སྨན་རྩིས་དྲ་བ། - དཔྱད་འབུམ་ཁྲ་བོ།

ལེའུ་བཅུ་བདུན་པ། ཁ་ཟས་བསྡམ་པར་བྱ་བ་བསྟན་པ།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 30.05.2023
དཔྱད་འབུམ་ཁྲ་བོ། >>



ལེའུ་བཅུ་བདུན་པ། ཁ་ཟས་བསྡམ་པར་བྱ་བ་བསྟན་པ

དེ་ནས་འཚོ་བྱེད་སྨན་པའི་རྒྱལ་པོས་བཀའ་བསྩལ་པ། དཔྱད་བུ་ལ་སོགས་གསོ་བ་འཛིན་པ་ཀུན། །ཟས་སྐོམ་བསྡམ་བྱ་དུག་ལྡན་མི་འཕྲོད་ཟས། །འཕྲལ་དུ་སྲོག་འདོར་ཉེས་པ་འཁྲུག་ཕྱིར་བསྲུང༌། །རྒྱལ་པོའི་ཕོ་བྲང་སྲོག་འཚོའི་སློབ་དཔོན་བཞག །དེས་ནི་ཟས་སྐོམ་དུག་ལས་ཐར་བར་འགྱུར། །དུག་ལྡན་ཟས་དེ་ཁ་དོགས་(དོག་)དྲི་རོ་ལྡོག །མེས་བསྲེག་དུ་བ་རྨ་བྱའི་མགྲིན་འདྲར་བཤད། །མེ་ལྕེ་གཅིག་ཏུ་འཁྱིལ་ཞིང་མེ་སྟག་གལ(བརྒལ)། །མཐོང་ན་བྱ་རོག་སྐད་འདོན་རྨ་བྱ་དགའ། །ཁྱི་ལ་བྱིན་ན་ལྟོ་བ་དྲོས་ན་(ནས་)སྐྱུག །ཤ་ལ་དུག་ཡོད་དམར་ལ་ལྕགས་མི་ལེན། །སྦོས་ཤིང་ཆང་སྦྱར་མིག་བདུག་ཚ་ཞིང་འཁྲུག(འཁྲུགས)། །དུག་སྟེ་ཕྱག་ཚང(ཆག་ཚང་)མི་དེ་ཁ་སྐམ་ཞིང༌། །རྔུལ་ཞིང་འདར་ལ་སྐྲག་ཅིང་འདུག་མི་ཚུགས། །གནོང་བག་གིན་(གིས་)ནི་ཕྱོགས་ལ་ལྟ་བར་བྱེད། །ཤེས་ནས་ཀུན་ལ་གནོད་པར་མི་འགྱུར་རོ། །ཁ་ཟས་མི་འཕྲོད་ཟོས་པས་སྦྱར་དུག་མཚུངས། །ཞོ་མ་ལོངས་(ལངས་)དང་ཆང་གསར་མི་འཕྲོད་དེ། །ཉ་ཡི་ཤ་དང་འོ་མ་འཕྲོད་པ་ཡིན(མིན)། །དེ་བཞིན་འོ་མ་ཤིང་ཐོག་གཉིས་མི་འཕྲོད། །བྱ་ཡི་སྒོ་ང་ཉ་ཡི་ཤ་མི་ཕྲོད(འཕྲོད)། །སྲན་མའི་ཚོད་མ་བུ་རམ་ཞོ་མི་འཕྲོད། །ཤ་མོ་ཉུངས་དཀར་མར་ལ་བརྔོས་པ་དང༌། །ཁྱིམ་བྱའི་ཤ་དང་ཞོ་བསྲེས་ཟ་བ་དང༌། །སྦྲང་རྩི་མར་ནག་ཆ་སྙོམས་ཕྲོད་(འཕྲོད་)མི་འགྱུར། །མར་གསར་འཁར་བའི་སྣོད་དུ་ཞག་བཅུ་ལས(ལུས)། །སྐྱེར་པའི་མི་(མེ་)ལས་(ལ་)ཧ་རི་ཏྲ་ཤ་བསྲེགས། །ཅོང་ཞི་ཟོས་རྗེས་ཤ་མོ་ཁུར་བ་ཟོས། །ཞུན་མར་ཟོས་རྗེས་ཆུ་གྲང་འཐུང་བ་དང༌། །ཤ་ལ་དཀར་སྐྱུར་ཙམ་རྩམ་དྲིས་ཕོག་པའམ། །བཙོས་པའི་རླངས་སུབ་(བསྲུབས་)ཞག་བདུན་ལོན་པ་དང༌། །སྐྱུར་དང་འོ་མ་ལྷན་ཅིག་ཟ་བ་རྣམས། །སྔ་མ་མ་ཞུ་ཕྱི་མ་ཟོས་པ་ཡིས། །ཁ་ཟས་མི་འཕྲོད་འཐབ་པས་དུག་ཏུ་གྱུར(འགྱུར)། །མ་གོམ་(གོམས་)དུས་མིན་ནད་དུ་འགྱུར་བ་ཡོད། །རྩོལ་བྱས་སྣུམ་བསྟེན་དྲོད་ཆེ་དར་ལ་བབས། །སྟོབས་ལྡན་གོམ་(གོམས་)པས་ཟོས་ལ་གནོད་མི་འགྱུར། །མི་འཕྲོད་ཕྲོད་(འཕྲོད་)པབརྟེན་(བསྟེན་)ནས་སྤོངས་(སྤོང་)བྱེད་ན། །འདྲིས་གོམ་(གོམས་)སྒོ་ནས་ཆ་ཡིས་བླང་པ་ལས། །ཕྲལ་དུ་སྤངས་བརྟེན་(བསྟེན་)ཉེས་པ་མྱུར་དུ་འཁྲུགས། །གནོད་པ་གནོད་བྱའི་བདག་ཉིད་ཉེར་(ཉེས་)གྱུར་པས། །ཕན་མེད་གནོད་པར་བྱེད་པ་མཁས་པས་སྤང༌། །ཞེས་གསུངས་སོ། །

