༄༅། །རྒྱ་གར་སྐད་དུ། །ག་ཎི་ཏོ་པ་དེ་ཤ་དི་བཱ་ཀ་རཱ་བ་བྷཱ་ས་ནཱ་མ། བོད་སྐད་དུ། །རྩིས་ཀྱི་མན་ངག་ཉིན་མོར་བྱེད་པའི་སྣང་བ་ཞེས་བྱ་བ། །བླ་མ་དང་རྗེ་བཙུན་འཇམ་དཔལ་དབྱངས་གཉིས་སུ་མེད་པ་ལ་གུས་པས་ཕྱག་འཚལ་ལོ། །གང་གི་གསུང་ཟེར་ཆ་ཙམ་ལྷུངས་པས་ཀྱང་། །དཔག་ཡས་སྙིང་གི་མུན་པ་རབ་བསལ་ནས། །ཡང་དག་བློ་ཡི་སྣང་བ་རྒྱས་མཛད་པ། །གཏེར་ཆེན་ཆོས་ཀྱི་རྒྱལ་པོའི་ཞབས་ལརྒྱ་་འདུད། །མཆོག་ཏུ་མི་འགྱུར་བདེ་ཆེན་རྡོ་རྗེའི་དུས། །སྲིད་འདིའི་འཁོར་ལོ་ཀུན་འགྲོ་ཁྱབ་བདག་ཆེ། །

ཐ་སྙད་རྣམ་གྲངས་བསྟན་པ་ལས། །ཐོག་མར་གྲངས་ཀྱི་བརྡ་ཆད་བཤད། །རང་བཞིན་གཟུགས་དང་བསེ་རུ་དང་། །ཟླ་བ་རི་བོང་ཅན་རྣམས་གཅིག །ལག་མིག་ཟུང་དང་བགྲོད་པ་དང་། །འཁྲིག་སྦྱོར་གཤིན་རྗེ་མཚེ་མ་གཉིས། །འཇིག་རྟེན་དུས་དང་ཡོན་ཏན་དང་། །མེ་དང་རྩེ་མོ་ཅན་རྣམས་གསུམ། །རྒྱ་མཚོ་ཆུ་གཏེར་ཆུ་བོ་དུས། །རིག་བྱེད་སྡེ་པ་ཟུང་ལྡན་བཞི། །མདའ་དབང་ཕུང་པོ་འབྱུང་བ་ལྔ། །རོ་དང༌བྲོ་བ་དུས་མཚམས་དྲུག །གཟའ་གླིང་ཐུབ་རི་དྲང་སྲོང་བདུན། །ཀླུ་སྦྲུལ་ལག་འགྲོ་གདེངས་ཀ་ཅན། །

བསྟན་པའི་རྩིས་ཀྱི་རྣམ་གཞག་ལ། །མདོ་དང་རྒྱུད་ཀྱི་ལུགས་གཉིས་ཡོད། །རེ་རེ་ལ་ཡང་གནས་ཚད་དང་། །དེ་ཡི་སྟེང་ནས་འདས་ཚུལ་ལོ།། ༈ མདོ་ལུགས་བསྟན་པའི་གནས་ཚད་ནི། །བསྐལ་བཟང་འདུལ་ལུང་ཕྲན་ཚེགས་དང་། །འཕགས་པ་བློ་གྲོས་མི་ཟད་པས། །བསྟན་པའི་མདོ་ཡི་འགྲེལ་པ་དང་། །གསེར་འཕྲེང་ཅན་གྱི་རྟོགས་བརྗོད་དང་། །མཛོད་འགྲེལ་རྣམས་ལས་ཐུབ་པའི་བསྟན། །དངོས་བཏགས་ལྔ་བརྒྱ་ལྔ་བརྒྱ་སྟེ། །ལོ་སྟོང་བར་དུ་གནས་པར་གསུངས། །སྙིང་རྗེ་པདྨ་དཀར་པོ་ལས། །

