ལེའུ་སོ་གཉིས་པ། ཤུ་དག་གི་སྔགས།

ཨོཾ་སྭསྟི་སིདྡྷཾ། ཨོཾ་ཨཱཿཧཱུྃ། བཅོམ་ལྡན་འདས་སྨན་གྱི་བླ་ལ་ཕྱག་འཚལ་ལོ། །ཤ་དུག་གི་སྔགས་ལ། ཨོཾ་ཧྲི་མ་ཧཱུྃ། ཀ་རུ་ཏེ་མ་ཡ་ན་མ་ཀྲིཾ་ཀྲིཾ་སོད་སྭཱ་ཧཱ། ཐོ་རངས་གངས་ཆུ་རྙོག་མེད་ལ། །སྨྲ་བ་བཅད་དེ་ཅི་ནུས་བཟླས། །ཚུགས་ཚད་ནད་པ་དག་ལ་གཏང་། །ལང་པ་ཤར་གྱི་ནད་རྣམས་འཇོམས། །ཨེ་མ་ཧོ། ཨི་ཐི། གླང་རོག་པོ་རྙེད་ན་རབ། མ་རྙེད་ན་གང་གིས་ཀྱང་བཏུབ་སྟེ། དེའི་མཁྲིས་པ་མ་ཉམ་པ་ཅིག་ཆུ་ལ་སྦྱངས་ལ་གཏང་ངོ་། །གླང་གི་མཁྲིས་པ་མ་ཉམ་པ་ཅིག་ཆུ་ལ་སྦྱངས་ལ་གཏང་ངོ་། །གླང་གི་མཁྲིས་པ་གཅིག་གིས་མི་གཅིག་ཐོན་པ་ཡིན་ནོ། །ཤ་དུག་གི་སྨན་གྱི་མཆོག་ཡིན་ནོ། །ཡང་ནས་ཡང་དུ་རྟགས་ཐོན་པ་ཡིན་ནོ། །བཙན་དུག ཚ་བུལ་མེད་པ་ཞིབ་པར་བཏགས་ལ་ཆུ་བཟང་པོ་ལ་འདུར་ལ་བཏབ་ནས་འཐུངས་ན་བཙན་དུག་དང་། ཤ་དུག་རྡོ་རྗེ་བཞིན་འཇོམས་སོ། །ཟབ་བོ། །དུག་ནད་གསོ་བ་ལ། ཁྱིམ་གསར་གྱི་བུ་མིག་མ་བྱེ་བའི་ཤ་གྲིབ་སྐམས་བྱས་ཏེ། དབང་པོ་ལྔ་དང་། དོན་སྙིང་ལྔ་དང་། ཡན་ལག་བཞི་སོ་སོར་ཕྲལ་ཏེ་ནོར་བ་བསྐམས། ལུས་ཐམས་ཅད་ན་ན་ཤ་ཐམས་ཅད་ལས་བསྡུས་ལ་གཏང་། དོན་སྣོད་སོ་སོ་ན་ན་གང་ན་བ་མ་ནོར་བར་བྱས་ལ་བཏགས། གངས་ཆུ་ལ་སྦྱར་ལ་གཏང་། སྨན་ཞོ་རེར་ནང་མ་བདུན་གྱི་བར་ལ་གཏང་ན་ཐུབ་བོ། །དུག་འདྲེན་ནི། ཨ་རུ་ཟུར་ལྔ་དང་། བུད་མེད་གཞོན་ནུ་མ་དུག་དང་རིམས་དང་མཆིན་པའི་ནད་ཀྱིས་མ་ཤི་བའི་མཆིན་པ་མ་རུལ་བ། མ་བམ་པ། བུད་མེད་མ་གསར་གྱི་བུ་ཁྱེའུ་སྐྱེས་པའི་རོ་ཆེན་དང་གསུམ་མཉམ་པོར་སྦྱོར་ལ། ཐོ་རངས་ཆང་གིས་ཕུལ་ལ་གཏང་ངོ་། །ཐུན་ཚད་ཐེབ་སྙིང་གང་གཏང་ངོ་། །ལྟོ་ཉི་མ་ཕྱེད་ལས་མི་བཟའ། དེས་ལོ་གཅིག་ཐེ་ཚོམ་མེད་པར་ཐུབ་བོ། །སོ་པ་ནི་བོང་ང་ནག་པོ་ནས་ཙམ་ཅིག་ཞིབ་པར་བཏགས་ཏེ་ཆུ་ལ་སྦྱར། ལྕེ་ལ་བསྐུ་ཞིང་ཉི་མ་ལ་གདུང་། དེ་ལྕེ་བེར་ལོངས་དྲན་པ་མེད་ཙམ་ན། ཨ་རུ་ར་ནས་ཙམ་དྲུག་བཏབ་ལ་ཁོང་དུ་གཏང་། ཟླ་བ་ཕྱེད་ཚུན་ལ་སྦྱོར་བ་གང་བྱུང་ཡང་ལྕེ་བེར་འོང་། བླ་མའི་ཞལ་ནས་གསུངས་པའོ། །ས་མཱ་པྟ་མི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 12:54 PM