ལེའུ་བཅོ་བརྒྱད་པ། ཟས་ཚོད་རན་པར་བཟའ་བའི་ཚུལ་བསྟན་པ།

དེ་ནས་འཚོ་མཛད་སྨན་པའི་རྒྱལ་པོས་བཀའ་བསྩལ་པ། དཔྱད་བུ་ལ་སོགས་གསོ་བ་འཛིན་པ་ཀུན། །དུས་ཀུན་དུས་ན་ཟ་ཚོད་རན་པར་བཟའ། །ཟས་རྣམས་ལྕི་ཡང་ཚད་ལས་(ལ་)དཔག་ཚད་ནས། །ཡང་བ་འགྲོང་(འགྲངས་)ཤིང་ལྕི་བ་ཕྱེད་འགྲང་ཙམ། །བདེ་སླག་(བླག་)འཇུ་སླ་ཚོད་ཟིན་ཞེས་སུ་བཤད། །དེ་ནས་ལུས་འཚོ་མེ་དྲོད་སྐྱེད་བྱེད་ཡིན། །གལ་ལྟེ་(ཏེ་)ཟས་ཚོད་མ་ཟིན་ཆུང་འགྱུར་ན། །སྟོབས་མདངས་མི་འཕེལ་རླུང་ནད་མ་ལུས་འབྱུང༌། །ཚད་ལས་ཐལ་ནས་མ་ཞུ་བདེ་སྣམས་(བེ་སྣབས་)སྐྱེད། །དེ་ཡིས་མེ་མཉམ་རླུང་རྒྱུའི་རྩ་སྦུག་བཀག །ཕོ་བའི་དྲོད་ཉམ་(ཉམས་)ཉེས་པ་མ་ལུས་སྐྱེས། །དེ་ཕྱིར་ཟས་དང་ཕོ་བའི་མེ་དྲོད་སྦྱར། །ལྟོ་བའི་ཆ་གཉིས་ཟས་ལ་ཆ་གཅིག་སྐོམ། །ཆ་བཞི་པ་ནི་རླུང་གི་གདན་(གནས་)སུ་བཞག །ཟས་ཟོས་རྗེས་སུ་སྐོམ་འཐུང་ངོམས་དང་ཁྱབ། །ཟས་འགྲོས་(འདྲུལ་)འཇུ་ཞིང་ལུས་ཡ་(ཡང་)སྟོབས་འཕེལ་བྱེད། །སྐད་འགག་གློ་རྡོལ་ལུད་པ་ཆམ་པ་དང་། །ནམ་ཚང་(ཚོང་)ཡན་ཆད་ནད་ལ་གནོད་པ་ཡིན། །མེ་དྲོད་ཆུང་ལ་ཤ་ཟོས་ཆང་འཐུང་བྱ། །མི་འཇུ་སྦོས་ན་ཟོས་རྗེས་ཆུ་སྐོལ་བཏུང༌། །སྐོམ་(སྐེམ་)པོ་རྒྱས་པར་བྱེད་ལ་ཆང་འཐུང་བྱ། །སྦོམ་པོ་འབྲི་ལ་སྦྲང་རྩིའི་ཆུ་བཏུང་ངོ༌། །ཞོ་ཆང་དུག་སྦྲགས་(སྦགས་)སྦྲང་རྩི་ཟོས་པ་ལ། །རྗེས་སུ་ཆུ་བསིལ་བཏུང་ན་ཕན་པ་ཡིན། །ཟས་ཟོས་བར་མཐའ་ཐོག་མར་སྐོམ་འཐུང་དང་། །ཉམ་འཚག་རན་ཞིང་སྦོམ་དང་སྐོམ་(སྐེམ་)པར་འགྱུར། །ཉས་(ཉེས་)པ་ལམ་མིན་མི་འགྲོ་མེ་དྲོད་འབར། །ལུས་ཡང་དང་ག་བདེ་ལ་དབང་པོ་གསལ། །སྟོབས་ཆེན་བཤང་ལྕི་(གཅི་)འོག་རླུང་བདེ་བར་བྱིན(འབྱིན)། །ཟས་ཚོད་ལས་(རན་)པར་ཟིན་ལས་འབྱུང་བར་འགྱུར། །

གསོ་བྱེད་དཔྱད་འབུམ་ཁྲ་བོ་ལས་ཁ་ཟས་བསྲུང་བར་དང་ཚོད་རན་པར་ཟ་བའི་ལེའུ་སྟེ་བཅོ་བརྒྱད་པའོ།། །།

མཐའ་མའི་འདོན་ཐེངས་།: 30.05.2023 ཉིན། 11:08 AM