སྨན་རྩིས་རིག་པའི་གློག་རྡུལ་འཕྲུལ་དེབ་ཚོང་སྒྱུར་མཐུན་རྐྱེན་སྐྲུན་པ།

འགྲོ་ཕན་སྨན་རྩིས་ཁང་ནས་པར་སྐྲུན་ཞུས་པའི་བོད་ཀྱི་སྨན་རྩིས་རིག་པའི་དཔེ་དེབ་བརྒྱ་ཕྲག་ལྷག་ཡོད་པའི་ནང་དུ་སྔོན་བྱོན་སྨན་རྩིས་རིག་པའི་མཁས་དབང་རྣམས་ཀྱིས་བརྩམས་པའི་གཞུང་ཆེན་ཁག་དང་། དེ་བཞིན་འདི་གའི་སྨན་རྩིས་པ་རྣམས་ནས་གསར་དུ་བརྩམས་པའི་དེབ་རྣམས་བཞུགས་ཡོད་པ། ད་ཆ་དེང་རབས་སྤྱི་ཚོགས་ཀྱི་ཀློག་པ་པོ་ལ་མཁོ་བའི་གློག་རྡུལ་འཕྲུལ་དེབ་ངོ་བོར་ཚོང་སྒྱུར་གྱི་མཐུན་རྐྱེན་སྐྲུན་ཡོད་ན། དོན་གཉེར་ཅན་རྣམས་ནས་གཤམ་གྱི་སྦྱར་རིས་ལ་ཐུགས་ཞིབ་ཡོང་བར་ཞུ།

ད་ལྟ་གློག་རྡུལ་འཕྲུལ་དེབ་ནང་དུ། <<གསོ་རིག་རྒྱུད་བཞི། >> <<དཔལ་ལྡན་རྒྱུད་བཞིའི་སྡོང་འགྲེམས་ཕྱོགས་བསྡུས།>> <<བོད་གཞུང་སྨན་རྩིས་ཁང་གི་བྱུང་རབས། >> <<སྨན་རྩིས་ཁང་གི་སྨན་སྦྱོར་ནུས་པ་ཕྱོགས་བསྡུས།>> <<སྨན་རྩིས་དུས་དེབ།>> གཞན་ཡང་རིན་མེད་ཐོག་ཕབ་ལེན་བྱེད་ཆོག་པ་ནད་རིགས་སྔོན་འགོག་ཤེས་བྱའི་དེབ་ཕྲེང་ཁག་གཅིག་ཡོད་པ་བཅས་ཡར་འཇུག་ཟིན་པ་ཡིན། ད་དུང་ཡང་སྨན་རྩིས་ཁང་གི་དཔེ་དེབ་མུ་མཐུད་ཡར་འཇུག་བཞིན་ཡོད་ན་བོད་ཀྱི་སྨན་རྩིས་རིག་པར་དོན་གཉེར་ཡོད་པ་རྣམས་ཀྱིས་དུས་རྒྱུན་དུ་ཐུགས་སྣང་གནང་ཞིང་། གཞན་ལའང་བརྡ་སྤྲོད་གནང་རོགས་ཞུ།

མཐའ་མའི་འདོན་ཐེངས་།: 03.04.2023 ཉིན། 11:07 AM