སྨན་རྩིས་དྲ་བ། - ལོ་རྒྱུས།

ལྷུན་སྡིངས་བདུད་རྩི་འགྱུར་མེད།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 12.02.2017
ལོ་རྒྱུས། >>

                                

   ལྷུན་སྡིངས་བདུད་རྩི་འགྱུར་མེད།

- བྱམས་པ་འཕྲིན་ལས།


ལྷུན་སྡིངས་བདུད་རྩི་འགྱུར་མེད་ཅེས་པའི་ཡབ་ནི་གཉའ་རིགས་ཀྱི་གདུང་རྒྱུད་རིམ་པར་བྱོན་པའི་ནང་གི་བསོད་ནམས་ཆོས་འཕེལ་ཞེས་པ་སྙན་བརྒྱུད་ཞལ་ཤེས་མན་ངག་གི་བདག་པོ་དེ་ཡིན།   ཡབ་ཀྱི་སྐུ་དྲིན་ལས་བདུད་རྩི་འགྱུར་མེད་གསོ་བ་རིག་པར་མཆོག་ཏུ་མཁས་པས་ཇོ་ནང་སྤྲུལ་སྐུ་ཀུན་དགའ་སྙིང་པོའི་(1)བླ་སྨན་དང་།  རྒྱུད་བཞི་རྟག་བརྟན་པར་མ་ཞེས་པ་པར་དུ་བརྐོ་བའི་དོ་དམ་དང་ཞུས་ཆེན་མཛད། 《གསོ་དཔྱད་ཀྱི་ལག་ལེན་དགོས་འདོད་ཀུན་བྱུང་།》 ཞེས་པ་ནད་རྟགས་དང་སྨན་བཅོས་ཀྱི་སྐོར་མ་ཚང་བ་མེད་པའི་སྨན་གཞུང་ངོ་མཚར་ཅན་དེ་བརྩམས།   གདུང་རྒྱུད་དུ་སྲས་ལྷུན་སྡིངས་རྣམ་རྒྱལ་རྡོ་རྗེ་ཞེས་པ་བསྐྲུན་ནས་གཞུང་དང་མན་ངག་ལག་ལེན་སྐོར་གྱིོ་གདམས་པ་མ་ལུས་པ་ཡོངས་རྫོགས་བསྩལ་པས་རང་སྲས་རྣམ་རྒྱལ་རྡོ་རྗེ་ནི།   རྒྱལ་དབང་ལྔ་པ་དང་སྡེ་སྲིད་རིན་པོ་ཆེ་ཞལ་བཞུགས་དུས་གསོ་དཔྱད་སྐོར་ལ་འགྲན་པའི་ཟླ་ཐམས་ཅད་དང་བྲལ་བ་ཀུན་གྱིས་ཁས་འཆེས་པའི་ཡུལ་དུ་གྱུར།  


རབ་བྱུང་བཅུ་གཉིས་ལྕགས་ལུག་(སྤྱི་ལོ་1691)ལོ་སྡེ་སྲིད་སངས་རྒྱས་རྒྱ་མཚོས་《མན་ངག་ལྷན་ཐབས་》གསར་རྩོམ་གནང་སྐབས་ལྷུན་སྡིངས་བདུད་རྩི་འགྱུར་མེད་ཀྱིས་བརྩམས་པའི་《གསོ་དཔྱད་ཀྱི་ལག་ལེན་དགོས་འདོད་ཀུན་འབྱུང་》ནང་གི་ལེགས་ཆ་མང་པོ་བསྡུ་ལེན་མཛད་ཅིང་།  ཐ་ན་འགའ་ཤས་ཀྱི་མཚམས་ལ་བཤུས་པ་ལྟ་བུ་སོར་བཞག་གིས་མཐོང་ཤིན་ཏུ་ཆེན་པོ་གནང་།  དེར་བརྟེན་མཁས་པ་འགས་སྡེ་སྲིད་སངས་རྒྱས་རྒྱ་མཚོའི་ཕྱག་བཞེས་བྱང་ལུགས་ཡིན་ཚུལ་གསུངས་པའི་རྩ་བ་དེ་དག་ལ་བརྟེན་ནས་བྱུང་པར་སེམས།།


མཆན་བུ།

(1)       ཇོ་ནང་སྤྲུལ་སྐུ་ཀུན་དགའ་སྙིང་པོ་རབ་བྱུང་བཅུ་པའི་ཤིང་ཕག་ (སྤྱི་ལོ་ 1575) ལོར་འཁྲུངས།


 

- འདི་ནི་མཁས་དབང་བྱམས་པ་འཕྲིན་ལས་ཀྱིས་བརྩམས་པའི་དཔེ་དེབ་《གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་གྱི་རྣམ་ཐར་ཕྱོགས་བསྒྲིགས་》ནས་ཟུར་འདོན་བྱས་པ་ཞིག་ཡིན།

 

 


 

མཐའ་མའི་འདོན་ཐེངས་།: 13.02.2017 ཉིན། 10:02 AM

<< སྔ་མ།

ནང་གསེས་དཀར་ཆག

ཡིག་ཆ་གསར་ཤོས།

ཧི་མ་ཅལ་མངའ་སྡེའི་ནང་ཕག་པའི་ཆམ་རིམས་ཀྱི་འཇིགས་སྣང་།

ནུས་པ་གྲང་བསིལ་ཆེས་པའི་སྣུམ་གྱིས་ནད་སྣ་ཚོགས་སྐྱེད་པར་བཤད།

སྨན་རྩིས་སློབ་མ་གསར་བསྡུའི་རྒྱུགས་རིམ་དང་པོའི་གྲུབ་འབྲས།

མིང་དོན་བརྡ་སྤྲོད་རྣམ་ལྔ།

གཙང་སྨན་པའི་བསླབ་བྱ་དང་སྐྱོ་མགུར།

གཙང་སྨན་པའི་སྨན་གྱི་འདྲ་དཔེ།

སྡེ་སྲིད་སངས་རྒྱས་རྒྱ་མཚོའི་སྨན་རྩིས་རིག་གནས་ཐད་ཀྱི་མཛད་རྗེས་གཙོ་བོ།

སྨན་རྩིས་ཁང་འགན་འཛིན་མཆོག་གི་གསུང་བཤད།

ཡོ་ག་ལག་ལེན་དམར་ཁྲིད་དབུ་ཚུགས་པ།

རིགས་ལམ་ངོ་སྤྲོད་སོགས་ཀྱི་འཆད་ཁྲིད་མུ་མཐུད་གནང་རྒྱུ།

ལོ་ངོ་ ༡༠༡ འཁོར་བའི་དུས་དྲན་མཛད་སྒོ།

བརྟག་ཐབས་རིག་པའི་རྒྱལ་ཡོངས་ཚོགས་འདུའི་སྒོ་འབྱེད་གཏམ་བཤད།

གཏེར་བདག་གླིང་པ།

ཉི་ཐང་སྨན་མཁྱེན་བློ་བཟང་རྒྱ་མཚོ།

རྒྱལ་བ་ལྔ་པ་ཆེན་པོ།