སྨན་རྩིས་དྲ་བ། - མན་ངག་ལྷན་ཐབས།

ལེའུ་ཞེ་བདུན་པ།	10.11.2020, 11:16 PM
གཉན་རིམས་ངམ་རུ་ཞེས་སུ་གྲགས་པ་ནི། །འདི་ལ་འགའ་ཞིག་རླུང་རིམས་ཞེས་ཟེར་ཀྱང༌། །ངོ་བོ་རྒྱུ་རྐྱེན་གཉན་རིམས་སྤྱི་དང་འདྲ། །གཉན་མཁྲིས་རླུང་གི་རྟར་ཞོན་ལུས་ཀུན་ཁྱབ། །དབྱེ་བ་རླུང་མཁྲིས་བད་ཀན་ཁྲག་ཆུ་སེར། །འདུས་པ་དང་བཅས་རྣམ་པ་དྲུག་གིས་བསྟན། །སྤྱི་རྟགས་ཆམ་པའི་མངོན་ཚུལ་འདྲ་བ་ལ། །གྲང་ཤུམ་ཚིགས་བརྒྱུད་གཡའ་ལ་སྒྱིད་པ་སྐྱུར། །གློ་སོར་ལྷེན་སྣ་མགྲིན་པ་མི་བདེ་ཞིང༌། །ཚ་སུབས་གྲེ་བའི་ནད་འབྱུང་རྩ་ཁ་བྱིང༌། །གཏིང་གྲིམས་ཡང་ན་སྟོང་ལྷོད་དང་ལྡན་འོང༌། རྒྱས་པར་གཟིགས་་
ལེའུ་ཞེ་དྲུག་པ།	10.11.2020, 11:15 PM
གཉན་ནད་རྣ་རྩ་ཕུས་འདེབས་ཞེས་བྱ་བ། །ངོ་བོ་གཉན་རིམས་སྤྱི་དང་འདྲ་བ་ལས། །མེད་ཕྱིར་འདི་རུ་རྟགས་བཅོས་གཉིས་སུ་བསྡུས། །རྣ་སྦུགས་འཁྱུག་ལ་གཟེར་ཞིང་ཟ་འགྲམ་སྐྲངས། །རྩ་གྲིམས་ཆུ་དམར་དྲོད་ཆེ་རྩེ་ (ཕུས་འདེབས་ངོས་མ་ཟིན་ན་བར་རྟ་སྐྲངས་པ་སོགས་ནད་གཞན་དུ་འགྱུར་བས་ནན་ནས་བཅོས་སྒྲིམ་པའོ།) འདར་འབྱུང༌། རྒྱས་པར་གཟིགས་་
ལེའུ་ཞེ་ལྔ་པ།	10.11.2020, 11:10 PM
གཉན་རིམས་འབར་འབུར་ཞེས་སུ་གྲགས་པ་ནི། །ངོ་བོ་གཉན་རིམས་སྤྱི་དང་འདྲ་བ་ལས། །སྒེར་མེད་འདི་རུ་རྟགས་བཅོས་གཉིས་ཀྱིས་བསྟན། །རྟགས་ནི་ལུས་ཀྱི་སྟོད་སྨད་ངེས་མེད་དུ། །སྐྲངས་པོ་འབར་འབུར་འོང་ཞིང་ཟུག་གཟེར་ཆེ། །རེས་འགའ་གྲང་ཤུམ་བྱེད་ཅིང་རྩ་ཆུ་ཚ། །བཅོས་ཐབས་སྨན་དཔྱད་ཟས་སྤྱོད་རྣམ་བཞི་ལས། །སྨན་ནི་བྱུག་པ་མཐིང་ནག་ཁྲོས་པ་དང༌། །འབྲུག་ལྕེ་ལྕགས་ཀྱི་སྤྱང་ཀི་སྟག་ལག་ཅན། རྒྱས་པར་གཟིགས་་
