ལེའུ་གོ་གསུམ་པ།  བུ་མེད་པ་བཙལ་བ།

 དེ་ནས་ཡང་འཚོ་མཛད་སྨན་པའི་རྒྱལ་པོས་བཀའ་སྩལ་[བསྩལ་]པ། དཔྱད་བུ་ལས་[ལ་]སོགས་གསོ་བ་འཛིན་པ་ཀུན། །གཉིས་པ་དེའི་ཡན་ལགས་[ལག་]བུད་[བུ་]མེད་བརྩལ་[བཙལ་]བ་ལ། །རྒྱུ་དང་[ནི་]གདོན་ཐབས་འདུ་བ་རོ་ལུས་དང་། །བུ་རྕི་བཏང་དང་མོ་བཤལ་[གཤམ་]རྣམ་པ་ལྔ། །དང་པོ་མོ་དང་ཕྱ་[ཕྱྭ་]ལས་རྟགས་[བརྟག་]པར་བྱ། །ཞི་གྲགས་[དྲག་]གྲང་[གང་]འགྲོ་རྟགས་[བརྟག་][ལ་]གདོན་དེ་བཅོས། །འདུ་བ་རླུང་མཁྲིས་བད་ཀན་རྣམ་པ་གསུམ། །རླུང་གི་ཟླ་མཚན་སེར་ལ་དུས་མེད་འཛག །མངར་[མངལ་]སྒོ་རར་[ཧར་]པོ་ཡོད་སྙམས་[སྙམ་]རྒྱུ་ཞབས་སྦོས། །ལེན་[ལན་]རེས་[རེ་]སྡོམ་ཞིང་ལེན་[ལན་]རེ་དུས་མེད་འཛག །མཁྲིས་པས་ཚ་བྲབ་[འབྲབ་]དུད་ཁུ་རྣག་ཏུ་འོང་། །བད་ཀན་བསིལ་ཞིང་འོ་ཀ་ཆུ་འདྲ་འཛག །རླུང་ལ་ནང་ནུབ་སྒ་ཤེར་[སྒེ་གཤེར་]ཐང་བཏང་ཞིང་། །འབའ་ཆ་འབྲུ་ཡི་དུག་[དུགས་]ཀྱིས་རྒྱུ་ཞབས་བདུག །དེ་རྗེས་ཕྱི་རྩ་སྒ་ཤེར་[སྒེ་གཤེར་]རིལ་བུས་སེལ། །དེ་བསྡང་[རྟིང་]ཕྱི་ཡི་རྩ་ཤེར་[གཤེར་]ཆེན་པོ་སྦྱར། །དེ་འོག་རུ་[རྒྱུ་]བཅུད་གཟེ་མའི་ཆང་སྦྱར་ལ། །མར་ཁུའི་སྦྱོར་བས་ཕྱི་རྗེས་བཅད་པར་བྱ། །མཁྲིས་པ་བན་[བད་]ཀན་མེ་ཏོག་དུག་[དུགས་]ཀྱིས་བདུག །དེ་ནས་ཁྲུས་ཤོར་[གཤེར་]ཆེན་པོས་ཁོང་སྦྱངས་ལ། །དེ་རྗེས་རྩ་ཤེར་[གཤེར་]སྦྱོང་གིས་མངལ་སྐྱོན་བསལ། །དེ་སྟེང་[རྟིང་]རྒྱུ་བཅུད་སྦྱོར་བས་ཕྱི་རྗེས་བཅད། །མངལ་དུ་རོ་ལུས་བུ་རོ་ནད་རོ་ལ། །ནད་ལུས་བུས་བཙན་[བུ་བཙས་]རྗེས་ཀྱི་ཁྲག་རོ་ལ[ལུས]། །མངལ་ཁ་འཆུས་ལས་ཁྲག་སྐྲན་མངལ་དུ་ཆོགས[ཆགས]། །བུ་རོ་ནད་རོ་གང་ཡིན་ཀྱང་། །རྒྱུ་ཞབས་བུ་ཆགས་བཞིན་དུ་ཆགས། །རྒྱུ་ཞབས་མཁལ་མ་ཚིགས་ལ་[པ་]ལེན་[ལན་]རེ་ན། །དམར་སླ་ནག་པོའི་མངལ་ཁྲག་ལེན་[ལན་]རེ་འཛག །དེ་ལ་ལྒ་ཐང་ནང་ནུབ་བཏང་བྱས་ནས། །གྲོག་མའི་སྒོ་པ་བྱས་པས་རྒྱུ་ཞབས་བདུག །ཨ་རུ་མཆུ་བསྙུང་[སྙུང་]གཅིག་དང་ལྕིམ་[ལྕུམ་]རྩ་ཞོ་གཅིག་དང་། །ཤིང་ཚ་ཞོ་གཅིག་བསྡུས་ན་ཞོ་གསུམ་པོ། །སོ་སོར་བསྡུང་[བསྡུས་]ནས་བསྐོར་[བསྐོལ་]ཐང་གྲང་མོ་ལ། །དུར་བྱིད་ཞོ་གཅོག་ཁྲོན་བུ་རིལ་མ་ཙམ། །རྒྱ་ཚ་ཞོ་གཅིག་ཤིང་ཚ་ཞོ་ཕྱེད་བཏབ། །ཁྱེའུས་[ཁྱེའུ་སུས་]ཕུལ་བཏང་དེ་ཡིས་མ་ཐེབ་[ཐེབས་]ན། །རྒྱ་ཚ་ཕྲུ་རིག་[དྲེག་]འཁོག་[ཁོངག་]མ་ཤ་རུས་ཐལ་བ་དང་། །རིམ་པས་ཆ་བསྐྱེད་སྦྱར་ནས་བཏང་བ་ཡིན། །ཡང་ནང་[ན་]ཚ་བ་གསུམ་དང་ཨ་རུ་གསུམ་ཐང་དང་། །ལྕིམ་[ལྕུམ་]རྩ་བྲོ་[བྲེ་]ཕྱེད་ཕུལ་གང་གསུས་ཁུས་བསྲེག[བསྡུས་ཁུ་བསྲེས] །རྒྱ་ཚ་དུར་བྱིད་འོལ་འོམ་[མོ་]ལུག་རིལ་ཙམ། །ཤིང་ཚ་ཞོ་ཕྱེད་བཏབ་ནས་ཐང་རང་[ཐོ་རངས་]བཏང་། །ཕོ་བར་ཟུགས་[ཟུག་]སྐྱེས་རྡོ་དང་འབྲུ་དུག་[དུགས་]བྱ། །མ་ཡིན་[ཕིག་]སྲིད་ནས་རྒྱ་ཚ་ཆང་སྦྱར་བཏང་། །མངལ་སྐྲན་བུ་རོ་རྣག་འཐུམ་ཁྲག་ཚས་[ཚབས་]དང་། །མངལ་ཁ་འཆུས་པ་བཤིག་ཅིང་བུ་བསྐྱེད་དོ། །དེ་གཏང་[རྟིང་]ཕྱི་ཡི་རྩ་ཤེར་[གཤེར་]ཆེན་པོ་སྦྱངས། །དེ་འོག་རྒྱུད་[རྒྱུ་]བཅུད་གཟའ་[གཟེ་]ཆང་ཕྱི་རྗེས་བཅད། །ལོ་གཅིག་བར་གཅིག་[དུ་]དྲོད་བསྟན་[བསྟེན་]ཟས་སྤྱོད་གཟབ། །བུ་རྕི་བཏབ་བས་ཆད་དམ་རྟག་ཏུ་གསུངས། །ནད་[ནང་]དང་ཕྱི་ཡི་རྩ་ཤེར་[གཤེར་]རིམ་པར་སྦྱར། །དེ་རྗེས་གཟེ་མའི་ཆང་དང་ཁྲག་བཅུད་བཏང་། །མོ་ལྕམ་[གཤམ་]ཡིན་ན་ཁྲག་མོང་[མང་]མདོག་མི་འགྱུར། །ཟླ་བ་རེ་བཞིན་དུས་ལ་འབྱུང་བ་སྟེ། །དེ་ལ་སྨན་གྱིས་བཙལ་ནས་བྱུང་བ་ཡིན། །དེ་ལས་ལོག་པ་ཐབས་ཀྱིས་སྤངས་[སྤང་]པར་བྱ། །ཞེས་གསུངས་སོ།།

           གསོ་བྱའི་ནད་འབུམ་ནག་པོ་ལ་[ལས་]དེའི་ཡན་ལག་[བུ་]མེད་བཙལ་བའི་ལེའུ་སྟེ་གོ་གསུམ་པའོ།། །།

མཐའ་མའི་འདོན་ཐེངས་།: 03.01.2024 ཉིན། 2:40 PM