ཅོན་ཏ་ར་འགྲོ་ཕན་སྨན་རྩིས་ཁང་དུ་གསོ་རིག་སྔོ་སྨན་དང་ཤིང་སྨན་འདེབས་འཛུགས།
སྟོན་འབྲས་བསྡུ་ཐབས་དང་མཁོ་སྒྲུབ་ཀྱི་ཟབ་སྦྱོང་ཞིག་གོ་སྒྲིག་གནང་བ།

༄༅། །འགྲོ་ཕན་སྨན་རྩིས་ཁང་སྔོ་སྨན་འདེབས་ལས་སྡེ་ཚན་གྱི་གོ་སྒྲིག་དང་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་སོ་ནམ་སྡེ་ཚན་ལམ་སྟོན་བརྒྱུད་ཉིན་གསུམ་རིང་ཅོན་ཏ་ར་འགྲོ་ཕན་སྨན་རྩིས་ཁང་དུ་གསོ་རིག་སྔོ་སྨན་དང་ཤིང་སྨན་འདེབས་འཛུགས། སྟོན་འབྲས་བསྡུ་ཐབས་དང་མཁོ་སྒྲུབ་ཀྱི་ཟབ་སྦྱོང་ཞིག་གོ་སྒྲིག་གནང་ཡོད། སྐབས་དེར་ཟབ་སྦྱོང་དུ་བོད་མིའི་སོ་ནམ་གཞིས་ཆགས་ཁག་ནང་ཡོད་པའི་ཞིང་པ་དང་ས་གནས་ལ་ཡོད་པའི་སོ་ནམ་སློབ་སྟོན་པ་བཅས་ནས་མཉམ་བཞུགས་གནང་ཡོད།

ཟབ་སྦྱོང་དང་སྦྱོང་བརྡར་གྱི་དམིགས་ཡུལ་གཙོ་བོ་ནི། བཙན་བྱོལ་བོད་མིའི་གཞིས་ཆགས་ཁག་ནང་གསོ་རིག་སྔོ་སྨན་དང་ཤིང་སྨན་འདེབས་འཛུགས་མ་ཟད། རང་རེའི་གཞིས་ཆགས་ནས་མཁོ་སྒྲུབ་དང་སྟོན་འབྲས་བསྡུ་ཐབས་བཅས་བོད་མིའི་གཞིས་ཆགས་ཁག་ཡུན་གནས་ཐུབ་པ་དང་གཞིས་ཆགས་ནང་གནས་པའི་བོད་མིའི་འཚོ་ཐབས་གོང་འཕེལ་དང་འགྲོ་ཕན་སྨན་རྩིས་ཁང་གི་བཟོ་སྐྲུན་སྡེ་ཚན་ལ་སྨན་རྩྭའི་མཐུན་རྐྱེན་ཡོང་ཆེད་ཡིན་པ་བཅས།།

 གནས་ཚུལ་འདི་ནི་ཕྱི་ལོ་ ༢༠༢༣ ཟླ་ ༦ ཚེས་ ༣༠ འཁོད་བོད་མིའི་སྒྲིག་འཛུགས་ཀྱི་བོད་ཡིག་དྲ་རྒྱ་ནས་ཟུར་འདོན་ཞུས།

འདིར་ནོན། གནས་ཚུལ་ཡོང་ཁུངས་བོད་མིའི་སྒྲིག་འཛུགས་བོད་ཡིག་དྲ་རྒྱ།

མཐའ་མའི་འདོན་ཐེངས་།: 04.07.2023 ཉིན། 2:56 PM