ལེའུ་ཞེ་བཞི་པ།	10.11.2020, 11:09 PM
གཉན་ནད་འཁྱམ་པོ་ཉག་གཅིག་ཅེས་བྱ་བ། །ངོ་བོ་གཉན་ཚད་སྤྱི་དང་འདྲ་བ་ལ། །རྟགས་བཅོས་གཉིས་ལས་དང་པོ་དེ་རྟགས་ནི། །སྐེ་དང་ལྐོག་མ་མཇིང་པའི་ལྡེབས་སོགས་ལ། །སྒོ་ང་འདྲ་བའི་སྐྲངས་འབྱུང་རྐྱེན་ཕྲད་ན། །ཟུག་གཟེར་ཆེ་ལ་སྲོག་ལ་རྒོལ་བ་འབྱུང༌། །མ་ཕྲད་ཟླ་བ་འགོར་ནས་འབྲས་སུ་འགྱུར། །སྨན་པ་ཕལ་ཆེར་རྩ་ཕྲེང་ཁྲག་ཕྲེང་དང༌། སེ་ར་རུས་སོགས་མིང་འདོགས་དུ་མ་བྱེད། རྒྱས་པར་གཟིགས་་
ལེའུ་ཞེ་གསུམ་པ།	10.11.2020, 11:07 PM
གཉན་ནད་ཁ་མེད་ཅེས་བྱ་གདུག་པའི་ནད། །རྒྱུ་རྐྱེན་རྟགས་དང་བཅོས་ཐབས་བཞི་ཡིས་བསྟན། །རྒྱུ་རྐྱེན་ངོ་བོ་གཉན་སྤྱི་མཐུན་པ་ལ། །ལུས་ལ་གནས་པའི་གཉན་བྱེད་རྩ་གསུམ་ཡོད། །དེ་ཡང་རླུང་རྩ་སྲིད་རྩ་ཁྲག་རྩ་གསུམ། །རླུང་རྩ་གསེར་གྱི་སྦུ་གུ་ཅན་ཞེས་བྱ། །སྲོག་པ་རྩ་ནས་བསམ་སེར་འབྲེལ་བར་རྒྱུ། །སྲིད་རྩ་དཀར་པོ་བསམ་སེ་ནས་བརྒྱུད་དེ། །ཕོ་མོའི་གསང་བར་འབྲེལ་བས་བདེ་བ་སྐྱེད། རྒྱས་པར་གཟིགས་་
ལེའུ་ཞེ་གཉིས་པ།	10.11.2020, 11:06 PM
གཉན་ནད་དོན་སྣོད་ལ་བབས་ནང་ལྷོག་ཅེས། །རྒྱུ་རྐྱེན་གོང་དུ་བརྗོད་ལས་མི་སྤྲོ་ཞིང༌། །འདི་རུ་བབས་རྟགས་གསོ་ཐབས་གཉིས་ཀྱིས་བསྟན། །དེ་ནི་སྲོག་རྩར་བབས་ན་ལུས་མདངས་འཆོར། །འབུར་ཚུགས་བལྟ་ཞིང་ཁ་ལྐུགས་མཆུ་མི་འཛུམ། །ལུས་དགྱེ་ལྟག་པ་རེངས་དང་རྔུལ་ཆུར་འཛག །ཁྲག་ནག་འཁྲུ་སྐྱུགས་བྱུང་ན་བདུན་ལ་འཆི། །མཆིན་བབས་མགོ་ན་ཁ་ཡོ་སོ་དྲེག་ཆགས། །ཉལ་འདུག་མི་ཤེས་ལུས་རྔུལ་མཆིན་རྩ་འབུར། རྒྱས་པར་གཟིགས་་
ལེའུ་ཞེ་གཅིག་པ།	10.11.2020, 11:04 PM
