ལེའུ་ཞེ་དགུ་པ། སྐོམ་ནད་གསོ་བ།

དེ་ནས་ཡང་འཚོ་མཛད་སྨན་པའི་རྒྱལ་པོས་བཀའ་སྩལ་[བསྩལ་]པ། །དཔྱད་བུ་ལ་སོགས་གསོ་བ་འཛིན་པ་ཀུན། །སྐོམས་[སྐོམ་]ནད་བཅོས་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་བཞི་ཡི་སྒོ་ནས་སྟོན། །རྒྱུ་རྐྱེན་གྱིན་[གྱེན་]རྒྱུའི་རླུང་དང་མཁྲིས་པ་འཁྲུགས། །བད་ཀན་སྐེམ་པས་སྐོམ་དེད་[དད་]སྐྱེ་བར་བྱེད། །ཆགས་[ཆང་]དང་ལེན་ཚས་[ལན་ཚྭས་]བད་མཁྲིས་སྐྱེད་པའམ། །ཚད་གུང་ངལ་དུབ་སྤྱད་རྗེས་སྐོམ་མང་འཐུངས། །སྐོམ་དང་[དད་]ཆེ་ལ་ཁོང་ཚད་མཁྲིས་པ་བསྐྱེད། །གཉིས་པ་དབྱེ་བ་རླུང་མཁྲིས་བད་འདུས་བཅུད་ཟད་ལྔ། །བཞི་པ་རྟགས་ཁ་ལྕེ་གྲེ་སྐམ་ཟས་མི་འདོད། །ལྕེ་ཉུལ་སྐད་འགགས་ངོམ་[ངོམས་]པ་མེད་པར་སྐོམ། །རླུང་གྱུར་མགོ་འཁོར་གཉིས་[གཉིད་]མེད་མུར་འགྲམ་ཟུགས་[གཟེར]། །སྣ་དང་ལྕེ་ཡིས་དྲི་དང་རོ་མི་ཚོར། །མཁྲིས་གྱུར་ཁོང་ཚ་ཁ་ཁ་དྲི་མི་ཞིམ། །བད་ཀན་ཁ་མངར་[མངལ་]རློན་བྲོ་ཟས་མི་འཇུ། །འདུས་རྟགས་ཀུན་སྟོན་བཅུད་ཟད་ཟས་མིད་དཀའ། །ལྔ་པ་བཅོས་ཐབས་རླུང་མཁྲིས་སེལ་ཐབས་བྱེད། །ཕྱི་ནང་གཉིས་ནས་བཀྲུ་ཞིང་བསིལ་བར་བྱེད་[བྱ]། །ཆུར་[ཆར་]ཆུ་སྦྲང་རྩི་སྦྱང་[སྦྱར་]ལ་སྐོམ་དུ་བཏུང༌། །བག་ཕྱེ་ཁ་ར་སྦྲང་དང་སྦྱར་ལ་བཟའ། །འོ་མ་སྐྱུར་རྩབས་སྦྲང་གི་མཁུར་བཀང་བཅང༌། །ཁྱེད་[ཁྱད་]པར་རླུང་གྱུར་བུ་རམ་ཞོ་སྦྱར་བཏང་། །མཁྲིས་པ་ལས་གྱུར་མངར་བའི་སྨན་སྦྱང༌སྟེ། །དུར་བྱིད་རྒུན་འབྲུམ་བསྐོལ་ཁུར་ཀ་ར་སྦྱར་བས་སྦྱངས། །བད་ཀན་ལས་གྱུར་ནིམ་པའི་ཆུ་ཡིས་རློན། །སྐྱེར་པ་ཁ་ར་སྦྲང་ཆུ་སྐོམ་དུ་བཏུང༌། །འདུས་པའི་ནད་ལ་སྐྱུགས་རྗེས་ཆུ་ཚན་བླུད། །བཅུད་ཟད་ཤ་ཁུ་འོ་མས་གསོ་བར་བྱེད་[བྱ]། །འུ་སུ་བསྐོལ་ཁུར་ཀ་ར་སྦྲང་བཏབ་ལ། །ནད་གཞི་ཅི་ལ་[ལས་]གྱུར་པའི་སྐོམ་དད་སེལ། །ཤིན་ཏུ་སྐོམ་ན་བཏུང་འོས་མ་ཡིན་ཡང༌། །ཐོག་མེད་སྐོམ་བསལ་དེ་རྗེས་ནད་གཞི་གསོ། །ཞེས་གསུངས་སོ།།

གསོ་བྱའི་ནད་འབུམ་ནག་པོ་ལས་སྐོམ་པའི་ནད་གསོ་བའི་ལེའུ་སྟེ་བཞི་བཅུ་དགུ་པའོ།། །།

མཐའ་མའི་འདོན་ཐེངས་།: 03.01.2024 ཉིན། 4:16 PM