སྨན་རྩིས་དྲ་བ། - ལོ་རྒྱུས།

༄༅། །གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་གྱི་རྣམ་ཐར་ཕྱོགས་བསྒྲིགས། པར་གཞི་དང་པོ།
(གསོ་རིག་མཁས་དབང་རིམ་བྱོན་གྱི་དཀར་ཆག)

1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124

བླ་སྨན་བསྟན་འཛིན་ཆོས་གྲགས།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 11.02.2011
ལོ་རྒྱུས། >>

བླ་སྨན་བསྟན་འཛིན་ཆོས་གྲགས།

སྨན་རྩིས་རིག་གཞུང་ཞིབ་འཇུག་སྡེ་ཚན།

བཅུ་ཕྲག་རིག་གནས་སྤྱི་དང་ཁྱད་པར་དུ་གསོ་དཔྱད་རིག་པར་མངའ་བརྙེས་པའི་མཁས་པའི་དབང་པོ་བླ་སྨན་བསྟན་འཛིན་ཆོས་གྲགས་མཆོག་ནི། བོད་ཆོལ་ག་གསུམ་གྱི་ཡ་གྱལ་དབུས་གཙང་ཆོས་ཀྱི་ཆོལ་ཁའི་ས་ཁོངས་སྙེ་མོ་རྫོང་སྙེ་མོ་གཡག་སྡེ་ཞེས་པར་བོད་རབ་བྱུང་བཅོ་ལྔ་བའི་ཤིང་བྱི་ནག་ཟླའི་ཉ་དང་སྤྱི་ལོ་༡༩༢༤ལོར་ཡབ་བཀྲ་ཤིས་ཚེ་རིང་དང་༼ཡུམ་གྱི་མཚན་མ་ངེས་༽གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུའི་སྟེང་སྙེ་མོ་ཆོས་སྡེར་ཆོས་ཞུགས་ཀྱིས་ཡི་གེ་འབྲི་ཀློག་ནས་བརྩམས་ཏེ་བརྡ་དག་སྙན་སུམ་སོགས་ལ་ལེགས་པར་སྦྱངས། དགུང་ལོ་བཅུ་བདུན་སྟེང་ལྷ་ས་སྨན་རྩིས་ཁང་དུ་ཕེབས་ནས་སྨན་རྩིས་རིག་གནས་ཀུན་ལ་གསན་བསམ་དཔྱིས་ཕྱིན་གནང་བ་དང༌། དགུང་ལོ་སུམ་ཅུའི་ཐོག་༸གོང་ས་བཅུ་བཞི་བའི་རྒྱལ་ཡུམ་ཆེན་མོའི་ྋབླ་སྨན་མཛད།

མེ་སྤྲེལ་སྤྱི་ལོ་༡༩༥༦ལོར་ྋགོང་ས་སྐྱབས་མགོན་ཆེན་པོ་སྐུ་ཕྲེང་བཅུ་བཞི་བའི་ྋབླ་སྨན་པར་བསྐོ་བཞག་སྩལ། ས་ཕག་སྤྱི་ལོ་༡༩༥༩ལོར་དམ་པ་ཁོང་དུས་ཟིང་གི་ཆག་སྒོའི་ཁྲོད་༸རྒྱལ་བའི་བླ་སྨན་དང་བོད་ཀྱི་སྨན་པའི་མཚན་ཐོག་ནས་རྒྱ་དམར་གཞུང་གིས་བཙན་གནོན་འོག་ལོ་བཅུ་བདུན་ཙམ་ལ་བཙོན་བཅུག་མནར་གཅོད་བཏང་ནས་བཞུགས་དགོས་བྱུང༌། ལྕགས་སྤྲེལ་སྤྱི་ལོ་༡༩༨༠ལོར་རྒྱ་གར་དུ་ཕེབས་ཏེ་སླར་ཡང་ྋསྐུའི་བླ་སྨན་པ་བགྲེས་པར་བསྐོ་བཞག་སྩལ་ཅིང་། བོད་གཞུང་སྨན་རྩིས་ཁང་གི་སྨན་པ་གཙོ་བོ་དང༌། སྨན་རྩིས་འགན་འཛིན་ལྷན་ཚོགས་ཀྱི་ཚོགས་མི། ཆེས་མཐོའི་སྨན་རྩིས་ཚོགས་ཆུང་གི་ཚོགས་གཙོ། སྨན་སྦྱོར་དང་སྔོ་སྦྱོར་ཉམས་ཞིབ་སྡེ་ཚན་སོགས་ཀྱི་སློབ་སྟོན་པའི་མཚན་གནས་བཞེས་བཞིན་པ་མ་ཟད། གདན་ཞུས་ལྟར་སྔ་རྗེས་སུ་ཨ་རི་དང་། ཁ་ན་ཌ། ཧྥ་རིན་སི། ར་ཤི་ཡ། ལྷོ་ཀོ་རི་ཡ།་འཇར་མན། ཨེ་ཌ་ལི། སིད་སི། ཧོ་ལན་ཌི། ཨོ་སུ་ཀྲོ་ལི་ཡ། འཇར་པན་སོགས་ཕྱིའི་རྒྱལ་ཁབ་མང་པོར་གསོ་རིག་བགྲོ་གླེང་ཚོགས་འདུ་དང་། གཏམ་བཤད། སྨན་བཅོས། མི་སྣ་གལ་ཆེན་ལ་མཇལ་ཁྲིད་བཅས་ལ་ལན་གྲངས་དུ་མར་ཕེབས་ཡོད་ཅིང་། ལྷག་པར་དུ་རྒྱ་གར་ནང་ལའང་སྨན་རྫས་ངོས་འཛིན་དང་ཐབས་འཚོལ་སོགས་གཞུང་དོན་ཆེད་ས་ཕྱོགས་གང་སར་ཕེབས་ནས་སྨན་རྒྱུ་མང་པོ་གཏན་འབེབས་གནང་ཡོད། དེ་བཞིན་དུ་བཞུགས་སྒར་དུ་བཞུགས་ཤག་གནང་རིང་ལའང་དུས་རྒྱུན་ཚོགས་འདུ་ཆེ་ཆུང་དང་སྤྱི་སྒེར་ཐུགས་འཕྲད་སྐབས་སུ་སྤྱི་དོན་ལ་སེམས་ཁུར་དང་ཤ་ཚ་དགོས་ཚུལ་དང་། ༸གོང་ས་མཆོག་གི་བཀའ་དགོངས་བརྩི་དགོས་ཚུལ་སོགས་བསླབ་བྱ་དོན་ལ་ཕན་པ་མང་པོ་གནང་བ་མ་ཟད། གསོ་རིག་གཞུང་གི་དཀའ་གནད་མང་པོའི་དོགས་སེལ་ཀྱང་ཡང་ཡང་གནང་བཞིན་ཡོད། དེའི་ཐད་ལ་༼གསོ་རིག་ལས་རྩ་རླུགང་ཐིག་ལེ་གསུམ་གྱི་རྣམ་བཞག༽ཅེས་པའི་གསུང་རྩོམ་ཡང་མཛད་གནང་ཡོད་པ་དང་།