 དཔལ་ལྡན་རྒྱུད་ལས་གསུངས་པ་ཡི། །རྩིས་འཕྲོ་གནས་པའི་ལོ་དེ་ནི། །རྩིས་ལོ་ཉིས་བརྒྱ་ཉེར་གཅིག་གི། །ཐོག་མའི་མེ་ཁྱི་དེའི་སྔུན་མ། །ས་སྐྱོང་ཤིང་མོ་བྱ་དེ་ཡིན། །ཤིང་བྱ་དེ་ཡི་དབོ་ཟླའི་མཐར། །སྐྱོན༌བྲལ་གྲུབ་མཐའི་རྩིས་འཕྲོ་རྣམས། །ཅིག་ཅར་ཤར་བ་འདི་ཡིན་ཏེ། །ཟླ་ཤོལ་རྩིས་འཕྲོ་གཟུགས་རོ་ཡིན། །གཟའ་ཚེས་རྩིས་འཕྲོ་གཟའ་གནས་མཁའ། །ཆུ་ཚོད་མཁའ་འབྱུང་སྲང་ཆུ་མཚོ། །དབུགས་སུ་ལག་པ་རི་མཁའ་རིའི། །ཆ་ཤས་གནས་སུ་ཀླུ་མེའོ། །ཆ་རིལ་རྩིས་འཕྲོར་རིལ་པོ་མེ། །

མེ་མཁའ་རྒྱ་མཚོ་རྣམས་ལ་ནི། །རབ་བྱུང་ལ་སོགས་འདས་པ་བསྲེ། །ལག་པ་གདེངས་ཅན་ཟླ་བས་ཕྲི། །ལྷག་མ་ཉི་མས་བསྒྱུར་བ་ལ། །ནག་པ་ལ་སོགས་འདས་ཟླ་བསྲེ། །གནས་གཉིས་འོག་མ་ཆུ་བོས་བསྒྱུར། །མཁའ་མེ་ཟླ་བས་ཐོབ་པའི་ནོར། །སྟེང་བསྲེ་ཟླ་བ་རྣམ་པར་དག །མཁའ་མེ་ཟླ་བས་རྙེད་པའི་ནོར། །དེ་ནི་ལྷག་པའི་ཟླ་གྲངས་ཏེ། །བགོས་པའི་ལྷག་མས་ཟླ་བཤོལ་མཚམས། །རྟོགས་པར་བྱེད་པའི་མན་ངག་ཡིན།། ༈ ཟླ་དག་གནས་གསུམ་དབུས་མ་དེ། །ལག་པ་མེས་བསྒྱུར་འོག་མ་ལ།

རྩ་བའི་རྒྱུད་ཀྱི་རྗེས་འབྲངས་ནས། །རྣམ་དག་གྲུབ་པའི་ལྔ་བསྡུས་བཤད། །རབ་ཉིའི་རྒྱལ་བ་ལ་སོགས་པ། །འདས་ལོ་ཉིས་བསྒྱུར་ནག་པ་སོགས། །འདས་ཟླ་བསྲེས་པ་གནས་གཉིས་ཀྱི། །འོག་མ་མིག་བསྒྱུར་འདོད་པ་བྱིན། །མདའ་རོས་རྙེད་ནོར་སྟེང་མར་བསྲེ། །ཚེས་ཟླ་རྣམ་པར་དག་པ་སྟེ། །ལྷག་མས་ཟླ་བཤོལ་ལོངས་པའི་མཚམས། །སྟོན་ཅིང་སྒང་དབུགས་ལྡོག་གཉིས་སོགས། །དུས་གཟེར་བརྟག་པའི་གཞིར་ཡང་བཟུང་།། ༈ ཟླ་དག་གནས་ལྔ་སྟེང་རིམ་བཞིན། །གཟུགས་དང་གཟུགས་མེ་མཁའ་མདའ་ཐིག །

