དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལྡེ་གུའི་སྡེ་ཚན་ཚ་སེལ་གྲང་སེལ་གཉིས། །ཚ་སེལ་སོ་མ་ར་ཛ་ཨ་རུ་ར། །བསིལ་གསུམ་འདམ་བུ་ཤིང་མངར་ལྕགས་ཀྱི་ཕྱེ། །ཀ་ར་མར་གསར་ལྡེ་གུ་བྱས་པ་ཡིས། །གློ་མཆིན་ཚ་བ་རྙིངས་རྙོགས་སེལ་བར་བྱེད། །ཏིག་ཏ་གསེར་གྱི་མེ་ཏོག་བོང་ང་དཀར། །མ་ནུ་པི་པི་ལིང་དང་བ་ལེ་ཀ །སྦྲང་རྩིའི་ལྡེ་གུས་མཁྲིས་པའི་གློ་ནད་དང༌། །ཆང་ནད་མཁྲིས་པར་སྐྱུག་དང་མགོ་ནད་སེལ། །གུར་ཀུམ་མཚལ་དང་མཁྲིས་པ་སྣ་ཚོགས་དང༌། །