༄༅། །བདུད་ནད་གཞོམ་པའི་གཉེན་པོ་རྩི་སྨན་གྱི་ནུས་པ་རྐྱང་བཤད་གསལ་སྟོན་དྲི་མེད་ཤེལ་གོང་

ཞེས་བྱ་བ་བཞུགས་སོ།།

ནམོ་གུརུ་བྷཻཥཛྱཱེ། མཚན་དང་དཔེ་བྱད་དཔལ་ལྡན་རྫོགས་སངས་རྒྱས། །ཚད་མེད་ཐུགས་རྗེ་ཆེས་གཟིགས་འགྲོ་ཀུན་འདྲེན། །གསང་བ་བསམ་མི་ཁྱབ་པའི་རྣམ་དག་སྐུ། །ཆོས་གོས་གསུམ་མཛེས་སྣང་འཛིན་སྟོན་པར་འདུད། །སྨན་ནུས་འབྱུང་བ་རྣམ་ལྔས་བསྐྱེད་པ་ལས། །རོ་དྲུག་ཞུ་རྗེས་གསུམ་དང་ནུས་པ་བརྒྱད། །ཡོན་ཏན་བཅུ་བདུན་རྐྱང་ལྡན་འདུས་འཚོགས་ལས། །སྐྱེས་ཚད་མཐོང་ཚད་སྨན་དུ་གཏོང་ནུས་ཕྱིར། །ས་སྟེང་སྨན་མིན་ཅི་ཡང་ཡོད་མ་ཡིན། །འོན་ཀྱང་སྔ་རབས་རྣམས་ཀྱིས་ངོས་བཟུང་ཞིང༌། །མིང་འདོགས་མཛད་ལ་འབྱུང་བ་ངོ་བོ་གཉིས། །འབྱུང་ནུས་རོ་འདྲ་ཞུ་རྗེས་མི་འདྲ་དང༌། །ནུས་པ་འདྲ་ཡང་བྱེད་ལས་ཐ་དད་པ། །མངོན་མཁྱེན་ཅན་ལས་སོ་སྐྱེའི་སྤྱོད་ཡུལ་མིན། །ངོ་བོའི་ནུས་པར་རྣམ་པ་བརྒྱད་ཡིན་ཏེ། །འབྱུང་བསྐྱེད་རོ་ནུས་ཞུ་རྗེས་ཡོན་ཏན་ལས། །བྱེད་དང་སྐྱེ་སའི་སྟོབས་ཀྱི་ནུས་པ་དང༌། །དྲི་ཡི་ནུས་པ་གཉེན་པོའི་ནུས་པ་དང༌། །རིགས་མཐུན་ནུས་པ་ཁ་དོག་དབྱིབས་མཐུན་ནུས། །རྟེན་འབྲེལ་ནུས་པ་སྨོན་ལམ་ནུས་པའོ། །ཕྱི་མ་བདུན་པོ་རང་རང་ལས་བྱེད་ལས། །རོ་ནུས་ཞུ་རྗེས་ཡོན་ཏན་ལ་མ་ལྟོས། །དེ་བརྒྱད་ལས་བྱུང་ཕལ་ཆེར་བཤད་པ་ལ། །རིན་ཆེན་ས་རྡོ་རྩི་ཤིང་ལྡུམ་སྔོ་དང༌། །ལན་ཚྭ་སྲོག་ཆགས་ལས་བྱུང་ཞིང་སྐྱེས་དང༌། །ཆུ་མེ་བསྡུས་པ་རྣམ་པ་བཅུ་གསུམ་སྟེ། །སོ་སོར་ནང་གསེས་ཡན་ལག་བཅས་པ་འཆད།།

མཐའ་མའི་འདོན་ཐེངས་།: 20.04.2015 ཉིན། 10:26 AM