གཉན་རིམས་མཁྲིས་པ་རྩར་རྒྱུག་ཅེས་བྱ་འམ། །གཞན་དུ་རྒྱ་ནད་མིག་སེར་ཞེས་བྱ་བ། །ནག་པོ་གསུམ་འགྲིལ་ལ་སོགས་དོན་གཅིག་མིང༌། །ངོ་བོ་གཉན་ཚད་མཁྲིས་པར་བབས་པའི་རིམས། །འདི་རྒྱུ་གོང་དུ་བརྗོད་ལས་སྒེར་དུ་མེད། །འདི་རུ་རྐྱེན་རྟགས་སྲུང་བཅོས་བཞི་ཡིས་བསྟེན། །ནད་འདི་ཀླུ་བདུད་བྱང་སྨན་རྐྱེན་བྱས་པས། །མཁྲིས་ཚད་ཕྱི་རོལ་རྔུལ་གྱི་སྒོར་ཞུགས་ཏེ། །ནང་དུ་མཆིན་མཁྲིས་དོན་སྣོད་གཉིས་ལ་བབས རྒྱས་པར་གཟིགས་་
ལེའུ་བཞི་བཅུ་པ།	10.11.2020, 11:02 PM
གཉན་རིམས་བརྒྱུད་བབས་འཛུམ་བུ་ལྟག་དགྱེའི་ནད། །རྒྱུ་རྐྱེན་དབྱེ་བ་སྤྱི་ལས་འདིར་མི་སྤྲོ། །འོན་ཀྱང་རྟགས་སྲུང་བཅོས་པ་གསུམ་གྱིས་བསྟན། རྟགས་དང་མངོན་ཚུལ་གཉན་ཚད་སྤྱི་བཞིན་སྟེང༌། །སྙིང་མི་དགའ་ལ་འཕྲལ་དུ་ལུས་སྟོབས་འཆོར། །དྲི་ཆུ་ཁྲག་གམ་མར་ནག་ལྟ་བུར་འབྱུང༌། བཟུང་བས་མི་ཐུབ་ལྟག་པ་དགྱེད་དགྱེད་འགྲོ །དྲུག་བདུན་ཞག་ལ་འཛུམ་བཅས་འཆི་བ་མང༌། རྒྱས་པར་གཟིགས་་
ལེའུ་སོ་དགུ་པ།	10.11.2020, 11:00 PM
གཉན་རིམས་ཤ་རུས་རྩར་བེམ་འབྲས་ཞེས་པ།་ །རྒྱུ་རྐྱེན་དབྱེ་བ་རྟགས་བཅོས་ལྔ་ཡིས་བསྟན། །རྒྱུ་ནི་གཉན་ཚད་སྤྱི་དང་འདྲ་བ་ལ། །དྲག་ཤུལ་རྐྱེན་དང་ས་བདག་ཀླུ་གཉན་འགྲས། །ངན་ཁྲག་ཆུ་སེར་རྐུན་བུ་ལ་སོགས་པ། །རླུང་བསྒྲིལ་ལུས་ཀྱི་ལྷན་སྐྱེས་སྲིན་དང་བསྡོངས། །ཤ་རུས་རྩ་ལ་ཞེན་པས་འབྲས་སུ་བརྗོད། །དབྱེ་བ་སྐབས་འདིར་ཕྱི་ནང་གཉིས་སུ་བསྡུས། རྒྱས་པར་གཟིགས་་
ལེའུ་སོ་བརྒྱད་པ།	10.11.2020, 10:58 PM
