དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག ལྤགས་ནད་རྒྱུ་རྐྱེན་དབྱེ་བ་བཅོས་ཐབས་གསུམ། །རྒྱུ་ནི་སྲིན་དང་ཆུ་སེར་འཕེལ་བ་ལ། །གདོན་དང་འདུ་བ་འཁྲུགས་པས་ལྤགས་ནད་སྐྱེད། །དབྱེ་བ་ཤ་བཀྲ་གླང་ཤུ་མཛེར་པ་དང༌། །ཟ་རྐོང་ཤུ་བ་སྲིན་ཐོར་ངོ་ཤིག་དང༌། །ཁབས་དང་ཁྱེ་མ་ལ་སོགས་སྒྲ་ཡིས་བརྟག །བཅོས་ཐབས་སྦྲུལ་ནག་པགས་པ་ནུས་ལྡན་བསྲེགས། །བ་རུའི་མར་སྦྱར་གླང་ཤུ་ཤ་བཀྲ་སེལ། །སོ་མ་ར་ཛ་ལྡོང་རོས་བ་ཆུ་བྱུག །ཕག་ཚིལ་མུ་ཟི་གླང་ཤུ་ཤ་བཀྲ་སེལ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག ཕྲན་བུའི་ནད་ཀྱི་གསོ་ཐབས་བསྟན་པ་ནི། །ཉྭ་ལོག་འཁྲུ་སྐྱུག་བྱུང་ན་མཐེབ་སྲིན་བསྲེག །འདོད་ཆགས་རྩེ་མོ་ཞེ་སྡང་ཚིལ་བུ་དང༌། །གཏི་མུག་འཁོར་ལོ་བནྡེའི་མཁྲིས་པ་དང༌། །བོན་པོའི་ཐལ་བ་འདྲེ་འཇིགས་ཐང་ཆུ་དང༌། །བརྟན་པོའི་དྲེག་པ་དྲི་ཅན་ལྟེ་བ་རྣམས། །དྲི་ཆུར་སྦྱར་བ་ཕྱིར་བྱུག་ཁོང་དུ་བཏང༌། །ཡང་ན་བྱ་ཟེ་ཕག་སྣ་ངུར་པའི་ཤ །རྡོ་དྲེག་གླ་རྩི་བུལ་ཏོག་ཤུ་དག་དང༌། །སུག་སྨེལ་ཆུ་གྲང་འཕུལ་བཏང་གོས་ཀྱིས་བྱིབ། །

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་དྲང་སྲོང་རིག་པའི་ཡེ་ཤེས་ལ་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །ལྷན་སྐྱེས་རྨ་གསོའི་སྐབས་ལ་ཇི་ལྟར་བསླབ་པར་བགྱི། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །ཞེས་ཞུས་པ་དང་། དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག ལྷན་སྐྱེས་རྨ་ལ་འབྲས་དང་གཞང་འབྲུམ་དང༌། །མེ་དབལ་སུར་ཡ་རྨེན་བུ་རླིག་རླུགས་དང་། །རྐང་བམ་མཚན་བར་རྡོལ་དང་བརྒྱད་དུ་བཤད། །དང་པོ་འབྲས་ལ་རྒྱུ་རྐྱེན་དབྱེ་བ་དང༌། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག དགྲ་ལྟར་སྲོག་འཕྲོག་གཞང་འབྲུམ་གསོ་བ་ལ། །རྒྱུ་རྐྱེན་དབྱེ་བ་རྟགས་དང་བཅོས་ཐབས་བཞི། །རྒྱུ་རྐྱེན་ཁྲུས་དྲགས་བཤང་ལམ་གཅེ་འུས་བཙན། །སྟན་སྲབ་ཙོག་འདུག་བཤང་གཅི་ཕྱེན་འགག་བཙིར། །བཞོན་སྟེན་ཐུར་སེལ་རླུང་འཁྲུགས་གཞང་འབྲུམ་སྐྱེད། །དབྱེ་བ་བད་རླུང་ཁྲག་མཁྲིས་སྐམ་གཤེར་རོ། །དེ་རྟགས་འབྲུམ་པས་གཞང་བཀག་ཐུར་སེལ་ལོག །ཉེས་པ་འཁྲུགས་ཏེ་དྲོད་ཆུང་ཡན་ལག་ན། །རླུང་འཁྱིམ་ཁོང་སྦོ་མགོ་འཁོར་ཡི་ག་འཆུ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག མེ་དབལ་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་རྐྱེན་ཟས་སྤྱོད་གདོན་གྱིས་ཁྲག་མཁྲིས་འཕེལ། །ཆུ་སེར་ཚ་བ་རླུང་གིས་བུས་པའོ། །དབྱེ་བ་རླུང་མཁྲིས་བད་ཀན་མཚོན་ལས་བྱུང༌། །གནས་ནི་པགས་པ་དོན་སྙིང་རྣམས་ལ་གནས། །དེ་རྟགས་རླུང་གྱུར་འདར་བརྩེ་སྐྲངས་གཟེར་སྐྱུག །མཁྲིས་གྱུར་ཚ་དམར་མྱུར་མཆེད་ཁ་ཁ་སྐམ། །བད་གྱུར་གཡའ་འཇམ་མགོ་རྐང་ཚིགས་གཞི་ན། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སུར་ཡའི་ནད་ལ་གྱུར་ཚུལ་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །གྱུར་ཚུལ་ཟས་སྤྱོད་རྐྱེན་གྱིས་ཁྲག་འཕེལ་དང༌། །མཚོན་ཁྲག་ལུས་དང་འགྲམས་ཁྲག་གཏར་མ་འཆུན། །རིམས་དུག་ཚ་བ་རྩར་བབས་མ་གཏར་བས། །ཁྲག་ངན་ཆུ་སེར་དོན་སྣོད་རྩ་མིག་འདུས། །སྐྲངས་ཤིང་བརྣགས་ན་འབྲས་ལྟར་འགྱུར་བ་ཡིན། །དབྱེ་བ་གློ་མཆིན་མཁལ་མ་ཕོ་ལོང་ལྔ། །དེ་རྟགས་གློ་བའི་སུར་ཡ་མཆན་འོག་སྐྲངས། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག རྨེན་བུའི་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་རྐྱེན་དྲག་ཤུལ་རྐྱེན་གྱིས་འགྲམས་པའམ། །རླུང་ཁྲག་འཁྲུགས་པ་རྨེན་བུ་ལ་བརྟེན་སྐྲངས། །ཕལ་ཆེར་སྐེ་མཇིང་མིག་ཟུར་སྣེ་ས་མང༌། །དབྱེ་བ་རླུང་མཁྲིས་ཁྲག་དང་བད་ཀན་དང༌། །ཤ་ཚིལ་རྩ་དང་འབྲས་དང་བརྒྱད་དུ་བཤད། །དེ་རྟགས་རླུང་གྱུར་རྒྱ་ཆེ་བུས་འདྲར་གཡོ། །མཁྲིས་གྱུར་དམར་སེར་དྲོད་ཆེ་ཚ་ལ་རྣག །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག རླིག་རླུགས་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་རྐྱེན་ཟས་སྤྱོད་གདོན་དང་ཐུར་སེལ་འཁྲུགས། །ལམ་ལོག་རླིག་པར་ཞུགས་ཏེ་སྐྲངས་པར་བྱེད། །དབྱེ་བ་རླུང་མཁྲིས་བད་ཀན་ཚིལ་གྱུར་དང༌། །གཅིན་ལས་གྱུར་དང་རྒྱུ་རླུགས་དྲུག་ཏུ་བཤད། །དེ་རྟགས་རླུང་གྱུར་གློ་བུར་གང་རྒྱས་ན། །མཁྲིས་གྱུར་དམར་ཞིང་ཚ་ལ་དྲོད་ཆེ་རྣག །བད་ཀན་ཟུག་ཆུང་གྲང་ཞིང་ལྕི་ལ་སྲ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག རྐང་བམ་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་རྐྱེན་ཟས་སྤྱོད་གདོན་གྱིས་བད་ཀན་ཁྲག །འཕེལ་བས་ཤ་རུས་ཁད་ཀྱིས་ཏྲེབ་ཅན་སྐྲངས། །ན་བའི་ཟུག་གཟེར་ཆུང་བས་རྐང་བམ་ཡིན། །རྐང་ལག་རྣ་བ་མཆུ་དང་སྣ་ལ་མང༌། །དེ་ཡང་རླན་ཅན་ཡུན་དུ་འབྱུང་བ་ཡིན། །དབྱེ་བ་རླུང་དང་མཁྲིས་པ་བད་ཀན་གསུམ། །དེ་རྟགས་རླུང་གྱུར་རྩུབ་ཅིང་སྐྲངས་མདོག་ནག །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག མཚན་བར་རྡོལ་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་ནི་སྟན་སྲབ་ཙོག་པུར་འདུག་པ་དང༌། །བཞོན་སྟན་རླན་སྟེང་ཡུན་རིང་འདུག་ལས་འབྱུང༌། །དབྱེ་བ་རྐྱང་པ་ལྡན་འདུས་གསུམ་དུ་བཤད། །དེ་རྟགས་མཚན་དབྲག་འབྲུམ་ཐོར་ཆུ་སེར་འཛག །སྨིན་ནས་རྣག་ཁྲག་སྲིན་འཛག་འཚོར་མི་འདོད། །ཞི་ཡང་སླར་ལྡང་བཤང་གཅི་ཁུ་ཁྲག་འཛག །རླུང་གྱུར་ཁ་མང་ལྦུ་ཅན་སླ་བ་འཛག །

