སྨན་རྩིས་དྲ་བ། - ཆིན་ཚལ།
 
 
ཆིན་ཚལ།
 
མིང་གཞན།     ཇིན་ཚལ།  Celery     芹菜
 
སྐྱེ་དབྱིབས།   འདི་ནི་སྔོ་ལྡུམ་གྱི་རིགས་ཤིག་ཡིན།  རྩ་བར་ཁ་སྤུ་ཕྲ་ཞིབ་མང་པོ་ཐོགས་པ།  སྡོང་རྐང་མང་པོ་ས་ངོས་ལ་རིམ་གྱིས་ཐོན་ཏེ་གཅིག་ལ་གཅིག་གིས་བཏུམས་ནས་ཡར་འདྲོང་པོར་སྐྱེ་ཞིང་རྩ་རིས་ཡོད་པ།  རྩེ་མོར་ཡལ་ཕྲན་ཁ་ཤས་གྱེས་ཏེ་ལོ་མ་ཆུང་ལ་སིབ་སིབ་ཅན་ཉག་ག་འདོགས་ཤིང་དྲི་ངད་ཆེ་བ་ཞིག་ཡིན།  གནམ་གཤིས་སྙོམས་པོའི་ས་ཁུལ་མང་ཆེ་བར་འདེབས་འཛུགས་བྱེད་ཀྱི་ཡོད།  
 
བེད་སྤྱོད།    ལོ་སྡོང་གཙང་མ་བཀྲུས་ཏེ།  སོས་པ་རྗེན་པར་ཟ་བ།  བཙོ་བའམ་བརྔོ་གཡོ་བྱེད་པ། ཁུ་ཐང་བཟོ་བར་བེད་སྤྱོད་བྱེད་ཆོག
 
རོ་དང་ངོ་བོ།  རོ་མངར་ལ་ཚ་བ།  ངོ་བོ་བསིལ།
 
ཕན་ནུས།    ཚ་བ་དང་གློ་བའི་ནད་རིགས་འཇོམས།  ཆང་ནད་དང་ཁ་སྐོམ་པ་སེལ།  ཡི་ག་འབྱེད། ཕོ་ཚད་ནད་ཀྱི་སྐྱུགས་པ་གཅོད།  ཁྲག་ཤེད་གཅོག  གཅིན་པར་ཁྲག་འདྲེས་པ་སེལ། དྲི་ཆུ་འབེབ་པར་བྱེད་པ་བཅས་ལ་ཕན།
 
དོ་སྣང༌།     བད་ཀན་གྲང་བའི་ནད་རིགས་དང༌།  ཁྲག་ཤེད་དམའ་བ་ལ་གནོད།
 
 
 

ནང་གསེས་དཀར་ཆག

ཡིག་ཆ་གསར་ཤོས།

བོད་ཡིག་མིང་བྱང་ལ་འགྱུར་བཅོས་བཏང་བ།

ཅོན་ཏ་ར་སྨན་སྦྱོར་སྡེ་ཚན་དུ་ཆོད་གན་ལས་མི་དྲུག་གི་ས་མིག་གསལ་བསྒྲགས།

བརྟན་བཞུགས་སྔོན་འགྲོའི་རིམ་གྲོར་སྲོག་ཆགས་ཚེ་ཐར་བཏང་བ།

འགྲོ་ཕན་སྨན་རྩིས་ཁང་གི་མིང་དུ་བརྫུས་ཏེ་ནད་པ་བསླུ་བྲིད་བྱེད་པའི་གནས་ཚུལ།

ཁ་ལོ་བ་གཅིག་དང་ཆོད་གན་ལས་མི་དྲུག་གི་ས་མིག་གསལ་བསྒྲགས།

ཆོད་གན་ལས་མི་སྐྱེས་པ་གཉིས་དང་བུད་མེད་གསུམ་གྱི་ས་མིག་གསལ་བསྒྲགས།

ལེའུ་དང་པོ། ཀླད་དོན་གླེང་སློང་བ།

ལེའུ་གཉིས་པ། རླུང་ནད་གསོ་བ།

ལེའུ་གསུམ་པ། མཁྲིས་པའི་ནད་གསོ་པ།

ལེའུ་བཞི་པ། བད་ཀན་གྱི་ནད་བཅོས་པ།

ལེའུ་ལྔ་པ། འདུས་པའི་ནད་གསོ་བ།

ལེའུ་དྲུག་པ། མ་ཞུ་བ་གསོ་བ།

ལེའུ་བདུན་པ། གཅོང་ཆེན་སྐྲན་ནད་བཅོས་པ།

ལེའུ་བརྒྱད་པ། སྐྱ་རྦབ་ཀྱི་ནད་གསོ་བ།

ལེའུ་དགུ་པ། འོར་ནད་གསོ་བ།