གནམ་གཤིས་འགྱུར་ལྡོག་དང༌། རང་བྱུང་གནོད་འཚེའི་སྐོར།
|
༈ ཀུན་གསལ་ལམ་གནས་རྒྱུ་སྐར་དགའ་མ་ལ། །ལེགས་ལྡན་གཟའ་དགུས་ཇི་ལྟར་བརྩེན་པའི་ཚུལ། །དཔྱད་དེ་ལོ་འདིའི་རྒྱལ་ཁམས་བདེ་དོག་དང་། །གནམ་གཤིས་སྔོན་བརྡ་དང་བཅས་སྤྲོ་བ་ལ། ༸དགུང་འདིར་དབུས་གྱུར་འཕགས་པའི་ཡུལ་འདིར་བོད་ཟླ་གསུམ་པའི་རིང་ཆོས་སྤྱོད་དང་ནི་བདེ་སྐྱིད་འཕེལ་ཞིང་བཞི་པའི་འགོ་ནས་ལྷག་པར་བདེ་ཞིང་སྐྱིད། འོན་ཏེ་ལྔ་པའི་ཚེས་ཤར་ནས་དྲུག་པའི་ཉ་བར་འཐབ་རྩོད་དང་ཐན་ངོ་གང་ཙམ་ཤར། ༸ཤར་ཕྱོགས་བོད་ཟླ་ལྔ་པའི་རིང་རྒྱལ་འབངས་བདེ་ཞིང་ལྷག་པར་བརྒྱད་པའི་གནམ་སྟོང་ནས་བཟུང་བཅུ་པའི་ཉེར་གཉིས་བར་ཆོས་སྤྱོད་འཕེལ་ཞིང་བདེ་སྐྱིད་ལྡན་ཡང་། །བཅུ་པའི་ཉེར་གསུམ་ནས་ལོ་རྫོགས་བར་ནད་མཚོན་མུ་གེའི་ངོ་ཅུང་ཤར། ༸ཤར་ལྷོར་བོད་ཟླ་དྲུག་པའི་ཚེས་ཤར་ནས། །བདུན་པའི་ཉ་བར་བདེ་ཞིང་སྐྱིད་ན་ཡང་། །བརྒྱད་པའི་ཚེས་ཤར་ནས་བཟུང་དགུ་པའི་སྟོང་བར་འཐབ་རྩོད་གང་ཙམ་འབྱུང་བར་དོགས། ༸ལྷོ་ཕྱོགས་བོད་ཟླ་ལྔ་པའི་ཚེས་ཤར་ནས། །བཅུ་གཅིག་ཉེར་གཉིས་བར་དུ་ཅུང་ཞིག་འཁྲུག་ཅིང་ལོ་མཇུག་ལྷག་པར་ཇེ་ཆེར་མ་ཟད་ནད་ཡམས་མུ་གེའི་འཇིགས་པའི་ངོ་། ༸ལྷོ་ནུབ་ལོ་གང་འཁྲུག་ཅིང་རྩོད་པ་དང་། །རང་བྱུང་གནོད་འཚེ་དེ་བཞིན་མུ་གེའི་ཉེན། ༸བྱང་ཤར་ཕྱོགས་སུ་འཐབ་རྩོད་འབྱུང་བར་སྣང་།།
|
དེང་སྲོལ་ལྟར་ས་ཡོམ་གང་དུ་བྱུང་ཡོད་མེད་སྐོར་གྱི་ས་ཁྲ།