ལྷོག་པའི་ནད་ལ་རྒྱུ་རྐྱེན་དབྱེ་བ་དང༌། །རྟགས་སྲུང་བཅོས་ཐབས་རྣམ་པ་དྲུག་གིས་བསྟན། །རྒྱུ་རྐྱེན་གཉན་རིམས་སྤྱི་དང་འདྲ་བ་ལ། །དབྱེ་བ་འབྱུང་བ་ས་ཆུ་མེ་རླུང་བཞི། །དཀར་ནག་ཁྲ་དང་རྒོད་དང་ཡང་རྒོད་དང༌། །ཡམ་བུ་ཡུ་མོ་དེ་ལྟར་བཅུ་གཅིག་སྟེ། །རྟགས་ལ་ཕྱི་ནང་གསང་བ་བྱེ་བྲག་བཞི། །ཕྱི་རྟགས་སྐྲངས་དབྱིབས་འབྲུམ་པ་ཆུ་བུར་འདྲ། རྒྱས་པར་གཟིགས་་
ལེའུ་སོ་བདུན་པ།	10.11.2020, 10:57 PM
ཡན་ལག་གཉན་བབས་བྱིན་ལོག་ཅེས་གྲགས་སམ། །ཉྭ་ལོག་འཁྲུ་སྐྱུགས་རྒྱུ་རྐྱེན་རྟགས་བཅོས་དང༌། །སྲུང་བ་ལྔ་ལས་རྒྱུ་རྐྱེན་གཉན་སྤྱི་མཐུན། །སྤྱི་རྟགས་གཉན་ཚད་ཀུན་དང་མཐུན་པ་ལ། །རྩ་རྒྱུད་ཕྲ་ལ་ཆུ་ནི་མར་ནག་འདྲ། །མགོ་ན་ཕྲུམ་སེར་ཁྱེར་ཞིང་ཚིགས་གཞི་ན། །ཡར་ལ་སྐྱུག་ཅིང་མར་ལ་བཤལ་བ་དང༌། །ཉྭ་རྣམས་འགྱུར་ཞིང་རྩ་རྣམས་འབྲོས་པ་འབྱུང༌། རྒྱས་པར་གཟིགས་་
ལེའུ་སོ་དྲུག་པ།	10.11.2020, 10:55 PM
གཉན་རིམས་ཚིགས་ལ་བབས་པ་རྨེན་བུའི་ནད། །རྒྱུ་རྐྱེན་གནས་ས་བཅོས་ཐབས་བཞི་ཡིས་བསྟན། །རྒྱུ་ནི་གཉན་ཚད་སྤྱི་དང་འདྲ་བ་ལ། །རྐྱེན་ནི་དྲག་ཤུལ་སོགས་ཀྱིས་རླུང་ཁྲག་འཁྲུགས། །དེ་དག་ཚིགས་སུ་འབབ་པར་བཤད་ནའང༌། །ཕལ་ཆེར་སྐེ་མཇིང་མིག་ཟུར་སྣེ་ས་རུ། །སྐྲངས་པའི་མདོག་དང་ཆེ་ཆུང་སྲ་སྙི་དྲོད། །ཟུག་གཟེར་སྨིན་པ་དཀའ་སླ་འཕེལ་འབྲི་སོགས། རྒྱས་པར་གཟིགས་་
ལེའུ་སོ་ལྔ་བ།	10.11.2020, 10:53 PM
གཉན་རིམས་ལྤགས་ལ་བབས་པ་མེ་དབལ་ལམ། །མེ་ལྕེ་འཁོར་ལོ་ཞེས་སུ་གྲགས་པ་སྟེ། །འདི་ནི་འབབ་སའི་དབང་གིས་ཅུང་ཟད་ཡང༌། །འོན་ཀྱང་རྒྱུ་དང་རྐྱེན་རྟགས་སྲུང་བཅོས་ལྔ། །རྒྱུ་ནི་གཉན་ཚད་སྤྱི་དང་འདྲ་བ་ལ། །དེ་རྐྱེན་ཆུ་སེར་ཚ་བ་རླུང་གིས་བུས། །དེ་རྟགས་འདར་བརྩེ་འབྲུམ་དམར་མྱུར་བར་མཆེད། །ལྤགས་གཡའ་འབྲུམ་ཆུང་འབྱུང་ལ་ཁ་ཁ་སྐམ། འདི་བསྲུང་རྒྱ་ཤོག་གྲི་ཁྲག་ཡིག་འབྲུ་འདི། །ཛྫྵ། ལྟོ་སྟོང་ཟོས་པས་མེ་དབལ་ནད་ལས་གྲོལ། རྒྱས་པར་གཟིགས་་
