|
ལ་ཕུག
མིང་གཞན། मूली Radish 蘿蔔
སྐྱེ་དབྱིབས། འདི་ནི་སྔོ་ལྡུམ་ཁོངས་གཏོགས་ལ་ཕུག་སྟེ་རིགས་མང་པོ་ཞིག་ཡོད་པར། སྤྱིར་རྩ་བ་རྡོག་རིལ་ལམ་ཟླུམ་ནར་སྦོམ་ལ་མཐུག་པ་རྟིང་པ་རིམ་བཞིན་ཕྲ་ཞིང་ཁ་སྤུ་ཐར་ཐོར་ཡོད་པ། ཕྱི་མདོག་དཀར་པོ་དང་དམར་པོ་རིགས་གཉིས་འབྱུང་བར་ནང་ཤ་དཀར་བ། ལོ་མ་སྔོ་ལྗང་སྒྲོ་དབྱིབས་སམ་སྒོར་མོ་ལ་ལོ་རྐང་སྔོ་དཀར་དང་དམར་སྐྱ་ཅན་ས་ངོས་ནས་ཡར་བགྲད་དེ་སྐྱེ་བ། མེ་ཏོག་དཀར་པོའམ་དམར་སྐྱ་བང་རིམ་མང་པོ་འཆར་བ། གང་བུ་ཕྲ་ལ་ནར་མོ་འདོགས་པའི་ནང་དུ་འབྲུ་གུ་དམར་སྐྱ་ཆུང་ལ་རིལ་མོ་འབྱུང་བ་ཞིག་ཡིན། ཡུལ་གང་སར་འདེབས་འཛུགས་བྱེད་ཀྱི་ཡོད།
བེད་སྤྱོད། ལོ་རྐང་དང་རྩ་བ་སོས་པ་གཙང་འཁྲུ་བྱས་ཏེ། ལོ་རྐང་ཐུག་སྡོར་དུ་འདེབས་སྤྱོད་བྱེད་པ་དང༌། རྩ་བ་རྗེན་པར་ཟ་བ། ཡང་ན་བཙོ་བའམ་བརྔོ་གཡོ་བྱེད་པ། ཁུ་ཐང་བཟོ་བ་བཅས་བྱེད་ཆོག་ལ། མོག་མོག་ཀྱང་བཟོ་རུང༌།
རོ་དང་ངོ་བོ། རོ་མངར་ལ་ཚ་བ། ངོ་བོ་དྲོད།
ཕན་ནུས། མེ་དྲོད་སྐྱེད། ཟས་འཇུ། ལུད་པ་འདོན། ལྐོག་ནད་དང་སྐད་འགགས་སེལ། རྨ་རིགས་འཇོམས། རླུང་ནད་སེལ། ཆམ་ནད་དང་སྐྲན་ནད་སྔོན་འགོག་བྱེད། དབུགས་བསགས་ནད་དང༌། འབམ་ནད་དང་འཁྲུ་བ་གཅོད་པར་ཡང་ཕན།
དོ་སྣང༌། ཁྲག་མཁྲིས་ཚ་བའི་ནད་རིགས་ལ་གནོད༌། རྗེན་པས་ཁ་བསྲེག་ཅིང་ཕོ་ཁ་ན་བར་བྱེད།
|
སྨན་རྩིས་དྲ་བ། - ལ་ཕུག
ནང་གསེས་དཀར་ཆག
ཡིག་ཆ་གསར་ཤོས།
བོད་ཡིག་མིང་བྱང་ལ་འགྱུར་བཅོས་བཏང་བ།
ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།
བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།
འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།
ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།
ཆོད་གན་ལས་མི་སྐྱེས་པ་གཉིས་དང་བུད་མེད་གསུམ་གྱི་ས་མིག་གསལ་བསྒྲགས།
ལེའུ་དང་པོ། ཀླད་དོན་གླེང་སློང་བ།
ལེའུ་གསུམ་པ། མཁྲིས་པའི་ནད་གསོ་པ།
ལེའུ་བཞི་པ། བད་ཀན་གྱི་ནད་བཅོས་པ།
ལེའུ་བདུན་པ། གཅོང་ཆེན་སྐྲན་ནད་བཅོས་པ།