ལེའུ་ཉེར་གསུམ་པ། མི་ན་བར་གནས་པར་བྱ་བ།

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །ནད་མེད་ཐ་མལ་གནས་ལ་ཇི་ལྟར་བསླབ་པར་བགྱི། འཚོ་མཛད་སྨན་པའི་རྒྱལ་པོས་བཤད་དུ་གསོལ། ཞེས་ཞུས་པ་ལས།

སྟོན་པས་གསུངས་པ། ཀྱེ་དྲང་སྲོང་ཆེན་པོ་ཉོན་ཅིག །རྣམ་པར་མ་གྱུར་ཐ་མལ་ལུས་པོ་ལ། །མི་ན་བར་གནས་པ་དང་རིང་དུ་འཚོ་བར་བྱ་བ་ལས། །

དང་པོར་མི་ན་བར་གནས་པར་བྱ་བ་ནི། །ནད་ཀུན་རིང་རྒྱུ་དུག་གསུམ་དང་ཉེ་རྒྱུ་ཉེས་གསུམ་ལས་རྐྱེན་ཡང་རྩུབ་བསིལ་བས་རླུང་དང་ཚ་རྣོ་སྣུམ་པས་མཁྲིས་པ་དང་ལྕི་བསིལ་རྟུལ་གྱིས་བད་ཀན་སློང་བས་དེ་གསུམ་གྱིས་བསླང་ལས་འབྱུང༌། །རྐྱེན་མེད་པར་རྒྱུ་ལས་འབྲས་བུ་འབྱུང་མི་སྲིད་པས་དཔེར་ན་རྒྱུ་ས་བོན་བཏབ་ཀྱང་རྐྱེན་དྲོད་གཤེར་དང་སོ་ནམ་མེད་ན་ལོ་ཏོག་མི་སྐྱེ་བས། །དེ་ཕྱིར་ནད་རྣམས་ཀུན་གྱི་སློང་བའི་རྐྱེན་སྤང་བྱ། །

དུས་དྲུག་དང་དབང་པོ་ལྔ་དང་སྤྱོད་ལམ་ཟས་ཀྱི་རོ་ནུས་རྣམས་དང་། །དམན་ཏེ་སྤྱད་བྱ་ཚད་ལས་ཉུང་བ་དང་གོ་ལོག་པ་དང་ཚད་ལས་མང་བ་ལྷག་པས་ནད་སྐྱེད་པར་བྱེད་ལ། །དེ་རྣམས་གོང་གི་ཟས་སྤྱོད་སྨན་གྱི་བསྟེན་ཐབས་བཤད་པ་བཞིན་དུ་ཡང་དག་སྦྱོར་བ་ནད་མེད་གནས་པའི་རྒྱུ་ཡིན་པས། །དེ་ཕྱིར་སྤྱོད་ལམ་དང་ཟས་དང་སྨན་རྣམ་པ་གསུམ་པོ། །མ་འཁྲུལ་བར་ཡང་དག་བསྟེན་པས་ནད་མེད་བདེར་གནས་འགྱུར་རོ། །

བྱེ་བྲག་ཏུ་ལོ་དང་ཟླ་བ་མང་དུ་འདས་ཏེ་ལུས་ཟུངས་ཀྱི་སྟོབས་འགྲིབ་པ་ལ། །ཚེ་ཟད་པར་ཚེ་བསྒྲུབ་དང་རྒས་པའི་ནད་ལས་བསྲིང་བ་ནི། །བཅུད་ལེན་བྱ་བ་སྟེ་དེའི་ཕན་ཡོན་དང་གནས་དང་རྟེན་དང་བྱ་ཐབས་བཞི་ལས། །

དང་པོ་བཅུད་ལེན་གྱི་ཕན་ཡོན་ནི་ཚེ་རིང་བ་དང་ན་ཚོད་གཏུགས་པར་མི་འགྱུར་བར་དར་མའི་ངང་ལ་འཇོག་པར། །ལུས་ཀྱི་མདངས་དང་སྟོབས་སྐྱེད་ཅིང་དབང་པོ་དྲུག་པོ་གསལ་བར་བྱེད་དོ། །

བཅུད་ལེན་གྱི་གནས་ནི་ས་གཙང་དབེན་ལ་ཉམས་དགའ་བ་གཞན་གྱིས་བར་ཆད་མེད་པ་དེར། །བཅུད་ལེན་གྱི་རྟེན་ནི་གང་ཟག་ཧ་ཅང་རྒས་པ་མ་ཡིན་པས། །ཆགས་པ་འཇིག་རྟེན་པའི་ལས་རྩོལ་སོགས་སྤང་ལ་བརྩོན་འགྲུས་ལྡན་པས་གཟའ་སྐར་བཟང་བའི་དུས་སུ་འཇུག་པར་བྱ། །