ལེའུ་སོ་བཞི་པ།	10.11.2020, 10:50 PM
རྒྱུ་གཟེར་ཞེས་བྱ་རྒྱུ་མར་གཉན་བབས་པར། །རྒྱུ་རྐྱེན་མཚན་ཉིད་དབྱེ་རྟགས་སྲུང་བཅོས་བདུན། །རྒྱུ་རྐྱེན་རིམས་སྤྱི་འདྲ་ལ་ཁྱད་པར་དུ། །ངོ་བོ་མཆིན་ཚད་ཐུར་དུ་བབས་པ་ལ། །གཉན་ནད་ཆུ་སེར་མཁྲིས་ཚད་བསླང་བ་ཡིས། །རྒྱུ་མ་གཟེར་ཞིང་འཁྲུ་བས་རྒྱུ་གཟེར་ཡིན། །དབྱེ་བ་སྐབས་འདིར་དོན་འཁྲུ་སྣོད་འཁྲུ་གཉིས། །སྟོབས་ཆེན་སྟོབས་ཆུང་གཉིས་དང་བཞི་རུ་བཤད། རྒྱས་པར་གཟིགས་་
ལེའུ་སོ་གསུམ་པ།	10.11.2020, 10:48 PM
གཉན་རིམས་ཕོ་བར་བབས་པར་ཕོ་གླང་ཞེས། །དེ་ལ་རྒྱུ་རྐྱེན་རྟགས་བཅོས་བཞི་ཡིས་བསྟན། །རྒྱུ་ནི་གཉན་ཚད་སྤྱི་དང་འདྲ་བ་ལ། །རྐྱེན་ནི་མ་ཞུ་རྔུལ་གྲང་གདོན་ལས་འབྱུང༌། །དེ་རྟགས་ཕོ་བར་ཟུག་ཆེ་གྲིས་དཀྲུགས་འདྲ། །ཕོ་བ་སྒྲིམ་ལ་ཉྭ་འབྲོས་བ་སྤུ་ལྡོག །རྩ་ཡི་ཤེད་དང་རྣ་བའི་མཁྲང་ཉམས་ཤིང༌། །མིག་གི་གཟེ་མ་ཐུར་དུ་ཞོམ་པར་བྱེད། །བཅོས་ཐབས་སྨན་དཔྱད་ཟས་སྤྱོད་བཞི་ཡིས་བསྟན། རྒྱས་པར་གཟིགས་་
ལེའུ་སོ་གཉིས་པ།	10.11.2020, 10:46 PM
རོ་སྟོད་གཉན་བབས་གཟེར་ཐུང་ཞེས་བྱ་འམ། །སྟོད་གཟེར་གློ་ཚད་ཅེས་སུ་གྲགས་པ་འདི། །རྒྱུད་ཆེན་འཁྲུགས་ཀྱི་ལེའུའི་ཁོངས་བསྡུས་པ། །ངོ་བོ་གཉན་རིམས་སྤྱི་དང་འདྲ་བ་དེ། །རྟགས་སྲུང་འབབ་ས་བཅོས་ཐབས་བཞི་ཡིས་བསྟན། །རྟགས་ནི་རྒྱས་འཁྲུགས་སྐབས་ཀྱི་ཀུན་ཚང་སྟེང༌། །རྩ་ནི་ཐུང་ལ་སྦུད་སྦུད་ལན་མང་འཕར། །གཟེར་འཕོ་ལུད་པ་འགྱུར་ལྡོག་མང་བ་ལ། །ལྕེ་མཆུ་སྐྱ་སེར་ལུས་དང་ཤེས་པ་ཡང༌། །གཉིད་ཆུང་བ་སྤུ་ལྡོག་ཅིང་ཡམས་ཐབས་འབྱུང༌། རྒྱས་པར་གཟིགས་་
