འབྱུང་རྩིས་མན་ངག་ཟླ་བའི་འོད་ཟེར་ཞེས་བྱ་བ། བླ་མ་དང་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ། །ཇི་ལྟའི་གནས་ལུགས་མངོན་གཟིགས་ནས། །ཇི་སྙེད་ཐུགས་རྗེའི་གཞན་དབང་གིས། །འགྲོ་ལ་ཕན་བདེའི་འཕྲིན་ལས་ཅན། །གཏེར་ཆེན་བླ་མ་ལ་ཕྱག་འཚལ། །མཁྱེན་བརྩེའི་ཆུ་སྐྱེས་ཀེ་ས་རར། །རབ་སྙན་ལེགས་བཤད་བུང་བའི་དབྱངས། །བསྒྱུར་མཁས་རྒྱལ་སྲས་གཞོན་ནུའི་སྐུ། །འཇམ་པའི་དབྱངས་ལ་ཕྱག་འཚལ་ལོ། །ཞུ་འཕྲུལ་ལེན་འཆང་སྐྱེས་བུ་ནི། །བཞིི་ཚན་བཞིི་དང་དུ་ཧ་ར། །

བྱེ་བྲག་སོ་སོའི་སྐོར་འགོ་ལའང་། །རྒྱ་བོད་སྐོར་འགོ་སུམ་ཅུ་དང་། །ནམ་ཞག་གཏན་དང་མཐུན་སྦྱོར་གཉེན། །ལོ་གཅིག་སྐེག་དང་ནད་རྩིས་དང་། །གཤིན་གྱི་རྩིས་དང་དྲུག་གིས་བསྡུས། །དང་པོ་གཙུག་ལག་ཀུན་གྱི་བཅུད། །རྒྱ་བོད་སྐོར་འགོ་སུམ་ཅུ་ལ། །རྡེལ་བོར་རྒྱས་འབྲིང་བསྡུས་གསུམ་ལས། །འདིར་ནི་རྒྱས་པ་སྐོར་འགོ་རེར། །རྡེའུ་བརྒྱད་བརྒྱད་ཀུན་དྲིལ་བས། །ཉིས་བརྒྱ་བཞི་བཅུས་གཏན་ལ་དབབ། །ཐོག་མར་རང་རང་རྩིས་གཞི་ནི། །རྒྱ་ཡི་སྐོར་འགོ་བཅོ་ལྔ་ལས། །

ནམ་ཞག་གཏན་གྱི་མཐའ་རྩིས་ལ། །གཅེས་པའི་རྡེལ་བཞི་སྒོས་རྡེལ་གཅིག །མེད་དུ་མི་རུང་རྡེའུ་གཉིས། །མི་འགྱུར་ཀླུང་གི་རྡེའུ་ལྔ། །བརྒྱ་འདྲེའི་རྡེའུ་བརྒྱ་ཕྲག་གཅིག །སྟངས་གཅོད་རྡེའུ་ཉི་ཤུ་བཞི། །སྤྱི་བསྡུས་བརྒྱ་དང་སུམ་ཅུ་དྲུག །དེ་ཡང་སྣམ་ཕྱིང་གཙང་མའི་སྟེང་། །མ་ཡེངས་སེམས་ཀྱིས་རྡེའུ་བོར། །ཐོག་མར་གཅེས་པའི་རྡེལ་བཞི་ནི། །རང་སྐྱེས་གནམ་ལོ་རྒྱལ་པོ་དང་། །ཟླ་བ་བློན་པོ་ཞག་དམག་མི། །དུས་ཚོད་མཚོན་ཆའི་རྡེའུ་བཞི། །སྐྱེས་པ་ཡིན་ན་དཀར་པོ་དང་། །

དེ༌ནས༌མཐུན༌སྦྱོར༌གཉེན༌རྩིས༌ལ། །སྲོག་ལུས་དབང་ཐང་རླུང་རྟ་དང་། །འབྱུང་བའི་སྤུན་གྲངས་བཙས་ཟླ་དང་། །སྤར་ཁ་རང་ཁམས་མ་ཁམས་དང་། །སྲོག་ལུས་དབང་ཀླུང་སྨེ་བ་ཡི། །གི་གོང་བཞི་སྟེ་མཐུན་སྦྱོར་གྱི། །རྡེའུ་བཅུ་གསུམ་འབོར་བར་བྱ། །དང་པོ་སྐྱེས་པ་བུད་མེད་ཀྱི། །སྲོག་གཉིས་འཐབ་པའི་རྡེའུ་གཅིག །དེ་བཞིན་ལུས་དང་དབང་ཐང་དང་། །ཀླུང་རྟ་གཉིས་འཐབ་རྡེའུ་རེ། །དེ་རྣམས་སྐྱེས་པས་བུད་མེད་དང་། །བུད་མེད་ཀྱིས་ཀྱང་སྐྱེས་པ་ལ། །