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །བྱིས་པ་གསོ་བའི་སྐབས་ལ་ཇི་ལྟར་བསླབ་པར་བགྱི། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །ཞེས་ཞུས་པ་དང༌། སྟོན་པ་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག བྱིས་པ་གསོ་བ་ཉེར་སྤྱོད་དེའི་ནད་དང༌། །གདོན་གསོ་བ་དང་གསུམ་དུ་ཤེས་པར་བྱ། །ཉེར་སྤྱོད་དང་པོ་བར་དང་ཐ་མ་གསུམ། །དང་པོ་བཙས་དུས་ཤིས་དང་མི་ཤིས་བརྟག །བཀྲ་ཤིས་བརྗོད་ཅིང་ལྟེ་བ་བཅད་པ་དང༌། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག བྱིས་པའི་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །དང་པོ་རྒྱུ་ནི་རླུང་མཁྲིས་བད་ཀན་ལ། །རྐྱེན་ནི་མ་ཡི་རྐྱེན་དང་བུ་རྐྱེན་གཉིས། །མ་རྐྱེན་མ་ཡིས་ཟས་སྤྱོད་གང་འཕེལ་བའི། །མ་ཡི་རླུང་མཁྲིས་ཁྲག་དང་བད་ཀན་ནད། །བུ་ལ་ལྷུང་དང་མི་གཙང་གདོན་རྐྱེན་གྱིས། །འོན་ལོང་དིག་པ་ཞ་སྒུར་ཤོར་སོགས་འབྱུང༌། །འདི་རྣམས་ལྷན་སྐྱེས་ནད་ཡིན་གསོར་མི་ནུས། །བུ་རྐྱེན་གདོན་དང་སྤྱོད་ལམ་ཁ་ཟས་གསུམ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག བྱིས་པའི་གདོན་ལ་ངོས་བཟུང་བཅོས་ཐབས་གཉིས། །དང་པོ་རིགས་རྟགས་གསོ་བ་དཀའ་སླ་བཞི། །དེ་རིགས་སྐེམ་བྱེད་གཞོན་ནུ་གདོང་དྲུག་གི། །སྤྲུལ་པ་སྐྱེས་བུའི་གཟུགས་ཅན་རྣམ་པ་ལྔ། །བུད་མེད་གཟུགས་ཅན་བདུན་ཏེ་བཅུ་གཉིས་བཤད། །དེས་ཟིན་རྟགས་ལ་སྤྱི་དང་བྱེ་བྲག་གཉིས། །སྤྱི་རྟགས་རྟག་ཏུ་ངུ་ཞིང་དངང་ལ་འཁུན། །གཉིད་ཆུང་གཡལ་མང་མ་མཆུ་སོ་ཡིས་འདེབས། །མ་ལ་འབྲད་ཅིང་ནུ་མ་ཁ་ནས་འདོན། །

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་སྟོན་པ་དྲང་སྲོང་རིག་པའི་ཡེ་ཤེས་ལགས། །མོ་ནད་གསོ་བའི་སྐབས་ལ་ཇི་ལྟར་བསླབ་པར་བགྱི། །འཚོ་མཛད་སྨན་པའི་རྒྱལ་པོས་བཤད་དུ་གསོལ། ཞེས་ཞུས་པ་དང༌། །དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག མོ་ནད་གསོ་བའི་སྐབས་ལ་བསླབ་པ་ནི། །དུག་གསུམ་འབྱུང་བ་བཞི་ལས་གྲུབ་པའི་ལུས། །སྔོན་ལས་འདོད་ཆགས་དབང་གིས་ཕོ་མོར་སྣང༌། །བསོད་ནམས་དམན་པས་ཟ་མ་མོ་ལུས་ཐོབ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །མོ་ནད་བྱེ་བྲག་དབྱེ་བ་དེ་ཡི་རྒྱུ། །རྟགས་དང་བཅོས་ཐབས་རྣམ་པ་བཞི་ཡིས་བསྟན། །དབྱེ་བ་མངལ་ནད་རླུང་མཁྲིས་བད་ཀན་ཁྲག །འདུས་པ་རྣམ་ལྔ་གསང་བའི་སྐབས་སུ་བཤད། །ཁྲག་ཚབས་གློ་སྙིང་མཆིན་མཆེར་མཁྲིས་པ་མཁལ། །རྒྱུ་མ་འོ་མ་ནུ་མ་གོར་པ་བཅུ། །རླུང་ཚབས་མགོ་དང་རུས་པ་སྙིང་མཁལ་མ། །ཕོ་བ་རྒྱུ་མའི་ཚབས་དང་དྲུག་ཏུ་བཤད། །ཟླ་མཚན་ཆུ་སེར་རླུང་གིས་བྱེར་བ་ལས། །