སྨན་རྩིས་དྲ་བ། - མདུན་ངོས།

ནང་ཆོས་འཆད་འཁྲིད།

བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 07.09.2016
མདུན་ངོས། >>

 

 

ནང་ཆོས་འཆད་འཁྲིད།
 

 

དེང་སྐབས་ཕྱི་དངོས་པོ་ཡར་རྒྱས་ཤུགས་ཆེར་འགྲོ་བཞིན་པའི་སྐབས་མིའི་སེམས་ཁམས་མི་བདེ་བའི་ནད་གཞི་ཇེ་མང་དུ་འགྲོ་བཞིན་ཡོད། ཉེ་ཆར་རྒྱ་གར་བརྙན་འཕྲིན་(NDTV)གྱི་དྲ་བར་གནས་ཚུལ་སྤེལ་བ་ལྟར་ན། ཐ་ན་རྒྱ་གར་ནང་ལའང་མི་ས་ཡ་༦༠ ཙམ་ལ་སེམས་ཁམས་ཀྱི་དཀའ་ངལ་ཡོད་པའི་སྐོར་འཁོད་འདུག སེམས་ཀྱི་དཀའ་ངལ་སེལ་བར་ནང་དོན་རིག་པ་ལས་གསུངས་པའི་སེམས་ཁམས་འཕྲོད་བསྟེན་དང་སྒོམ་སྒྲུབ་ཉམས་ལེན་གྱིས་ཕན་ཐོགས་ཧ་ཅང་ཆེན་པོ་ཡོད་པ་དེང་སྐབས་ཚན་རིག་པས་མགྲིན་གཅིག་ཏུ་གླེང་བཞིན་ཡོད། དེར་བརྟེན་འདི་ག་བོད་ཀྱི་སྨན་རྩིས་ཁང་གི་འཛིན་སྐྱོང་ནས་དགོངས་པ་ཆེར་བཞེས་ཏེ། སྨན་རྩིས་ལས་སློབ་རྣམས་ལ་རང་གཞན་ཀུན་ལ་ཕན་པའི་སླད་དུ་ནང་ཆོས་འཆད་འཁྲིད་གོ་སྒྲིག་ཞུ་བཞིན་ཡོད།  

 

དེ་རིང་ཕྱི་ལོ་༢༠༡༦ ཟླ་༩ ཚེས་༧ ནས་བཟུང་རེས་གཟའ་ལྷག་པ་འཆར་ཅན་ཕྱི་དྲོའི་ཆུ་ཚོད་༤།༣༠ ནས་༥།༡༥ བོད་ཀྱི་སྨན་རྩིས་ཁང་ལུས་སེམས་སྲོག་གི་སྡེ་ཚན་གྱི་འགན་འཛིན་དགེ་བཤེས་བསྟན་པ་བཀྲིས་ལགས་ནས་སྨན་རྩིས་ལས་སློབ་དོན་གཉེར་ཅན་རྣམས་ལ་སྒོམ་སྒྲུབ་ཉམས་ལེན་བྱེད་ཚུལ་སྐོར་སློབ་འཁྲིད་གནང་འགོ་ཚུགས་ཡོད།

 

འདི་ཟླའི་ཚེས་༡༦(དབུ་འབྱེད་མཛད་སྒོ་) ནས་རེས་གཟའ་མིག་དམར་དང་ཕུར་བུ་འཆར་ཅན་ཕྱི་དྲོའི་ཆུ་ཚོད་༤།༠༠ ནས་ ༦།༠༠ བར་དྷ་ས་ནང་ཆོས་ངོ་སྤྲོད་ཚོགས་པའི་ནང་ཆོས་སློབ་དཔོན་དགེ་བཤེས་བློ་བཟང་ཟླ་བ་ལགས་ནས་སྨན་རྩིས་ལས་སློབ་དང་ཕྱི་མི་དོན་གཉེར་ཅན་རྣམས་ལའང་ནང་པའི་ཚན་རིག་དང་ལྟ་གྲུབ། ནང་དོན་རིག་པ་ལས་གསུངས་པའི་སེམས་ཁམས་འཕྲོད་བསྟེན། རྟགས་རིག་གི་རྣམ་གཞག་སྐོར་སྨན་རྩིས་ཁང་དུ་འཆད་འཁྲིད་གནང་འཆར་ཡོད།

ཕྱི་མི་དོན་གཉེར་ཅན་གང་ཞིང་དགེ་བཤེས་བློ་བཟང་ཟླ་བ་ལགས་ཀྱི་ནང་ཆོས་སློབ་ཚན་ལ་འཛུལ་ཞུགས་བྱ་འདོད་ན་བོད་ཀྱི་སྨན་རྩིས་ཁང་གི་སྣེ་ལེན་འབྲེལ་མཐུད་པར་ཐོ་འགོད་གནང་རོགས་ཞུ།


མཐའ་མའི་འདོན་ཐེངས་།: 08.09.2016 ཉིན། 2:42 PM

<< སྔ་མ།

ནང་གསེས་དཀར་ཆག

ཡིག་ཆ་གསར་ཤོས།

ཆགས་པའི་རྩའི་སྐོར་གྱི་བཞེད་ཚུལ།

ཨ་རིར་རིག་གཞུང་གོ་རྟོགས་ཆེད་བསྐྱོད་རྒྱུ།

དཔོན་ཚང་ཡེ་ཤེས།

དཀོན་མཆོག་འགྲོ་ཕན་དབང་པོ།

འབྲི་གུང་ཆོས་གྲགས།

གཙང་སྨན་ཡེ་ཤེས་བཟང་པོ།

བླ་སྨན་ཆེན་པོ་ཐབས་མཁས་པ།

འཆི་རིམ་དང་ཐུགས་དམ་སྐོར།

ཟི་ན་ངག་དབང་ཚུལ་ཁྲིམས་དར་རྒྱས།

སུམ་པ་ཡེ་ཤེས་དཔལ་འབྱོར།

ཆུ་བཟང་བློ་བཟང་བསྟན་པའི་རྒྱལ་མཚན།

ཆུ་བཟང་སྐུ་ཕྲེང་དང་པོ་རྣམ་རྒྱལ་དཔལ་འབྱོར།

ཀོང་རོང་སྨན་བླ་དོན་གྲུབ།

དངུལ་ཆུ་གྲུབ་པའི་བསྟན་བཅོས།

སྨན་གྱི་བསྟན་བཅོས་སྨན་མིང་རྒྱ་མཚོ།