༄༅། །དབང་པོ་རབ་ལ་ས་བོན་ལྟ་བུའི་རྩ་རྒྱུད་དེ་ལྟར་དུ་བསྟན་ཞིང་དགོངས་པ་བཀྲལ་ཟིན་ཀྱང༌། རྩ་བའི་རྒྱུད་ཀྱི་བཤད་པ་རྒྱས་པ་དང༌། ལག་ལེན་གྱི་སྐོར་མི་སྟོན་པས་སྐུའི་རྒྱུད་ཅེས་དོན་རྒྱ་ཆེ་བ་དུམ་བུ་གཉིས་པ་བཤད་པའི་རྒྱུད་ཚིག་དོན་མ་ལུས་གསལ་བར་སྟོན་པ་བར་སྣང་དུ་ཉི་ཟླ་ཤར་བ་ལྟ་བུ་འདི་ལ། གནས་བཅུ་གཅིག་གི་འབྲེལ་བཤད་པས་ལེའུའི་འབྲེལ་ཤུགས་སུ་རྟོགས་ལ། དེའང་རྩ་བ་མདོའི་གནས་ཐོག་མར་འབྱུང་བའི་རྒྱུ་མཚན་ནི། གནས་གཞན་རྣམས་འདི་ལ་བརྟེན་ནས་བསྐྱེད་པ་ཡིན་པའི་ཕྱིར། དང་པོར་བཞག་ནས་དེའི་རྗེས་སུ་ལུས་ཀྱི་ཆགས་