|
ལོ་འཁོར་པད་ཚལ།
མིང་གཞན། ལན་འཁོར་པད་ཚལ། गोभी Cabbage 卷心菜
སྐྱེ་དབྱིབས། འདི་ནི་སྔོ་ལྡུམ་གྱི་རིགས་ཏེ། རྩ་བ་དཀར་ཞིང་མཁྲེགས་པ། མཐའ་འཁོར་གྱི་ལོ་མ་སྔོ་ལྗང་སྣུམ་ལ་ཆེ་བ་རྣམས་གྱེན་ཕྱོགས་སུ་བགྲད་དེ་ཡོད་ཅིང༌། དཀྱིལ་དབུས་ཀྱི་ལོ་འདབ་རྣམས་གཅིག་ལ་གཅིག་བརྩེགས་ཀྱིས་འཁོར་ལོའམ་གོང་བུའི་ཚུལ་དུ་ཕྱོགས་གཅིག་ཏུ་བསྒྲིལ་ཏེ་སྐྱེ་བ་ཞིག་ཡིན། སྤྱིར་ཡུལ་དུས་ཀྱི་རྐྱེན་པས་ཆེ་ཆུང་དང༌། དབྱིབས། ཁ་དོག་བཅས་མི་འདྲ་བ་འབྱུང་ཞིང༌། ཡུལ་གང་སར་འདེབས་འཛུགས་བྱེད་པ་མ་ཟད་སྤྱོད་ཁྱབ་ཆེ་བས་ངོས་འཛིན་བྱེད་སླ།
བེད་སྤྱོད། ལོ་འཁོར་པད་ཚལ་སོས་པ་གཙང་འཁྲུ་བྱས་ཏེ། བཙོ་བའམ་བརྔོ་གཡོ་བྱེད་ཆོག་ལ། གྲང་ཚལ་དང་བསྙལ་ཚལ་ཡང་བཟོ་རུང༌།
རོ་དང་ངོ་བོ། རོ་མངར། ངོ་བོ་བསིལ།
ཕན་ནུས། ཕོ་བའི་སྦོ་འཁྲོག་དང་ཟུག་གཟེར་འཇོམས། མཚེར་སྟོབས་གསོ། གཉིད་འགུག ཕོ་བའི་སྨུག་པོ་སེལ། གཞན་ཡང་སྙིང་རླུང་དང༌། འབྲས་ནད་སྔོན་འགོག་བྱེད་པར་ཕན་ཞིང༌། ལོ་མ་སྣུམ་ལ་ཆེ་བ་རྣམས་ཀྱིས་ལུས་ཕྱི་ལ་འབྱར་བྱས་པས་རྨ་འབྲུམ་དང༌། ཆུ་བུར། སྲིན་ཐོར། ཟ་རྐོང་བཅས་ལ་ཕན་པར་བཤད།
དོ་སྣང༌། བད་ཀན་གྲང་བའི་རིགས་ལ་གནོད།
|
སྨན་རྩིས་དྲ་བ། - ལོ་འཁོར་པད་ཚལ།
ནང་གསེས་དཀར་ཆག
ཡིག་ཆ་གསར་ཤོས།
ཐོན་ཟོག་ཁྲལ་འབབ་སྡེ་ཚན་གྱིས་ཆེ་བསྟོད་གནང་།
བོད་ཡིག་མིང་བྱང་ལ་འགྱུར་བཅོས་བཏང་བ།
ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།
བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།
འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།
ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།
ཆོད་གན་ལས་མི་སྐྱེས་པ་གཉིས་དང་བུད་མེད་གསུམ་གྱི་ས་མིག་གསལ་བསྒྲགས།
ལེའུ་དང་པོ། ཀླད་དོན་གླེང་སློང་བ།
ལེའུ་གསུམ་པ། མཁྲིས་པའི་ནད་གསོ་པ།
ལེའུ་བཞི་པ། བད་ཀན་གྱི་ནད་བཅོས་པ།