གཟུགས་མིག་ལག་པར་རབ་བྱུང་སོགས། །འདས་ལོ་བསྲེས་པ་དག་པའི་ལོ། །དེ་ལ་ཀླུ་བསྲེས་གནས་གཉིས་བཞག །སྟེང་མ་མཁའ་མཁའ་ཆུ་བོ་ཡིས། །བསྒྱུར་ལ་འོག་མའི་ཚོགས་ཀྱིས་ཕྲི། །ལྷག་མ་རི་ཟླ་མེས་ཐོབ་གཟའ། །ཡང་ལྷག་མཁའ་རོ་མཁའ་རོ་དང་། །རོ་དང་རི་ཟླ་མེ་རྣམས་ཀྱིས། །རིམ་བསྒྱུར་སོ་སོར་རི་ཟླ་མེས། །བགོས་ཐོབ་རིམ་བརྩེགས་གཟའ་དབྱུག་སར། །མིག་དང་ནམ་མཁའ་ཡོན་ཏན་བྱིན། །རང་རང་འཁོར་ལོས་སྟེང་སྒྲིལ་ལ། །གཟའ་གནས་ཐུབ་པས་དོར་བའི་ལྷག །

 རྒྱལ་བ་ལ་སོགས་དག་པའི་ལོར། །བསྒྲུབས་པའི་བྱེད་གྲུབ་གང་འདོད་ཀྱི། །ཟླ་དག་མེ་ཀླུས་བརྒྱན་པ་དེ། །ཕྱོགས་ཞག་ཟླ་བའི་ངེས་པ་གསུམ། །གང་འདོད་གཞིར་བཀོད་དང་པོའི་ཆེད། །མིག་བསྒྱུར་ཉར་གཟུགས་སྟོང་མིག་བྱིན། །མཁའ་དུས་ཆུ་བོས་ཐོབ་པ་དོར། །ལྷག་མ་སྐར་མ་མཁའ་རོ་དང་། །མཁའ་རོ་དུས་དང་མེ་མིག་གིས། །བསྒྱུར་ལ་མཁའ་དུས་ཆུ་བོ་ཡིས། །རིམ་ཐོབ་སྒྲ་གཅན་རྩ་བ་སྟེ། །དེ་ཡིས་འཁོར་ལོར་སྦྱངས་ལྷག་གདོང་། །གདོང་ལ་འཁོར་ཕྱེད་བསྲེས་པ་མཇུག

གྲུབ་མཐའི་ཟླ་དག་མཁའ་མེ་ཡིས། །བསྒྱུར་ལ་གང་བརྩིའི་ཚེས་གྲངས་བསྲེ། །གནས་གསུམ་བར་འོག་ཀླུ་མེ་དང་། །མིག་མཚོ་ཡོན་ཏན་གྱིས་བརྒྱན་ལ། །འོག་མར་རི་མཁའ་རིས་ཐོབ་ནོར། །བར་བྱིན་དེ་ལ་ཆུ་རོ་ཡིས། །ཐོབ་པའི་ནོར་གྱིས་སྟེང་མ་ལ། །སྦྱངས་ལྷག་སྤྱིར་བཏང་མི་གསལ་ཞག །གསལ་བའི་དོན་དུ་གནས་གཉིས་བཀོད། །གཅིག་ལ་ཐིག་བྱིན་རིས་དོར་ལྷག །རེས་ཀྱི་གཟའ་དང་མཐུན་ནམ་བརྟག །མཐུན་ན་དག་མོད་མ་མཐུན་ཚེ། །ཉུང་ན་གཅིག་བྱིན་མང་ན་ཕྲི། །དེ་ལྟར་མཐུན་བྱས་གསལ་ཞག་སྟེ། །