ཁྱད་པར་དུ་གསོ་བ་རིག་པའི་ཐད་ལ་ཁོང་གིས་བཞག་པའི་མཛད་རྗེས་གཙོ་བོ་ཞིག་ནི་སྤྱི་ལོ་༡༩༧༦ལོར་སྤོ་བོ་ཕུ་ལུང་གྲུ་ཤིས་༼བཞི༽ཐང་དུ་དངུལ་ཆུ་བཙོ་བཀྲུ་ཆེན་མོའི་ལག་ལེན་དམར་ཁྲིད་ཐེངས་གཉིས་པ་ལག་ལེན་གནང་བ་དང་། དེའི་སྐབས་རྒྱུད་འཛིན་གྱི་སློབ་མ་གཙོ་བོ་ནི་ཁྲོ་རུ་ཚེ་རྣམ་དང་ཐུབ་བསྟན་ཤཱཀྱ་ཚུལ་ཁྲིམས་སོགས་ཡིན་ལ། དེའི་རྗེས་ཁྲོ་རུ་ཚེ་རྣམ་གྱིས་བོད་ཁུལ་ཡོངས་ཀྱི་ས་ཕྱོགས་སྟོད་སྨད་བར་གསུམ་ལ་རྒྱུད་པ་རིམ་སྤེལ་གནང་ནས་དར་ཁྱབ་དུ་སོང་བ་ཞིག་རེད། དེའི་ཡིན་ཚུལ་ནི་ཁྲོ་རུ་ཚེ་རྣམ་གྱི་༼དངུལ་ཆུ་བཙོ་བཀྲུ་དང་ལྕགས་ཁམས་ཐལ་བཟོ་རིན་ཆེན་རིལ་བུ་ཁག་གི་སྦྱོར་ཐབས་ལག་ལེན་བཅས་ཀྱི་ཟིན་བྲིས། ༽ཞེས་པའི་ནང་སྤོ་བོ་གྲུ་ཤིས་ཐང་དུ་དངུལ་ཆུ་བཙོ་བཀྲུ་ཆེན་མོའི་ལག་ལེན་ཐོག་མར་བྱེད་སྐབས། བླ་སྨན་པ་སྐུ་ཞབས་བསྟན་འཛིན་ཆོས་གྲགས་ལགས་ནས་དེ་སྔོན་གྲོ་མོ་རུ་ཕྱག་ལེན་གནང་སྐབས་ཀྱི་ཞལ་ཤེས་མཛུབ་ཁྲིད་གནང་བ་བཅས་ཞིབ་པར་ཞུས་ནས་ལག་ལེན་རིམ་པར་བགྱིས་པའོ།།ཞེས་གསུངས་འདུག་པ་དང་།

