དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལས་ལྔའི་སྔོན་འགྲོ་སྣུམ་འཆོས་རུང་མི་རུང༌། །བསྟེན་ཐབས་ལེགས་ཉེས་དེ་ཡི་ལོག་གནོན་ནོ། །སྣུམ་རུང་རྒས་སྦེག་སྟོབས་ཆུང་སེམས་ལས་ཆེ། །ལྟོ་སྐྱ་ཁྲག་ཟགས་ཁོང་རྩུབ་ཁུ་བ་ཟད། །རླུང་ཆེ་མིག་འགྲིབས་སྦྱང་བ་དགོས་ལ་བཏང༌། །མི་རུང་མེ་དྲོད་ཆུང་བ་མ་ཞུ་འཁྲུ། །དྲེག་གྲུམ་དབྱིག་དུག་ཡི་ག་འཆུས་པ་དང༌། །བད་ཀན་སྐྱུག་ནད་སྐོམ་དད་ཆེ་ལ་སྤང༌། །བསྟེན་ཐབས་སྤྱི་དང་བྱེ་བྲག་རྣམ་པ་གཉིས། །དང་པོ་འབྲུ་མར་ཞུན་མར་རྐང་མར་ཚིལ། །