ཁྱིམ་ཚེས་ཞག་ལ་སྤྱོད་པ་ཡི། །གཟའ་ལྔའི་དལ་མྱུར་རྣམ་དག་ཏུ། །སྒྲུབ་བྱེད་སོ་སོའི་རྐང་ཆོག་རྣམས། །ཉིན་ཞག་དང་མཚུངས་དེས་མཚོན་པས། །འདིར་ནི་སྒོས་ཆོས་ཁྱིམ་ཚེས་ཀྱི། །དལ་མྱུར་བར་པ་སྒྲུབ་ཚུལ་བཤད།། ༈ ཐོག་མར་ཁྱིམ་ཞག་གཟའ་ལྔའི་ཆེད། །རབ་ཉིའི་རྒྱལ་བ་ལ་སོགས་པ། །ལོ་དག་གནས་དྲུག་ཚར་ལྔ་བཀོད། །དེ་ཉིད་གཟའ་ལྔ་སོ་སོ་ཡི། །ལོ་ཡི་ངེས་པས་བསྒྱུར་བར་བྱ། །དེ་ལ་ལོ་ཡི་ངེས་པ་ནི། །དམར་པོའི་ཡིད་དང་གཟུགས་ལག་པ། །མཁའ་མིག་ཟླ་བ་ཆུ་རོ་དང་། །རི་བོ་གཟུགས་བུག་ཡོན་ཏན་ནོ། །

དུ་བ་མཇུག་རིང་རྒྱུ་བ་ཡི། །རྟག་པའི་ལོངས་སྤྱོད་ཉི་མ་དང་། །མཚུངས་ཀྱང་འགྲོས་བཞི་རྩོམ་པ་ཡི། །རྐང་པའི་ཁྱད་ཀྱིས་འཆར་བ་སྟེ། །རིམ་པ་མདུན་དང་རིམ་མིན་ལ། །ཉི་མའི་རྒྱབ་ཏུ་མཐོང་བར་འགྱུར།། ༈ ལོ་གསུམ་ཟླ་བ་ཕྱེད་པ་གསུམ། །ཉིས་འགྱུར་ཟླ་བ་བདུན་ཅུ་ལྔས། །མྱུར་དང་དལ་བའི་འགྲོས་རྫོགས་འགྱུར། །སླར་ཡང་ཟླ་བ་དོན་ལྔ་ཡིས། །འཁྱོག་འབྱུང་གཉིས་ཀྱི་འགྲོས་རྫོགས་ཕྱིར། །མདའ་རི་ཉིས་འགྱུར་བརྒྱ་ལྔ་བཅུས། །དུ་བའི་འགྲོས་བཞི་རྫོགས་པ་ཡིན། །རྒྱུ་མཚན་འགྲོས་བཞི་རྫོགས་མཚམས་ནས། །

དེ་ནས་ཉི་མ་ཟླ་བ་ལ། །སྒྲ་གཅན་འཇུག་པ་བཤད་པར་བྱ། །སྤྱིར་ན་དཀར་ནག་ཚིགས་མཚམས་དང་། །ཁྱད་པར་ཟླ་བར་སྔར་བཟུང་ནས། །ཟླ་དྲུག་འདས་ཤིང་ཉི་མ་ལ། །དུས་ཚིགས་གསུམ་འདས་ཁྱིམ་ཟླ་ནི། །ལུག་འཁྲིག་ལ་སོགས་མི་མཉམ་པའི། །སྟོང་ལ་རྟེན་འབྲེལ་རེག་པའི་དབུས། །ཉི་རྐང་ཞུགས་པས་འཛིན་པར་གསུངས།། ༈ དེ་ཡང་སྒྲ་གཅན་སྐར་གནས་སུ། །ནམ་མཁའ་དབྱུག་གུར་གཟུགས་མེ་དང་། །སྲང་དུ་གཟུགས་ཆུ་དབུགས་རྒྱ་མཚོ། །མེ་མིག་ཆའི་གནས་མཁའ་ཟླ་རྣམས། །