དེ་བཞིན་དུ་བཙན་བྱོལ་ཏེ་རྒྱ་གར་དུའང་དངུལ་ཆུ་བཙོ་བཀྲུ་ཆེན་མོའི་ལག་ལེན་གྱི་འབྱུང་ཁུངས་ནི་དམ་པ་ཁོང་ཡིན་ལ། སྤྱི་ལོ་༡༩༨༢ལོར་༸གོང་ས་མཆོག་གི་བཀའ་དགོངས་བཞིན་བཞུགས་སྒར་ཕོ་བྲང་དུ་བཙན་བྱོལ་སྨན་རྩིས་ཁང་གི་སྨན་པ་རྣམས་ལ་དངུལ་ཆུ་བཙོ་བཀྲུ་ཆེན་མོའི་ལག་ལེན་དངོས་ཀྱི་མཛུབ་ཁྲིད་གནང་། དེའི་རྗེས་ནས་སྨན་རྩིས་ཁང་དུ་སླར་ཡང་ཐེངས་ཤས་ཕྱག་རྒྱུན་གནང་བ་ལ་བརྟེན་ནས་བཟུང་ད་ལྟ་ཡིན་ཡང་ཁོང་གི་ཕྱག་རྒྱུན་ལག་ལེན་དུ་བསྟར་བཞིན་པ་དང་། ལག་ལེན་དེའི་ཕྱོགས་ནས་རང་སྐྱ་འཕེར་བའི་དགེ་ཕྲུག་ཀྱང་མང་པོ་གསོ་སྐྱོང་གནང་ཡོད་པ་རེད། དེས་ན་དམ་པ་ཁོང་ནི་བོད་ཕྱི་ནང་གཉིས་ཀྱི་དངུལ་ཆུ་བཙོ་བཀྲུ་ཆེན་མོའི་ཕྱག་ལེན་གྱི་ཁོངས་གཏུགས་སའི་སློབ་དཔོན་ནམ་བླ་མ་གཙོ་བོ་ཡིན་པ་ཙམ་དུ་མ་ཟད། འཇིག་ལ་ཉེ་བའི་ལག་ལེན་འདིའི་རྒྱུན་སླར་གསོ་བྱེད་མཁན་གྱི་ལོ་རྒྱུས་ཐོག་གི་མི་སྣ་གལ་ཆེན་དེ་ཡང་ཡིན་ནོ། །

མདོར་ན་བླ་སྨན་པ་བསྟན་འཛིན་ཆོས་གྲགས་མཆོག་ནི་བོད་ཀྱི་གསོ་བ་རིག་པའི་བསྟན་པ་ཙམ་མ་ཡིན་པར་ཆོས་སྲིད་གཉིས་ཐད་ནས་རང་རེའི་རྩ་དོན་ལ་བྱས་རྗེས་ཁྱད་དུ་ཆེ་ཞིང་། གཞན་ཕན་གྱི་འགྲོ་དོན་ཁོ་ན་བསྐྱངས་ཏེ་མཚན་སྙན་གྱི་གྲགས་པ་ཕྱོགས་བཞིར་ཁྱབ་པའི་སྐྱེས་བུ་དམ་པ་ཞིག་ཡིན། མཐར་སྤྱི་ལོ་༢༠༠༡ལོའིཟླ་༤ཚེས༦ལ་བཞུགས་སྒར་རྡ་སའི་གཟིམ་ཤག་ཏུ་དགུང་ལོ་༧༧ཐོག་དགོངས་པ་ཆོས་དབྱིངས་སུ་འཐིམ། ཟུར་བརྗོད། རྣམ་ཐར་རྒྱས་པ་གཞན་དུ་ཡོད་པས་དེ་ལ་གཟིགས་རྒྱུ།།

མཐའ་མའི་འདོན་ཐེངས་།: 12.02.2011 ཉིན། 9:32 AM

<< སྔ་མ།

ནང་གསེས་དཀར་ཆག

ཡིག་ཆ་གསར་ཤོས།

རྒྱལ་སྤྱིའི་ཨྰརོགྱ་2017ཚོགས་ཆེན་དང་པོ།

ཕྱི་བཅོས་གསོ་ཐབས་ཀྱི་ཟབ་སྦྱོང་དམར་ཁྲིད།

སྨན་རྩིས་ཁང་ལ་འབུལ་བ་གསོལ་རས་བསྩལ།

ཨ་གར་སོ་ལྔ་འམ་ཚངས་ལྷའི་གཏམ་རྒྱུད།

མཇུག་དོན།

སྨན་པ་མཁས་ཆེན་དབྱངས་ཅན་ལྷ་མོ།

མཁས་དབང་ངག་དབང་ཆོས་གྲགས།

ལྕགས་པོ་རིའི་དགེ་རྒན་སྐལ་བཟང་ལེགས་བཤད།

ཐུགས་སྲས་ཐུབ་བསྟན་ལྷུན་གྲུབ།

མཁས་དབང་མཁྱེན་རབ་ནོར་བུ།

བཀྲས་ཁང་བྱམས་པ་ཐུབ་དབང་།

འཚོ་བྱེད་རྡོ་རྗེ་རྒྱལ་མཚན།

ཀརྨ་འཇིགས་མེད་ཆོས་ཀྱི་སེངྒེ།

བླ་སྨན་བྱ་སྦུག་པ་དམ་ཆོས་དཔལ་ལྡན།

སློབ་ཐོན་པ་རྣམས་ལ་སྩལ་བའི་བཀའ་སློབ།