བོད་ཀྱི་ཐེབས་རྩ་ཁང་ལ་ཐུགས་རྗེ་ཆེ་ཞུ།

འགྲོ་ཕན་སྨན་རྩིས་ཁང་གི་སྨན་སྦྱོར་སྡེ་ཚན་ནས་དུས་རབས་དང་མཐུན་པའི་གོམ་པ་མདུན་སྐྱོད་ཀྱིས་དགོས་མཁོ་གཞིར་བཟུང་ཐུམ་སྒྲིལ་འཕྲུལ་འཁོར་ Miniblis Packaging machine གསར་པ་ཞིག་མངགས་ཆ་ཞུས་པ་དེ་ཉེ་ཆར་ལག་སོན་བྱུང་ཡོད། དེ་བཞིན་ས་གནས་ཅོན་ཏ་ར་དང་ལ་དྭགས་སུ་སྔོ་སྨན་འདེབས་ལས་ཀྱི་ལས་གཞི་དང་། འགྲོ་ཕན་སྨན་རྩིས་ཁང་གི་སྤུས་ཚད་བརྟག་དཔྱད་སྡེ་ཚན་གྱི་ཚོད་ལྟ་ཁང་ཆེད་དུ་ Refractometer ལག་ཅ་དེ་ཉོ་ཆ་ཞུས་ཡོད་པའི་འགྲོ་གྲོན་རྣམས་ཨ་རི་བོད་ཀྱི་ཐེབས་རྩ་ཁང་ནས་བཏང་གནང་ཡོད། གཞན་ཡང་འགྲོ་ཕན་སྨན་རྩིས་ཁང་གི་བུ་བཅོལ་ཁང་བཟོ་བཅོས་དང་མཁོ་ཆས་གསར་ཉོ་ཆེད་ཀྱི་འགྲོ་གྲོན་ཐད་ལའང་བོད་ཀྱི་ཐེབས་རྩ་ནས་མཐུན་འགྱུར་གནང་ཡོད།

བོད་ཀྱི་ཐེབས་རྩ་ནས་གོང་གསལ་ལས་གཞི་རྣམས་ཀྱི་ཆེད་དུ་རྩིས་ལོ་ ༢༠༢༢-༢༠༢༣ ནང་དུ་ཨ་སྒོར་ 1,30,285.00 ཆིག་འབུམ་སུམ་ཁྲི་སྟོང་མེད་ཉིས་བརྒྱ་གྱ་ལྔ་རོགས་དངུལ་བཀའ་འཁྲོལ་གནང་ཡོད། ཞལ་འདེབས་གྱ་ནོམ་པ་འདི་ལྟར་གསོལ་བསྩལ་གནང་བར་འགྲོ་ཕན་སྨན་རྩིས་ཁང་ནས་ཐུགས་རྗེ་ཆེ་ཞེས་ཞུ།།

མཐའ་མའི་འདོན་ཐེངས་།: 25.04.2023 ཉིན། 4:16 PM