ལེའུ་སོ་གཅིག་པ།	10.11.2020, 10:45 PM
གག་པའི་རྒྱུ་རྐྱེན་སྤྱི་ཆིངས་སྐབས་སུ་སོང༌། །འདི་རུ་དབྱེ་བ་རྟགས་བཅོས་གསུམ་གྱིས་བསྟེན། །དབྱེ་བ་ཕོ་མོ་བུ་དང་གཉན་གག་བཞི། །རྟགས་ནི་ལྕེ་ཡི་སྟེང་ལ་བད་ཀན་མཐུག །ལྕེ་མཆུ་འགྲམ་དང་རྐན་ཕུགས་ཐོར་པ་ཆགས། །གྲེ་བ་སྐད་འགགས་ཟས་དང་སྐོམ་མི་ཐར། །ཁྱད་པར་ཕོ་གག་སྐར་ཆེན་ཤར་བ་འདྲ། །མོ་གག་རྒྱ་ཕོར་ཁ་བུབ་ལྟ་བུ་སྟེ། །བུ་གག་ཞོ་ཆལ་གཏོར་བ་འདྲ་བ་འོང༌། རྒྱས་པར་གཟིགས་་
ལེའུ་སུམ་ཅུ་པ།	10.11.2020, 5:07 AM
གཉན་ཞེས་བྱ་བའི་གདུག་ཅན་ནད་སྣ་ནི། །བསོད་ནམས་མཐུ་ཞན་སྙིགས་དུས་སེམས་ཅན་ལ། །གཞུང་ཆེན་རྣམས་སུ་མ་གྲགས་ནད་སྣ་དང༌། ཕྱོགས་ཙམ་མ་གཏོགས་མ་གསུངས་དུ་མ་འབྱུང༌། །བཅོས་པའི་ལོང་མེད་འཕྲལ་དུ་ཐོག་བབས་གསོད། །གཉན་ནད་ནག་པོས་འཛམ་གླིང་བཞི་ཆ་སྟོང༌། །དྲག་པོའི་ཟུག་རྔུས་ལུས་ཟུངས་གློ་བུར་འཁྲུག །ཚ་ཡང་གྲང་ཚུལ་གྲང་ཡང་ཚ་ཚུལ་སྟོན། །ངེས་མེད་སྣ་ཚོགས་རྩ་ཆུ་འཆོལ་བར་འབྱུང༌། རྒྱས་པར་གཟིགས་་
ལེའུ་ཉེར་དགུ་པ།	10.11.2020, 5:06 AM
ཆམ་པའི་ནད་ལ་རྒྱུ་རྐྱེན་དབྱེ་བ་དང༌། །རྟགས་བཅོས་སྲུང་ཐབས་རྣམ་པ་དྲུག་གིས་བསྟན། །རྒྱུ་ནི་རིམས་ནད་སྤྱི་དང་འདྲ་བ་ལ། །དེ་(བརྒྱད་པའི་དགོངས་པ་)ཡང་སྣ་བུག་གཡས་གཡོན་རོ་རྐྱང་གཉིས། །མར་ལ་ཁ་བལྟས་ཟངས་དུང་ལྟ་བུར་གདངས། །དེ་ལ་མི་གཙང་ཟས་སྤྱོད་ཁ་ཟས་འདྲེས། །རྡུལ་འཚུབ་དྲི་ཕོག་རྐྱེན་ལས་རྩ་དེ་ཉིད། །ཆམ་ལ་ཕབ་པས་ཆམ་པ་ཞེས་སུ་བཤད། རྒྱས་པར་གཟིགས་་
ལེའུ་ཉེར་བརྒྱད་པ།	10.11.2020, 5:05 AM