གཟའ་རྣམས་གང་ལ་སྤྱོད་པའི་ཡུལ། །ཤེས་ཕྱིར་སྟེང་འོག་འཁོར་ལོ་བཤད། །དེ་ལ་སྤྱི་དང་བྱེ༌བྲག་སྟེ། །སྤྱི་ནི་སྣོད་བཅུད་འཇིག་རྟེན་དང་། །བྱེ༌བྲག་སྐར་ཁྱིམ་གོ་ལ་ཡིན། །སྤྱི་ལའང་སེམས་ཅན་སོ་སོ་ཡི། །ལས་སྣང་མཐུན་པའི་འཇིག་རྟེན་ཚད། །རྣམ་པ་དུ་མ་གསུངས་པ་ལས། །གང་འདིར་ཕྱི་ནང་གཞན་གསུམ་པོ། །དག་པ་གཅིག་འགྲིག་དུས་འཁོར་གྱི། །ལུགས་འདི་ཉིད་ཡིན་བཤད་པར་བྱ།། ༈ ཁམས་ལྔའི་རྡུལ་ཕྲན་སྤྱི་མཐུན་གྱི། །ལས་ཀྱིས་སོ་སོར་འདབ་འབྱར་བས། །ནམ་མཁའ་ལ་གནས་རླུང་དཀྱིལ་ནི། །

དེ་ལྟར་ཉི་མས་སྐར་ཁྱིམ་ལ། །སྤྱད་པས་ས་ལ་དུས་བཞི་འཁོར། །དེ་ལ་གནས་ཚུལ་འཁོར་ཚུལ་གཉིས། །གནས་ཚུལ་གཡོན་དུ་བསྐོར་བ་སྟེ། །ལྷོ་གླིང་གསུམ་ན་དཔྱིད་ཡོད་དུས། །ཤར་དུ་དབྱར་གནས་བྱང་དུ་སྟོན། །ནུབ་གླིང་གསུམ་ན་དགུན་གནས་ཏེ། །ཉི་མ་ལུག་ཁྱིམ་ཞུགས་པ་ཡི། །ཁྱིམ་ཟླ་གཅིག་བུ་ལ་མཚོན་ན། །ལྷོ་གླིང་དབུས་མར་དཔྱིད་འབྲིང་དང་། །བྱང་དབུས་སྟོན་འབྲིང་ཤར་དབུས་མར། །དབྱར་འབྲིང་ནུབ་དབུས་དགུན་འབྲིང་གནས། །དེ་བཞིན་ལྷོ་གླིང་ནུབ་མ་རུ། །

དེ་ནས་ཉིན་ཞག་ཕྲུག་རེ་བཞིན། །མཁའ་ལ་དུས་སྦྱོར་བཅུ་གཉིས་པོ། །ས་འདིར་འོས་པའི་འཆར་རྩིས་བཤད། །དེ་ལ་ཐོག་མར་ཉིན་ཚད་ནི། །ཉ་དང་བུ་མོ་སུམ་ཅུར་མཉམ། །ཆུ་ཚོད་གཟུགས་མེ་ཆུ་སྲང་ཕྱོགས། །ལུག་སེང་ཚད་ཡིན་མིག་མེའི་དབྱུག །མཁའ་མིག་སྲང་སྟེ་གླང་ཀརྚ། །ཕྱེད་བཅས་མེ་རྩེའི་དབྱུག་འཁྲིག་པ། །ཀླུ་ལག་ཆུ་ཚོད་མཁའ་འབྱུང་སྲང་། །བུམ་སྲང་ཚད་དོ་འཁོར་ལོའི་དབྱུག །མཁའ་མཚོའི་ཆུ་སྲང་ཆུ་སྲིན་སྡིག །ཕྱེད་བཅས་རོ་མིག་གཞུའི་ཚད་དེ། །དེ་རྣམས་སོ་སོས་མཁའ་རོ་ལ། །

དེ་ནས་ཉི་མ་ཟླ་བ་དང་། །སྒྲ་གཅན་གདོང་མཇུག་གཟའ་ལྔ་ཡི། །ཡུལ་དུས་ལོངས་སྤྱོད་སྒྲིག་ཐབས་བཤད། །རང་རང་དཀྱིལ་འཁོར་མཁའ་རོས་བསྒྱུར། །རྒྱུ་སྐར་ཆུ་ཚོད་ཀྱིས་ཐོབ་དབྱུག །ལྷག་རྣམས་མཁའ་རོ་དུས་རང་ཆས། །བསྒྱུར་ཐོབ་ཆུ་ཚོད་བསྒྱུར་གཞིའོ། །དེ་ཉིད་གནས་གཉིས་ཕྱོགས་གཅིག་ལ། །

