<< བོད་གཞུང་སྨན་རྩིས་ཁང་གི་བྱུང་རབས། སྨད་ཆ། >>

སྨན་མཛོད་དང་སྨན་ཚོང་སྡེ་ཚན་གྱི་འཕེལ་རིམ་དང་གནས་བབས།

སྡེ་ཚན་འདི་ནི་ཐོག་མར་སྨན་མཛོད་ཚན་པའི་ངོ་བོར་བཙུགས་ཤིང་། ཕྱི་ལོ་ ༡༩༩༤ ལོར་སྨན་མཛོད་དང་སྨན་ཚོང་ཚན་པ་གཉིས་སྡེ་ཚན་གཅིག་གི་ངོ་བོར་བཙུགས་ཏེ་ད་ལྟ་འགན་འཛིན་སྐབས་གསུམ་པའི་ལས་ཁུར་ཞུ་བཞིན་ཡོད། སྤྱིར་སྔར་ནས་གསོལ་སྨན་བཟོས་ཟིན་པ་རྣམས་ལ་བདག་གཉེར་བྱེད་མཁན་ཡོད་ངེས་ཀྱང་དེ་དུས་དམིགས་བསལ་བདག་གཉེར་ཁང་ཞེས་ཚན་པ་དང་སྡེ་ཚན་ལོགས་སུ་མེད་ཅིང་། རིམ་པས་ཚན་པའི་ངོ་བོ་ནས་སྡེ་ཚན་གྱི་ངོ་བོར་བཙུགས་པ་ཞིག་ཡིན།

སྡེ་ཚན་འདི་ལ་ནང་གསེས་ཚན་པ་བཞི་ཡོད་ཅིང་། སྡེ་ཚན་འདིས་སྨན་སྦྱོར་ཁང་དང་སྔོ་སྦྱོར་གཉིས་ནས་བཟོ་སྐྲུན་ཟིན་པའི་རིན་ཆེན་རིལ་བུས་གཙོས་སྨན་སྤྱི་དང་ཕྱིར་ཚོང་ཅ་དངོས་རིགས་རྩིས་བཞེས་ཀྱིས་བདག་གཅེས་དོ་དམ་གཟབ་ནན་བྱེད་རྒྱུ་དང༌། ཕྱོགས་མཐའི་ཡན་ལག་ཁག་དང་། སྨན་བཙོང་བཅས་ལ་གསོལ་སྨན་དང་ཕྱིར་ཚོང་ཐོན་དངོས་མངགས་རིམ་བཞིན་དུས་ཐོག་གཏོང་བ། སྨན་དང་ཐོན་དངོས་རྫོགས་མཚམས་ཐོ་འགོད་ཀྱིས་འབྲེལ་ཡོད་སྡེ་ཚན་ལ་འབུལ་རྒྱུ་དང་། སྨན་དང་ཕྱིར་ཚོང་དངོས་སོགས་ཀྱི་རྩིས་ཁྲ་ཁག་ཁམས་གཙང་ཉར་ཚགས། ཕྱི་རྒྱལ་ཁག་ལ་ཡིག་ཟམ་སྨན་བཅོས་གནང་བཞིན་པའི་སྨན་རྣམས་མཁོ་གཏོང་བྱེད་བཞིན་ཡོད།

སྡེ་ཚན་འདིའི་འགན་འཁུར་བ་དག་གི་མིང་གཞུང་དང་འགན་ཁུར་དུས་ཡུན།

༡༽ཚེ་བརྟན་རྣམ་རྒྱལ། ༡༩༩༤ ནས་ཡུན་རིང་གནང་།
༢༽ལྷ་རྩེ་རྡོ་རྗེ། དམིགས་བསལ་འགན་འཛིན་དུ་བསྐོ་བཞག་གནང་མེད་པས་ལོ་དུས་མེད།

༣༽བསྟན་འཛིན་རྡོ་རྗེ། ༢༠༠༥ ནས་གནང་མུས།

མཐའ་མའི་འདོན་ཐེངས་།: 16.04.2016 ཉིན། 11:59 AM