བཀོལ་སྤྱོད་ཀྱི་ལག་ལེན་ཁོ་ན་ལས་བྱུང་བ་ལོ་རྒྱུས་ཀྱི་དོན་དངོས་ཐོག་ནས་གསལ་བཤད་བྱས་པ་དང། ཇི་ལྟར་མི་རིགས་གང་ཞིག་དང་ས་གནས་གང་ཞིག་ཡིན་རུང་སྨན་དཔྱད་ཀྱི་ཐོག་མའི་བྱུང་ཚུལ་ལམ་མྱུ་གུ་ལྟ་བུ་ནི། མི་རྣམས་ཀྱིས་ཐོན་སྐྱེད་ངལ་རྩོལ་བྱེད་པའི་ལག་ལེན་ཉག་ཅིག་ལས། གཞན་པའི་རྒྱུ་མཚན་མེད་ངེས་པ་བཅས་སོ།།

དེ་ནས་སྤྱི་ལོའི་སྔོན་གྱི་ལོ་སུམ་བརྒྱའི་ཡས་མས་སུ་བོད་རྗེའི་ཐོག་མ་གཉའ་ཁྲི་བཙན་པོ་ཞེས་པ་དེ་ཉིད་སྤོ་བོའི་ཡུལ་ནས་བྱོན་ཏེ་ཡར་ཀླུང་གི་ལྷ་རི་གྱང་མཐོའི་རྩེ་ལ་(ད་ལྟའི་འཕྱོངས་རྒྱས་རྫོང་འགྲམ་)ཕེབས་ནས་གཟིགས་པས། ཡར་ཀླུང་གི་ཡུལ་དགེ་བཅུ་ཚང་ཞིང་ཡར་ལྷ་ཤམ་པོའི་གངས་ལྷུན་སྟུག་ཡ་མཚན་པར་མཁྱེན་ཏེ་ལྷ་རི་རོལ་པོའི་ལྷ་སྐས་ནས་བབས་ཏེ་བཙན་ཐང་སྒོ་བཞིར་(ལྷོ་ཁ་རྩེད་ཐང་ཉེ་འགྲམ་)ཕེབས། སྐབས་དེར་གཉའ་ཁྲི་བཙན་པོར་ཕྱུགས་འཚོ་བའི་མི་བཅུ་གཉིས་དང་འཕྲད་ཅིང། ཁོང་ཚོས་གཉའ་ཁྲི་རྗེ་ལ་བཀུར་བའི་རྣམ་པ་བསྟན་རུང་གཉའ་ཁྲི་བཙན་པོ་ཁྲིར་འཁོད་ཁར་དོགས་པ་དྲུག་ཡོད་པ་དེ་སྟོན་པའི་ནང། དོན་ཚན་ལྔ་པ་ནི་དུག་ཡོད་ཅེས་གསུངས་པར། རྩིབས་ལྷ་སྐར་མ་ཡོལ་སྡེ་ཞེས་པའི་ཤེས་པ་ཅན་དེས་བོད་འདིར་དུག་ལ་སྨན་ཡོད་ཅེས་གསུངས་པའི་སྐོར་《བློན་པོ་བཀའ་ཐང་》ནང་གསལ་བ་དེ་དག་ལ་གཞིགས་ན་སྐབས་དེའི་དུས་སུ་བོད་མི་དམངས་ཀྱིས་སྐྱེ་དངོས་དང། སྲོག་ཆགས། གཏེར་ཁའི་རིགས་བཅས་ཁ་ཤས་ལ་ནད་རིགས་གསོ་བའི་ནུས་པ་ཡོད་པ་ཤེས་རྟོགས་བྱུང་ཟིན་པ་མ་ཟད། དུག་སེལ་སྨན་གྱི་བྱེད་ཐབས་ཤེས་པའང་དངོས་ཤུགས་ཀྱིས་བསྟན་པ་ཡིན་ནོ།།

དེ་ལྟར་དུས་ཡུན་རིམ་པར་བརྒྱུད་པའི་མཐར་རྗེ་གཡུ་ཐོག་པ་གསར་རྙིང་གིས་འདས་པའི་ལོ་རྒྱུས་དང་འཚོ་བའི་དངོས་ལུགས། ཁོང་རྣམ་པའི་མྱོང་བྱང་རྣམས་ཕྱོགས་བསྡོམས་ཀྱིས་དཔལ་ལྡན་རྒྱུད་བཞིར་གྲགས་པའི་གསོ་རིག་གཞུང་ཆེན་འདི་ཉིད་བསྐྲུན་པར་མཛད་ཅིང་། དེའི་ནང་དུ་སྨན་བཅོས་ཀྱི་རྣམ་བཞག་རྒྱ་ཆེར་བསྟན་ཡོད་ལ། མདོར་བསྡུས་ན་ཟས་སྤྱོད་སྨན་དཔྱད་བཞིའི་སྒོ་ནས་སྨན་བཅོས་ཀྱི་རིམ་པ་ཡོངས་སུ་ཆ་ཚང་བར་བསྟན་ཡོད་པ་རེད།

 

 

ནང་གསེས་དཀར་ཆག

ཡིག་ཆ་གསར་ཤོས།

བོད་ཡིག་མིང་བྱང་ལ་འགྱུར་བཅོས་བཏང་བ།

ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།

བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།

འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།

ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།

ཆོད་གན་ལས་མི་སྐྱེས་པ་གཉིས་དང་བུད་མེད་གསུམ་གྱི་ས་མིག་གསལ་བསྒྲགས།

ལེའུ་དང་པོ། ཀླད་དོན་གླེང་སློང་བ།

ལེའུ་གཉིས་པ། རླུང་ནད་གསོ་བ།

ལེའུ་གསུམ་པ། མཁྲིས་པའི་ནད་གསོ་པ།

ལེའུ་བཞི་པ། བད་ཀན་གྱི་ནད་བཅོས་པ།

ལེའུ་ལྔ་པ། འདུས་པའི་ནད་གསོ་བ།

ལེའུ་དྲུག་པ། མ་ཞུ་བ་གསོ་བ།

ལེའུ་བདུན་པ། གཅོང་ཆེན་སྐྲན་ནད་བཅོས་པ།

ལེའུ་བརྒྱད་པ། སྐྱ་རྦབ་ཀྱི་ནད་གསོ་བ།

ལེའུ་དགུ་པ། འོར་ནད་གསོ་བ།