དང་པོ་ནི། དེ་རྟགས་ཞེས་རྐང་པ་ཉེར་བཞིས་བསྟན་ཏེ། དེ་ཡང༌། ཚ་བའི་ཚ་གཟེར་གྱི་དབུགས་ཀྱིས་ཐེག་པ་ནི། དབུགས་དྲག་པོར་གྱེན་དུ་རྩེག་པ་ལྟར་བྱེད་ཅིང་གློ་ལུ་བའོ། །ཆུ་ཤོར་གྱི་གཏམ་བར་བཅད་ཅིང་སྨྲ་བ་ནི། གཏམ་རྒྱུན་ཆགས་མི་ཐོན་པ་གློ་ཆུང་རྔམ་པ་འདེགས་པས་བར་བཅད་དེ་སྨྲ་བའོ། །གློ་གཅོང་གི་བྱི་ལའི་འགུལ་འདྲ་ཞེས་པ་ནི་ཡིག་ནོར་ཡིན་ནམ་དོན་དུ་ཞི་མིའི་སྔུར་པ་འདྲ་བ་སྟེ། ངར་ངར་ཟེར་བ་དེ་ཡིན་ནོ། །གཉིས་པ་ནི། སྤྱིར་ན་ཞེས་པ་རྐང་པ་གསུམ་གྱིས་བསྟན་ནོ། །བཞི་པ་བཅོས་ཐབས་བཤད་པ་ནི། དེ་རྣམས་ཞེས་རྐང་པ་དྲུག་ཅུ་རྩ་གསུམ་དང་འབྲུ་གསུམ་གྱིས་བསྟན་ཏེ། དེ་ཡང་ཆུ་ཤོར་གྱི།

        བཅད་འབྱོར་ནི། ཨ་བྱག་ཚེར་སྔོན་ནོ། །ཐེས་པོའི་གློ་སྦུབས་སྦྱང་བའི་སྐྱུགས་ནི། སྦྱང་ཚེར། རི་ཤོ། དུར་བྱིད་རྣམས་སྦྱར་བའི་ཁུ་བར། རྒྱམ་ཚྭ་པི་པི་ལིང་བཏབ་པའི་སྐྱུགས་བྱའོ། །ཡང་རྫོང་འཕྲང་དུ་ནི། བད་ཀན་གློ་ནད་ལ། གླ་སྒང༌། ཤིང་མངར། ལྡོང་རོས། ག་བྲ། སྤང་སྤོས། དུ་བ་སྣར་བདུགས་པའི་སྐྱུགས་ཞེས་སོ། །སྟར་བུ་པཉྩ་ནི་སྟར་བུ་ལྔ་པ་ཞེས་པ་སྟེ། སྟར་བུ་དང་སྐྱུ་རུ་དང༌། ཤིང་ཚ་དང༌། རུ་རྟ་དང༌། པི་པི་ལིང་དང༌། སྦྲང་གི་རིལ་བུ་བྱའོ། །པི་པི་ལིང་གི་ལྡེ་གུ་ནི། པི་པི་ལིང་མར་དུ་བཙོས་པ་མར་དཀར་སྦྲང་རྩིར་སྦྱར་བའམ། །གློ་གཅོང་གི་ཨ་ཀྲོང་གི་ལུམས་ནི། ཨ་ཀྲོང་མཁན་པ་བུལ་ཏོག་རྣམས་བཙོས་པའི་ལུམས་བྱ་བའོ། །ཉི་ཤུ་རྩ་ལྔ་སྦྱར་བ་ནི། ག་བུར་ཉེར་ལྔ་པའི་སྟེང་དུ་བསྣན་པའོ། །སྨུག་པོའི་ཁྲག་བཤལ་ནི། དུར་བྱིད་ཧོང་ལེན་ཚ་ལ་སྟར་བུ་རྣམས་སོ། །གསུམ་པ་ལེའུའི་མཚན་ནི་བདུད་རྩི་ཞེས་པ་ནས་སོ་ལྔ་པའོ་ཞེས་པས་བསྟན་ནོ།།

མཐའ་མའི་འདོན་ཐེངས་།: 26.08.2011 ཉིན། 2:36 PM