གྲུབ་མཐའི་ཞག་གསུམ་རྣམ་གཞག་ལ། །སྤྱིར་བསྟན་དེ་དབྱེ་རྣམ་པ་གཉིས། །སྤྱི་ནི་ཞག་གསུམ་སོ་སོ་ཡི། །ཐ་སྙད་ཡིན་ཏེ་ཉིན་ཞག་ནི། །ནམ་མཁའི་ཉི་མས་སའི་གླིང་ལ། །བྱ་བ་བྱེད་ཚུལ་གྱིས་འཇོག་པས། །ནམ་ལངས་ནས་ནི་ནམ་ལངས་བར། །ཉིན་ཞག་ཕྲུགས་གཅིག་དག་ལ་བརྗོད། །ཚེས་ཞག་ཟླ་བའི་དཀར་ནག་ཆ། །འཕེལ་འགྲིབ་བཅོ་ལྔ་བཅོ་ལྔ་ཡི། །ཆ་རེའི་ཡུན་ལ་བཏགས་པར་ཟད། །ཁྱིམ་ཞག་ཅེས་པ་ཉི་བར་གྱིས། །ཁྱིམ་རེ་འཕོ་བའི་ཡུན་ཚད་ལ། །སུམ་ཅུར་བྱས་པའི་ཆ་རེར་བཞག།

གཟའ་རྣམས་རང་འཁོར་རྫོགས་པ་ལས། །ངེས་པ་དག་ཚུལ་བརྗོད་པར་བྱ། །དཔལ་ལྡན་རྒྱུད་ལས་གཟའ་ཐམས་ཅད། །མི་ལོ་ས་ཡ་ཕྲག་བཞི་དང་། །སུམ་འབུམ་ཉི་ཁྲིའི་ཚོགས་ལ་ལྔས། །ཐོབ་པ་གནས་བཞིར་བཀོད་པ་ཡི། །སྟེང་ནས་ཆུ་དང་མེ་དང་མིག །གཟུགས་ཀྱིས་བསྒྱུར་བས་རིམ་པ་བཞིན། །རྫོགས་ལྡན་གསུམ་ལྡན་གཉིས་ལྡན་དང་། །རྩོད་དུས་ཚད་ཡིན་བསྡོམས་པའི་མཐར། །དག་པའི་སྟོང་རྩིས་གསུངས་པ་ནི། །དགོས་པའི་དབང་གིས་མ་དག་པ། །བྱེད་པ་བརྗོད་པའི་རྩིས་སུ་སྣང་།།

དེ་ལྟར་ཟད་པ་མེ་སྟག་ལོའི། །དབོ་ཟླའི་སྟོང་ལ་ཉ་ཁྱིམ་མཐར། །གཟའ་རྣམས་ངེས་པ་དག་པ་ལས། །སླར་ཡང་རབ་བྱུང་ལོའི་ནག་ཟླའི། །ཚེས་གཅིག་ནས་བཟུང་བརྩི་བ་ན། །དྷྲཱུ་ཝ་སྟོངས་པའི་གནས་རྣམས་སུ། །རང་རང་རྟག་ལོངས་གནམ་སྟོང་བར། །བརྩེགས་ལ་རྐང་རྩིས་ཚུལ་བཞིན་དུ། །བྱས་པས་ནག་པ་ཟླ་བ་ཡི། །

འདས་ལོའི་ཐོག་མའི་རྩིས་འཕྲོ་རྣམས། །བདེ་བླག་རྟོགས་ཕྱིར་ཡར་ལོག་བཤད། །ད་ལྟའི་ལོ་ནས་གྱེན་སློག་ལོ། །གང་འདོད་ཉིས་བསྒྱུར་གནས་གཉིས་བཀོད། །འོག་མ་མིག་བསྒྱུར་མདའ་རོ་ཡིས། །ཐོབ་པ་སྟེང་སྦྱིན་ལྷག་མ་དེས། །ད་ལྟའི་ཟླ་བཤོལ་འཕྲོ་ལ་སྦྱང། །མ་ལྡངས་མདའ་རོ་བསྣན་ལ་སྦྱང། །དེ་ཚེ་སྟེང་དུ་ཟླ་བ་གཅིག །