གསོ་བྱེད་དཔྱད་འབུམ་ཁྲ་བོ་ལ་(ལས་)ཁ་ཟས་བསྡོམ་པའི་ལེའུ་སྟེ་བཅུ་བདུན་པའོ།། །།




 

མཐའ་མའི་འདོན་ཐེངས་།: 30.05.2023 ཉིན། 11:12 AM

<< སྔ་མ།

ནང་གསེས་དཀར་ཆག

ཡིག་ཆ་གསར་ཤོས།

བོད་ལུགས་གསོ་རིག་དར་འཕེལ་གྱི་ལོ་རྒྱུས་མདོར་བསྡུས།

སྐམ་ཁབ་ཟབ་སྦྱོང་དང་རིན་མེད་དཔྱད་བཅོས་གནང་།

ཡན་ལག་སྨན་ཁང་གཉིས་ལ་ཁ་ལོ་བ་གཉིས་ཀྱི་ས་མིག་གསལ་བསྒྲགས།

སྨན་སྦྱོར་སྡེ་ཚན་དུ་ལས་མི་གྲངས་ ༡༡ ས་མིག་གསལ་བསྒྲགས།

ཆོས་རིག་དྲུང་ཆེ་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ།

སྤྱི་ཁྱབ་འགན་འཛིན་མཆོག་གི་གསུང་བཤད།

འགྲོ་ཕན་བོད་ཀྱི་སྨན་རྩིས་ཁང་དབུ་བརྙེས་པའི་དུས་དྲན་མཛད་སྒོ་སྲུང་བརྩི།

ཞབས་ལོ་ ༤༠། ༣༠། ༢༠། ལོན་པ་རྣམས་ཀྱི་ངོ་སྤྲོད།

སྨན་རྩིས་འབུམ་རམས་པ་དང་ཉེ་བའི་འབུམ་རམས་པར་ཕྱག་ཁྱེར་བསྩལ།

ཐོན་ཟོག་ཁྲལ་འབབ་སྡེ་ཚན་གྱིས་ཆེ་བསྟོད་གནང་།

བོད་ཡིག་མིང་བྱང་ལ་འགྱུར་བཅོས་བཏང་བ།

ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།

བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།

འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།

ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།