བཅུད་ལེན་བྱ་ཐབས་ནི་གཙོ་བོར་བླང་བ་དང་ཞར་དུ་སྤྱད་པ་རྣམ་པ་གཉིས་ལས། །དང་པོ་གཙོ་བོར་སྤྱད་པ་སྔོན་འགྲོ་དང་དངོས་གཞི་གཉིས། །དང་པོ་སྔོན་འགྲོ་ལུས་ལ་སྣུམ་འཆོས་རྗེས་ལ་ཁྲུས་བྱས་ལ། འབྲས་བུ་ཨ་བར་སྐྱུར་གསུམ་དང་རྒྱམ་ཚྭ་པི་པི་ལིང༌། །བཅའ་སྒ་ཤུ་དག་ཡུང་བ་བྱི་ཏང་ག །བུ་རམ་གསར་པ་བ་དམར་ཟལ་གྱི་ཆུ་སྦྱར་བས་ཁོང་པ་དག་པར་སྦྱང༌། །གལ་ཏེ་མ་སྦྱངས་ན་དྲི་མ་དང་བཅས་གོས་དར་ལ་ཚོས་མི་ལེན་པ་ལྟར་བཅུད་ལེན་བྱས་པ་དོན་མེད་པར་འགྱུར། །

དངོས་གཞི་ལ་རླུང་ནད་ཅན་ལ་སྒོག་སྐྱ་སྲང་བཅུ་གཅིག་ཆུ་ལ་འཚོས་པར་བཙོས་པ་དང་ལེགས་པར་བསྣུར་བའི་དྭངས་མ་ཞུན་མར་སྲང་ཉི་ཤུར་སྦྱར་བྱས་ལ། །ནས་ཀྱི་སྣོད་གསེབ་ཏུ་ཞག་བདུན་ཕྲག་གསུམ་གྱི་རིང་བཞག་ལ་ཞག་གྲངས་ཉེར་གཅིག་བསྟེན། །དེས་ནི་རླུང་གི་ནད་སེལ་བ་ཚེ་འཕེལ་བར་བྱེད་པ་ཡིན། །

ཚ་བ་དང་དར་མ་མཁྲིས་ཅན་ལ་བྲག་ཞུན་ལེགས་བཏུལ་གསེར་དངུལ་ཟངས་ལྕགས་རྣམས་ཀྱི་ཐལ་བ། །ལྕགས་སྣོད་དུ་བྱུག་ལ་ནད་གཞི་ལ་འཕྲོད་པའི་སྨན་སྦྱར་བ་ཞག་གྲངས་རིམ་པར་བསྐྱེད་ལ་བཟའ། །དེས་ནི་ནད་འཇོམས་ཚེ་འཕེལ་བར་བྱེད་ལ་མོན་སྣེ་དང་རྒྱ་སྲན་སྤང༌། །

བད་ཀན་ཁྲག་ངན་ཅན་ལ་ཙི་ཏྲ་ཀ་སྲང་གང་དང་མར་དང་སྦྲང་རྩི་སྲང་ཉི་ཤུ་རེ་སྦྱར་བ་བསྟེན་པས་བད་ཀན་དང་གྲང་བའི་ནད་སེལ་ཞིང་། །ཚེ་རིང་བ་དང་ལུས་རྒྱས་མེ་དྲོད་འབར་བར་བྱེད། །ཆུ་སེར་ཅན་ལ་གོང་གི་ཙི་ཏྲ་ཀ་དང་བ་གཅིན་སྦྱར་བར་བསྟེན་པས་ཤ་བཀྲ་དང་མཛེ་ནད་སེལ་ལ། ཉེས་གསུམ་སྙོམ་པར་ཨ་རུ་བར་སྐྱུར་ཏེ་འབྲས་བུ་གསུམ་གྱི་སྨན་མར་གྱིས། །དབང་པོ་གསལ་ཞིང་སྟོབས་སྐྱེད་ལ་རྒས་ཀ་སྲ། །

བཅུད་ལེན་སྨན་ཀུན་ལ་རང་རང་གི་ནད་དང་གང་འཕྲོད་ཟས་སྤྱོད་བསྟེན། །རུལ་སྐྱུར་སྔོ་ངད་མི་འཕྲོད་པའི་ཟས་རིགས་སྤང་བར་བྱ། །

དེ་ལྟར་བསྟེན་པས་རབ་ཀྱིས་ཟླ་བ་གསུམ་དང་འབྲིང་གིས་ཟླ་བ་དྲུག་ཐ་མས་ཀྱང་ལོ་གཅིག་བཅུད་ལེན་བསྟེན་པའི་འབྲས་བུ་འགྲུབ་པར་འགྱུར་རོ། །གལ་ཏེ་དེ་མ་ལྕོགས་ན་ཞར་ལ་བཅུད་ལེན་སྤྱད་བྱས་པས། །གནས་སྐབས་ཀྱི་འབྲས་བུ་ཐམས་ཅད་འབྱུང་བར་ནུས་པ་ཡིན་ནོ། །ཞེས་གསུངས་སོ། །

བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་མི་ན་བ་གནས་པར་བྱ་བའི་ལེའུ་སྟེ་ཉི་ཤུ་རྩ་གསུམ་པའོ། །དེ་ལྟར་ལེའུ་གཅིག་ནི་ཐ་མལ་ནད་མེད་ཀྱི་གནས་ཏེ་བརྒྱད་པའོ།།

མཐའ་མའི་འདོན་ཐེངས་།: 28.05.2019 ཉིན། 12:36 PM