བེག་གེའི་རྒྱུ་རྐྱེན་མིང་དབྱེ་རྟགས་བཅོས་དྲུག །རྒྱུ་ནི་རིམས་ཚད་སྤྱི་དང་འདྲ་བ་ལ། །ཁྱད་པར་ལུས་ལ་གནས་པའི་ཆུ་སེར་ཁྲག །སྟེང་དུ་གཉན་དང་ཚད་པ་བབས་པར་འདོད། །རྐྱེན་ནི་མི་གཙང་ཐབ་གཞོབ་དམ་སེལ་གྱིས། །ས་བདག་མ་མོ་མཁའ་འགྲོ་འཁྲུགས་ལས་བྱུང༌། །དྲིས་ཕོག་ཡམས་སུ་རིམས་ལྟར་འགོས་པར་བྱེད། །ལུས་ཀུན་འབྲུམ་པ་ཆུང་ངུས་བག་བག་ལ། །དྲང་སྲོང་རྣམས་ཀྱིས་བེག་གེའི་མིང་དུ་བཏགས། རྒྱས་པར་གཟིགས་་
ལེའུ་ཉེར་བདུན་པ།	10.11.2020, 5:03 AM
འབྲུམ་བུའི་རྒྱུ་རྐྱེན་དབྱེ་བ་རྟགས་བཅོས་ལྔ། །རྒྱུ་རྐྱེན་རིམས་ནི་སྤྱི་དང་འདྲ་བ་ལ། །ངོ་བོ་ཚ་བ་ཆུ་སེར་ལ་བབས་ནས། །རུས་རྐང་ལྷ་བའི་གཏིང་ནས་སྐྱེ་བར་བྱེད། །ཐོར་པའམ་འབྲུམ་བུ་འོང་ཕྱིར་མིང་དུ་བརྗོད། །དབྱེ་བ་ནག་པོ་དཀར་པོ་རིགས་གཉིས་ཏེ། །ནག་པོའི་རིགས་གསུམ་སྐྲངས་པ་གླང་གཉའ་དང༌། །ཁྲག་སྐམ་རྩེལ་ཏེ་ཟངས་གཟེར་སྦུ་གུ་ཅན། །དཀར་པོའི་རིགས་གསུམ་ཤ་ར་སྐྱ་ཤར་དང༌། །རྨོག་མགོ་སྤྱི་ཟླུམ་སིབ་བུ་ཀོབ་ཙེའོ། །དེ་དག་དཔལ་ལྡན་རྒྱུད་ཀྱི་དགོངས་པ་ཡིན། རྒྱས་པར་གཟིགས་་
ལེའུ་ཉེར་དྲུག་པ།	10.11.2020, 4:55 AM
རིམས་ཞེས་བྱ་བའི་ནད་འབྱུང་རྒྱུ་རྐྱེན་ནི། །ལྔ་བརྒྱ་དུས་ཀྱི་ཐ་མར་གྱུར་ཙ་ན། །མི་རྣམས་འདོད་པའི་དབང་གིས་ལོག་པར་སྤྱོད། །སྔགས་པ་རྣམས་ནི་རྡོ་རྗེའི་ནང་དམེ་དར། །དགེ་འདུན་བཙུན་པ་རྣམས་ནི་སྡེ་འཁྲུག་བྱེད། །མུ་སྟེགས་བན་བོན་རྣམས་ནི་ཟོར་ཁ་འཕེན། །སྐྱེ་བོ་རྣམས་ནི་མནའ་འཐབ་ཤན་དམར་བྱེད། །དེ་དུས་མ་མོ་མཁའ་འགྲོ་ཀུན་འཁྲུགས་ཏེ། །ནད་ཀྱི་ཁ་རླངས་སྤྲིན་དུ་ཆགས་པ་ལས། །བལ་ནད་རྒྱུ་གཟེར་གག་ལྷོག་འབྲུམ་སོགས་འབྱུང༌། རྒྱས་པར་གཟིགས་་