སྨན་རྩིས་དྲ་བ། - མདུན་ངོས།

ཕྱི་ལོ་2016ལོའི་རྒྱལ་སྤྱིའི་བོད་ཀྱི་གསོ་རིག་བགྲོ་གླེང་ཚོགས་ཆེན།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 20.11.2015
མདུན་ངོས། >>

 

 

ཕྱི་ལོ་2016 ལོའི་རྒྱལ་སྤྱིའི་བོད་ཀྱི་གསོ་རིག་བགྲོ་གླེང་ཚོགས་ཆེན།


ཕྱི་ལོ་2016 ལོར་ྋགོང་ས་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་ཕྱག་བཏབ་པའི་ལྷ་ས་སྨན་རྩིས་ཁང་(1916-2016) དེ་བཞིན་ལོ་ངོ་ཧྲིལ་པོ་བརྒྱ་འཁོར་བའི་ལོ་ཚིགས་ཁྱད་པར་ཅན་ཁེལ་བའི་དུས་སྐབས་བཟང་པོར། ྋགོང་ས་སྐུ་ཕྲེང་བཅུ་བཞི་པ་ཆེན་པོས་བཙན་བྱོལ་རང་དབང་ཡུལ་དུ་སྐྱེད་སྲིང་མཛད་པའི་དྷ་ས་བོད་ཀྱི་སྨན་རྩིས་ཁང་ངོས་ནས་དུས་དྲན་སྲུང་རྩི་ཟབ་རྒྱས་ཞུ་འཆར་ཡོད་པ་དང་། དེ་མཚོན་བྱེད་དུ་དྷ་ས་བོད་ཀྱི་སྨན་རྩིས་ཁང་ཉམས་ཞིབ་སྡེ་ཚན་ནས་ཕྱི་ལོ་2016 ཟླ་3 ཚེས་24 སྟེ་ཉིན་གཅིག་རིང་ "རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན།" [International Conference on Tibetan Medicine] ཞིག་གོ་སྒྲིག་ཞུ་རྒྱུ་ཐུགས་གཏན་ཁེལ་བ་ལྟར། 


རྒྱལ་སྤྱིའི་བགྲོ་གླེང་ཚོགས་ཆེན་གྱི་བརྗོད་གཞི་ནི་ "བོད་ཀྱི་གསོ་བ་རིག་པའི་བདེན་པ་གསལ་འདོན་བྱེད་པ།" [Unlocking the Truth of Tibetan Medicine] ཞེས་བདམས་གནང་ཡོད། ཚོགས་ཆེན་ཐོག་བོད་ཀྱི་གསོ་བ་རིག་པའི་ལྟ་གྲུབ་དང་། ནད་བཅོས་ཉམས་ཞིབ། སྨན་སྦྱོར། སྨན་རྫས། བོད་སྨན་གྱི་ཐོན་དངོས་སོགས་ལ་ཉམས་ཞིབ་དང་ཚད་ལྡན་རྩོམ་ཡིག་བཅས་གསལ་འདོན་དང་མཁྱེན་རྟོགས་བྱེད་རྒྱུ་ཡིན་ན། མཁྱེན་ཡངས་རྩོམ་པ་པོ་རྣམས་ལ་ཚོགས་ཆེན་གྱི་བརྗོད་གཞི་དང་འབྲེལ་བའི་རང་ཉིད་ཀྱི་ཉམས་ཞིབ་ཡིག་ཆ་དང་ཉེ་ཆར་འཕོ་འགྱུར་གྱི་གནས་ཚུལ་སོགས་ཡོད་པའི་རྩོམ་ཡིག་སྒྲོགས་སྦྱང་གི་གོ་སྐབས་ཁྱད་པར་བ་ཞིག་དབུལ་རྒྱུ་ཡིན་པས། རྩོམ་པ་པོ་རྣམས་ནས་རང་གི་རྩོམ་ཡིག་མ་ཕྱི་འདི་ག་མྱུར་འཕྲིན་ཁ་བྱང་། clinicalresearch@men-tsee-khang.org བརྒྱུད་ཕྱི་ལོ་2015 ཟླ་12  ཚེས་10 མ་འགྱངས་པར་བསྐུར་ཟིན་པ་གནང་དགོས།


