ལེའུ་དྲུག་པ། ལུས་ཀྱི་ལས་དང་དབྱེ་བ་བསྟན་པ།

དེ་ནས་ཡང་འཚོ་འཛད་སྨན་གྱི་རྒྱལ་པོས་བཀའ་བསྩལ་པ། དཔྱད་བུ་ལ་སོགས་གསོ་བ་འཛིན་པ་ཀུན། །ལུས་ཀྱི་ལས་ནི་ལུས་ངག་ཡིད་གསུམ་སྟེ། །དགེ་དང་མི་དགེ་ལུང་ལ་(མ་)བསྟན་ལ་སྤྱོད། །བྱེ་བྲག་དབང་པོ་ལྔ་ཡིས་རང་ཡུལ་འཛིན། །ལུས་ཀྱི་དབྱེ་བ་བརྟེན་(རྟེན་)དང་ན་ཚོད་དང༌། །རང་བཞིན་ནད་ཀྱི་སྒོ་ནས་དབྱེ་བ་བཞི། །

རྟེན་གྱིས་ཕྱེ་ན་ཕོ་མོ་མ་ནིང་གསུམ། །ན་ཚོད་དབྱེ་བ་བཅུ་དྲུག་བར་བྱིས་པ། །དེ་ལས་ལུང་(ལུས་)ཟུངས་དབང་པོ་གཟི་མདངས་སྟོབས། །འཕེལ་འགྱུར་བདུན་ཅུའི་བར་དུ་དར་མ་སྟེ། །དེ་ལས་ཟད་པ་ཕན་ཆོད་རྒན་པོ་ཡིན། །རང་བཞིན་རྐྱང་པ་ལྡན་དང་འདུས་པ་བདུན། །དེ་ལས་རླུང་གིས་བསྐྱེད་པའི་མི་རྣམས་ནི། །དབྱིབས་སྒུར་མདོག་ནག་ཤ་སྐེམ་སྨྲ་བ་མང༌། །གྲངས་ལྷག་(གྲང་ལྷགས་)མི་བཟོད་འགྲོ་ཚེ་སྒྲ་དང་བཅས། །ནོར་ཆུང་གཉིད་སྲབ་ཚེ་ཐུང་ལུས་བངས་(བོངས་)ཐུངས(ཐུང་)། །གླུ་དང་རྒོད་དང་འཐབ་མོ་རྡོ་(མདའ་)རུ་དགའ། །མངར་བསྒྱུར་(སྐྱུར་)ལན་ཚའི་རོ་ལ་སྲེད་པ་ཆེ། །བྱ་རྒོད་ཝ་ཁྭའི་(ཁྭ་ཝའི་)མཚན་ཉིད་ལྡན་པ་ཡིན། །འཁྲིས་པའི་རང་བཞིན་སྐོམ་དད་བཀྲེས་ཤས་ཆེ། །སྐྲ་ལུས་མདོག་སེར་བློ་རྣོ་ང་རྒྱལ་ཆེ། །རྔུལ་ཆེ་དྲི་དང་ཚེ་ནོར་ལུས་འབོངས་(བུངས་)འབྲིད(འབྲིང་)། །མངལ་(མངར་)ཁ་བསྐའ་(བསྐ་)བསིལ་ཟས་ལ་སྲེད་པ་ཆེ། །སྟག་སྤྲེལ་གནོད་སྦྱིན་མཚན་ཉིད་ལྡན་པ་ཡིས། །བད་ཀན་རང་བཞིན་ཅན་ནི་ལུས་བསིལ་ཞིང༌། །རུས་ཚིག་གིས་(ཚིགས་)མི་མངོན་ཤ་རྒྱས་ཁ་དོག་དཀར། །དབྱིབས་དགྱེ་བཀྲེས་སྐོམ་ཉོན་མོངས་ཐན་པ་བཟོད། །ལུས་འཚོ་ཚེ་རིང་ནོར་མང་གཉིད་མཐུག་ཅིང༌། །ཞེ་སྡང་འདམ་རིང་རང་བཞིན་ངང་རྒྱུད་བཟང༌། །ཚ་སྐྱུར་བསྐ་རྩུབ་ཟས་ལ་སྲེད་པ་སྟེ། །སེང་གེ་ཁྱུང་མཆོག་མཚན་ཉིད་ལྡན་པ་ཡིན། །ལྡན་དང་འདུས་པ་འདྲེས་ལས་ཤེས་པར་བྱ། །ནད་ཀྱི་རྣམ་པར་དབྱེ་བ་མ་གྱུར་གྱུར། །རྣམ་པར་མ་གྱུར་ལུས་གནས་ཐ་མ་ལ། །ནད་མེད་གནས་དང་རིང་དུ་འཚོ་བ་དང་། །རྣམ་གྱུར་ནད་ཀྱིས་བཅོམ་པའི་ལུས་དེ་གསོ། །ཞེས་གསུངས་སོ།།

གསོ་བྱེད་དཔྱད་འབུམ་ཁྲ་བོ་ལས་ལུས་ཀྱི་ལས་དང་བྱེ་བྲག་དབྱེ་བ་བསྟན་པའི་ལེའུ་སྟེ་དྲུག་པའོ།། །།

མཐའ་མའི་འདོན་ཐེངས་།: 30.05.2023 ཉིན། 11:59 AM