སྨན་རྩིས་དྲ་བ། - མདུན་ངོས།

སྔར་ལོའི་ཟབ་སྦྱོང་གི་གྲུབ་འབྲས་ལས་ཚད་མཐོ་རུ་སོང་ཡོད་ཟེར།
བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 17.03.2014
མདུན་ངོས། >> གསར་འགྱུར།

སྔར་ལོའི་ཟབ་སྦྱོང་གི་གྲུབ་འབྲས་ལས་ཚད་མཐོ་རུ་སོང་ཡོད་ཟེར།

ཕྱི་ལོ་ ༢༠༡༤ ཟླ་ ༡ ཚེས་ ༢༡ ཕྱི་ཟླ་ ༢ ཚེས་ ༢༡ བར་ཟླ་ངོ་གཅིག་གི་རིང་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་སྨན་སློབ་ཚོར་ནང་ཆོས་ཀྱི་ཟབ་སྦྱོང་ཞིག་བོད་ཀྱི་སྨན་རྩིས་ཁང་ལུས་སེམས་སྲོག་གི་སྡེ་ཚན་ནས་གོ་སྒྲིག་ཞུས་འདུག

དེ་ཡང་སེམས་ཁམས་ནད་བཅོས་བྱེད་པ་ལ་ནང་པའི་གཞུང་ནས་གསུང་པའི་སེམས་ཁམས་ཕྲ་རགས་ཀྱི་རྣམ་གཞག་ཤེས་གལ་ཆེ་བ་དམིགས་འབེན་དུ་བཟུང་སྟེ། སྨན་རྩིས་མཐོ་སློབ་ཁང་གི་སྐབས་བཅུ་བདུན་པའི་སྨན་སློབ་ལོ་རིམ་གསུམ་པ་གྲངས་བཅུ་དྲུག་ཙམ་ལ་སྐྱབས་འགྲོ་དང་། སེམས་སེམས་བྱུང་། རྟེན་འབྲེལ་ཡན་ལག་བཅུ་གཉིས། བདེན་བཞི། བྱམས་པ་སྙིང་རྗེ་སོགས་ཟླ་གཅིག་རིང་ཟབ་ཁྲིད་གནང་འདུག ལུས་སེམས་སྲོག་གི་སྡེ་ཚན་འགན་འཛིན་དགེ་བཤེས་བསྟན་པ་བཀྲ་ཤིག་ལགས་ཀྱིས་གསུངས་དོན་ལྟར་ན། ཉིན་རེའི་སློབ་ཚན་ཁག་སེམས་ངོར་འཇགས་ཐབས་སུ་སྤྲོ་སྣང་ལྡན་པའི་འགྲན་བསྡུར་ལས་རིམ་སྣ་ཚོགས་སྤེལ་བ་བཞིན་སློབ་ཕྲུག་ཕོ་མོ་རྣམས་ཀྱིས་ཀྱང་དོ་སྣང་ཆེན་པོས་སློབ་སྦྱོང་གང་ལེགས་བྱས་པར་བརྟེན་ཡིག་ཚད་ཀྱི་གྲུབ་འབྲས་ཀྱང་སྔར་ལོའི་ཟབ་སྦྱོང་གི་གྲུབ་འབྲས་ལས་ཚད་མཐོ་རུ་སོང་ཡོད་ཟེར།