དེ་ནས་ཟླ་3 ཚེས་25 ཉིན་འདི་ག་དྷ་ས་བོད་ཀྱི་སྨན་རྩིས་ཁང་གི་ད་ལྟའི་སྨན་རྩིས་ལས་བྱེད་པ་དང་། དེ་བཞིན་སྨན་རྩིས་ལས་བྱེད་ཟུར་པ་རྣམས་ནས་རྩོམ་ཡིག་སྒྲོགས་སྦྱང་གནང་རྒྱུ་གཏན་ཁེལ་ཡོད།


ཐེངས་འདིའི་ "རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན།" ནང་དུ་རྩོམ་པ་པོ་རྣམས་དང་། དེ་བཞིན་དོན་གཉེར་ཅན་མཉམ་ཞུགས་བྱེད་འདོད་ཡོད་པ་རྣམས་ནས་ཚོགས་དོད་དང་དེབ་སྐྱེལ་འགེང་ཤོག་སོགས་གཤམ་གྱི་འབྲེལ་མཐུད་སོ་སོར་ནོན་ནས་གནས་ཚུལ་རྒྱས་པར་མཁྱེན་ཐབས་གནང་རོགས།

 

ཚོགས་ཆེན་སྟེང་རྩོམ་ཡིག་སྒྲོགས་སྦྱང་ཆེད་དུ། རྩོམ་ཡིག་བསྐུར་དགོས་པའི་གསལ་བཤད། འདིར་ནོན་ནས་ཕབ་ལེན་གྱིས།

ཚོགས་ཆེན་དུ་མཉམ་ཞུགས་བྱེད་འདོད་ཡོད་པ་རྣམས་ལ། དེབ་སྐྱེལ་འགེང་ཤོག འདིར་ནོན་ནས་ཕབ་ལེན་གྱིས།

 

 

མཐའ་མའི་འདོན་ཐེངས་།: 01.12.2015 ཉིན། 2:20 PM

<< སྔ་མ།

ནང་གསེས་དཀར་ཆག

ཡིག་ཆ་གསར་ཤོས།

ཟི་ན་ངག་དབང་ཚུལ་ཁྲིམས་དར་རྒྱས།

སུམ་པ་ཡེ་ཤེས་དཔལ་འབྱོར།

ཆུ་བཟང་བློ་བཟང་བསྟན་པའི་རྒྱལ་མཚན།

ཆུ་བཟང་སྐུ་ཕྲེང་དང་པོ་རྣམ་རྒྱལ་དཔལ་འབྱོར།

ཀོང་རོང་སྨན་བླ་དོན་གྲུབ།

དངུལ་ཆུ་གྲུབ་པའི་བསྟན་བཅོས།

སྨན་གྱི་བསྟན་བཅོས་སྨན་མིང་རྒྱ་མཚོ།

རྡོ་རྗེ་དབྱུག་པའི་བྱ་བ་བཞུགས།

སྨན་རྩིས་ཁང་གི་སྨན་དུ་བརྫུས་ནས་བསླུ་ཁྲིད་བྱེད།

སྡེ་དགེ་བསྟན་པ་ཚེ་རིང་།

རིག་འཛིན་ཆེན་པོ་ངག་དབང་འཇམ་དཔལ།

ཚེ་རིག་འཛིན་པ་ངག་དབང་སངས་རྒྱས་དཔལ་བཟང་།

ཆགས་པ་ཆོས་འཕེལ།

སྡེ་སྲིད་སངས་རྒྱས་རྒྱ་མཚོ།

རྣམ་གླིང་པཎ་ཆེན་དཀོན་ཅོག་ཆོས་གྲགས།