དེ་ནས་ལྔ་བསྡུས་སྒྲ་གཅན་དང། །ཞག་གསུམ་གཟའ་ལྔ་ལ་སོགས་པའི། །རེའི་མིག་སྤེལ་ཚུལ་བཤད་པར་བྱ། །བྱེད་གྲུབ་གང་འདོད་ཉི་ཚེས་ཀྱི། །ཞག་གཅིག་ཡུལ་ལོངས་མདའ་ཡོན་ཟླའི། །ཆར་གསིལ་ཉི་རྐང་ཟླ་འབྲས་ཏེ། །གནས་གཉིས་དུས་དང་མཚོས་བསྒྱུར་བས། །ཉི་མའི་རྐང་འབྲས་གསུམ་པོ་འགྲུབ། །དེ་ཡིས་ཉིན་ཚེས་ཞག་གཅིག་གི། །ཡུལ་དུས་གཉིས་ཀའི་ལོངས་སྤྱོད་ལ། །མགྱོགས་རྩིས་དུས་སུ་འཆད་འགྱུར་ལྟར། །དབྲི་བསྣན་བྱས་པས་རྩ་བ་ཡི། །

དེ་ནས་མགྱོགས་རྩིས་ལ་བརྟེན་ནས། །རཱི་ཐུ་སྦྱོར་དགྲོལ་བཤད་པར་བྱ། །བྱེད་པར་གང་བརྩིའི་ནག་ཟླ་ཡི། །ཉི་དྷྲཱུའམ་བཤོལ་རྗེས་དབོ་དྷྲཱུ་ལ། །གང་བབས་ཉི་ཚེས་རྟག་ལོངས་བྱིན། །ཞག་གཅིག་ལོངས་སྤྱོད་མ་ལོངས་ཙམ། །ཤར་བ་ལོ་དེའི་ཉི་རགས་ཡིན། །དེ་དང་ཞག་ཁྱད་མུ་ཞུགས་པའི། །གཟའ་ཚེས་རྟག་ལོངས་གཟའ་དྷྲཱུ་ལ། །བྱིན་པས་གཟའ་ཡི་རགས་པ་འཆར། །ཡང་ན་ཉི་དྷྲཱུར་རང་ཉིད་ལས། །ཅུང་ཟད་གྲངས་ཉུང་ཉི་ཚེས་ཀྱི། །ཡུལ་ལོངས་ཀྱིས་སྦྱངས་ཉི་རགས་ཏེ། །

ཇི་ལྟ་ཇི་སྙེད་ཀུན་མཁྱེན་པས། །ཕྱི་ནང་རྟེན་འབྲེལ་བླང་དོར་རྣམས། །སྟོན་མཛད་བླ་མ་ལ་བཏུད་ན། །ད་ནི་རྩིས་ཀྱི་འབྲས་བུ་བསྟན། །ཚེས་དབྱངས་གཟའ་དང་སྐར་མ་འཕྲོད། །སྦྱོར་བྱེད་རྟེན་འབྲེལ་ཉི་སྤར་སྨེ། །ས་བདག་ཐེབས་བཟློག་གནམ་སྒོ་དང་། །རྩིས་འབྲས་སྣ་ཚོགས་གཟའི་ཡུལ་འབྲས། །ཚེ་ཡི་གནས་སྐབས་དུས་སྦྱོར་དང་། །དུས་ལྷ་འཆར་རྩིས་གཡུལ་གྱི་སྟོབས། །གཟའ་འཛིན་ས་གཡོས་གློ་བུར་ལྟས། །རྩིས་ཕྲན་ངོ་ལོན་བཅས་པ་རྣམས། །རྣམ་དག་གཞུང་ལས་བཏུས་ཏེ་བཤད།།