ལེའུ་དོན་དྲུག་པ།  མཚན་བར་རྡོལ་བ་བཅོས་པ།

དེ་ནས་ཡང་འཚོ་མཛད་སྨན་པའི་རྒྱལ་པོས་བཀའ་སྩལ་[བསྩལ་]པ། དཔྱད་བུ་ལ་སོགས་གསོ་བ་འཛིན་པ་ཀུན། །མཚན་མ་[བར་]རྡོལ་ལ་རྒྱུ་རྐྱེན་དབྱེ་བ་དང༌། །རྟག་[རྟགས་]དང་བཅོས་ཐབས་རྣམ་པ་བཞི་ཡིས་བསྟན། །རྒྱུ་ནི་བསྟེན་[སྟན་]སྲབ་ཙོག་འདུག་ཁོ་ན་རྒྱས། །རྟ་སོག་[སོགས་]རྒྱུན་ཞོན་རླན་སྟེང་ཡུན་རིང་འབྱུང་། །གཉིས་པ་དབྱེ་བ་རྐྱང་པ་ལྡན་འདུས་གསུམ་དུ་བཤད། །གསུམ་པ་དེ་རྟགས་མཚན་དབྲག་བར་དུ་འབྲུམ་ཡོང་ཆུ་སེར་འཛག །སྨིན་པ་རྣག་ཁྲག་སྲིན་འཛག་སོས་མི་ཉན། །ལེན་[ལན་]རེ་ཞི་ཡང་སླར་ལྡན་[ལྡང་]ཁུ་ཁྲག་འཛག །རླུང་གྱུར་རྨ་མང་ཆུ་སེར་སྤྲུ་[ལྦུ་]སླ་འཛག [མཁྲིས་པ་དམར་ཚ་བད་ཀན་ལས་གྱུར་གཡའ།།] །རླུང་འཁྲིས་[མཁྲིས་]དམར་སེར་བད་རླུང་སྨིན་དཀའ་ནག །བད་འཁྲིས་[མཁྲིས་]ཚ་སྐྲང་འདུས་ཡིན་ནད་ཚབས་ཆེ། །བཞི་པ་བཅོས་ཐབས་གསལ་[གསར་]དུས་ལོང་རྩ་གཏར། །ཐོར་པ་བརྡོལ་[བརྟོལ་]ནས་ཁྲག་ཕྱུང་སྦང་དུག་[དུགས་]བྱ། །སྙིང་[རྙིང་]ནས་ལྟོ་སྦྱང་ཆུ་ཚན་ནང་དུ་བཅིང་[སྤྱིང་]། །འབྲས་གསུམ་བྱི་ལའི་རུས་པ་རྨ་ལ་བྱུག །བྱི་ཏང་ཀ་དང་དམར་གསུམ་པི་ལིང༌ར་གསུམ་དང་། །སྦྲང་དང་རྩི་མར་སྦྱར་བ་ཡུན་དུ་བསྟེན། །སླ་ཁྲེས་[སླེ་ཏྲེས་]སུག་སྨེ་[སྨེལ་]བྱི་ཏང་དུག་མོ་ཉུང་། །ར་གསུམ་སྤོས་དཀར་རིམ་བསྐྱིད་[བསྐྱེད་]སྦྲང་སྦྱར་བཟའ། །དུག་ཉུང་པ་[པི་]ལིང་ཙི་སྲ་[ཏྲ་]ཀ་དང་ལྡོན་རོལ་[ལྡོང་རོས་]ལ། །བྱི་ཏང་འབྲས་གསུམ་ཕྱེ་ལ་ཕྱེད་རེ་སྦྱར། །ཀུན་དང་སྤོས་དཀར་བསྙམ་[མཉམ་]སྟེ་སྦྲང་སྦྱར་ཟ། །གུ་ཁུལ་[གུལ་]སྲང་ལྔ་པི་ལིང་སྲང་གང་འབྲས་བུ་གསུམ། །ཤིང་ཚ་ཞོ་གཉིས་སུག་སྨེ་[སྨེལ་]སྦྱར་བ་བཏང་། །སྨན་གྱིས་མི་ཐུབ་ཚད་ན་བཅད་དེ་བསྲེག །ཟས་སྤྱོད་ནད་གཞི་གང་ཆེ་དེ་དང་བསྟུན། །ཞེས་གསུངས་སོ།།

གསོ་བྱའི་ནད་འབུམ་ནག་པོ་ལས་མཚན་མར་[བར་]རྡོལ་བ་ཅོས་པའི་ལེའུ་སྟེ་དོན་དྲུག་པའོ།། །།

མཐའ་མའི་འདོན་ཐེངས་།: 04.01.2024 ཉིན། 4:00 PM