ལོ་གཅིག་འཁྱུད་བསྐོར་སྐེག་རྩིས་ལ། །མི་འགྱུར་རྩ་བའི་རྡེའུ་དྲུག །གཅོད་འདྲལ་རྡེའུ་ཉི་ཤུ་བཞི། ཁ་དམར་རྡེལ་བཞི་རྩུབ་རྡེལ་བདུན། །སྨེ་བའི་ཀེག་ཕྲན་རྡེའུ་བཞི། །དགུ་མིག་དུར་མིག་རྣམ་པ་གཉིས། །སྤྱི་བསྡུས་རྡེའུ་ཞེ་བདུན་ནོ། །སྤྱི་ནི་གནམ་ལོ་གང་ཡིན་དང་། །བརྩི་བྱའི་ལོག་མེན་གར་བབས་གཉིས། །བར་སྨེ་ནང་སྤར་གང་བབས་དང་། །གསང་བ་དར་གུད་འབེབས་གཞིའི་ལོ། །ཡང་གསང་དབང་ཐང་གར་བབས་ཀྱི། །དུས་ཚོད་གང་ཡིན་རྡེའུ་དྲུག །སྐྱེས་པ་ལ་ནི་དཀར་པོ་དང་། །

འབྱུང་བ་འཁྲུགས་དང་རྣམ་རྟོག་གིས། །བསྐྱེད་པའི་ནད་འདྲེས་གདུངས་པའམ། །བཙས་མ་ཐག་གི་བྱིས་པའི་ཆེད། །རྡེའུ་བཅུ་དགུ་བོར་བར་བྱ། །དེ་ཡང་བརྩི་བྱའི་སྲོག་གིས་ནི། །གནམ་ལོའི་སྲོག་འཐབ་རྡེའུ་དང་། །སྲོག་གི་དར་གུད་ལོ་ཡི་སྟེང། །ཕབ་པའི་རྡེའུ་གཅིག་དེ་བཞིན་དུ། །ཟླ་ཞག་དུས་ཚོད་སྲོག་ལ་འང། །བརྩི་བྱའི་སྲོག་གིས་འཐབ་པ་དང་། །སྲོག་གི་དར་གུད་ཟླ་སོགས་སྟེང་། །བརྩིས་པའི་རྡེའུ་རེ་རེ་སྟེ། །འཐབ་བསྐོར་སྤེལ་སྒྲིགས་སྲོག་རྡེལ་བརྒྱད། །

ལུས་ཅན་ཚེ་ཡི་དུས་བྱས་ཚེ། །བླ་སེམས་ཡིད་གསུམ་རིམ་པ་ལྟར། །གཤེད་མས་ཁྱེར་ཞིང་འགྲོ་དྲུག་འཁྱམས། །ཕུང་པོའི་ཡུལ་ལ་ཆགས་པའི་ཕྱིར། །དེ་ཡི་ཕུང་པོ་ལ་བརྟེན་ནས། །ཤུལ་གྱི་གསོན་པོའི་བྱུར་བསལ་ཕྱིར། །དུར་མཛོད་རྩིས་ལ་གསུམ་ཡིན་ཏེ། །གསོན་གྱི་ཁོག་ནས་གཤིན་དབྱུང་དང་། །གཤིན་གྱི་ཁོག་ནས་གསོན་གདོན་པ། །གཤིན་གྱི་འདུར་ཤིད་བརྟག་པའོ། །དང་པོ་གསོན་ཁོག་གཤིན་འདོན་པའི། །ངེས་ཅན་རྡེའུ་ཉི་ཤུ་སྟེ། །ལོ་དང་སྲོག་ལུས་དབང་ཐང་ཀླུང་། །སྤར་ཁ་བབ་སྨེ་དར་གུད་ལྔ། །