༄༅། །དབང་པོ་རབ་ལ་ས་བོན་ལྟ་བུའི་རྩ་རྒྱུད་དེ་ལྟར་དུ་བསྟན་ཞིང་དགོངས་པ་བཀྲལ་ཟིན་ཀྱང༌། རྩ་བའི་རྒྱུད་ཀྱི་བཤད་པ་རྒྱས་པ་དང༌། ལག་ལེན་གྱི་སྐོར་མི་སྟོན་པས་སྐུའི་རྒྱུད་ཅེས་དོན་རྒྱ་ཆེ་བ་དུམ་བུ་གཉིས་པ་བཤད་པའི་རྒྱུད་ཚིག་དོན་མ་ལུས་གསལ་བར་སྟོན་པ་བར་སྣང་དུ་ཉི་ཟླ་ཤར་བ་ལྟ་བུ་འདི་ལ། གནས་བཅུ་གཅིག་གི་འབྲེལ་བཤད་པས་ལེའུའི་འབྲེལ་ཤུགས་སུ་རྟོགས་ལ། དེའང་རྩ་བ་མདོའི་གནས་ཐོག་མར་འབྱུང་བའི་རྒྱུ་མཚན་ནི། གནས་གཞན་རྣམས་འདི་ལ་བརྟེན་ནས་བསྐྱེད་པ་ཡིན་པའི་ཕྱིར། དང་པོར་བཞག་ནས་དེའི་རྗེས་སུ་ལུས་ཀྱི་ཆགས་

འདི་ལ་མདོའི་གནས་ཞེས་པའི་རྒྱུ་མཚན་ཅི་ཡིན་སྙམ་ན། འཆད་འགྱུར་གྱི་དོན་ཐམས་ཅད་ཤིན་ཏུ་ཉུང་བར་མདོར་བསྡུས་ཏེ་བསྟན་པས་ན་དེ་སྐད་ཅེས་བྱ་བ་ཡིན་ནོ། །ད་ནི་གྲུབ་པ་ལུས་ཀྱི་གནས་བཤད་དེ། རྒྱུ་མཚན་ཅི་ཡིན་སྙམ་ན། འབྱུང་བ་ཆེན་པོ་རྣམས་ལས་ཡོངས་སུ་གྲུབ་ཅིང༌། བྱེ་བྲག་ཏུ་ཆགས་ཚུལ་དང་འདྲ་དཔེ་དང༌། ལྡང་ཚད་དང་མཚན་ཉིད་དང༌། དབྱེ་བ་དང་འཇིག་ལྟས་ལ་སོགས་པ་ལུས་ཀྱི་རྣམ་འགྱུར་གཙོ་བོར་འཆད་པའི་གནས་ཡིན་པས་ན་འདི་སྐད་ཅེས་བྱའོ་ཞེས་དེ་མ་ཐག་པ། དེ་ནས་དྲང་སྲོང་ཡིད་ལས་སྐྱེས་ཀྱིས་བཤད་རྒྱུད་འཆད་པའི་

ལུས་ཀྱི་ཆགས་ཚུལ་རྒྱས་པར་གསུངས་ཟིན་པའི་རྗེས་ཐོག་དེ་མ་ཐག་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་ལུས་ཀྱི་འདྲ་དཔེ་རྣམས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཡིད་ལས་སྐྱེས་ཞེས་བོས་ནས། །ད་དུང་ལེགས་པར་ཉོན་ལ་ཡིད་ལ་ཟུངས་ཤིག་དང༌། འགྲོ་བ་མིའི་ལུས་ཇི་ལྟར་ཆགས་པ་དེ་རྣམས་ཀྱང་ཚུལ་གང་དང་འདྲ་བ་མི་ཤེས་པ་རྣམས་ཀྱི་སླད་དུ་འདྲ་བའི་དཔེ་དང་སྦྱར་ཏེ་ཕུང་པོའི་ཆ་ཤས་རྣམས་ཀྱི་གནས་ལུགས་འདི་ལྟར་བསྟན་པར་བྱའོ། །དེ་ཡང་མིའི་ལུས་འདི་ཉིད་ཙོག་ཙོག་པུར་ལག་པ་དཔྱངས་ཏེ་བསྡད་པ་ནི་འཁོར་ལོས་སྒྱུར་

ལུས་ཀྱི་འདྲ་དཔེ་གསུངས་པའི་རྗེས་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་དང་བཅས་པའི་འཁོར་རྣམས་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང༌། གྲུབ་པ་ལུས་ཀྱི་གནས་ལ་མདོ་དོན་བདུན་ཡོད་པའི་ནང་ནས་ཆགས་ཚུལ་དང་འདྲ་དཔེ་གཉིས་བཤད་ཚར་ནས། །ད་ནི་གསུམ་པ་ལུས་ཀྱི་གནས་ལུགས་ཞེས་བྱ་བའི་ལེའུ་འདི་ལྟར་བསྟན་པར་བྱའོ། །དེ་ལ་རྣམ་པ་བཞིས་སྟོན་ཏེ། །ལྡང་ཚད་ལུས་ཟུངས་ཀྱི་གནས་ལུགས་བསྟན་པ་དང༌། །འབྲེལ་པ་རྩའི་གནས་

གྲུབ་པ་ལུས་ཀྱི་གནས་ལུགས་ཇི་ལྟ་བ་གསུངས་ཚར་བའི་རྗེས་ཐོག་དེ་མ་ཐག་པ་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས། དྲང་སྲོང་ཆེན་པོ་ཡིད་ལས་སྐྱེས་འཁོར་དང་བཅས་པ་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ་ཞེས་གདམས་ནས། གོང་དུ་གྲུབ་པ་ལུས་ཀྱི་གནས་ཆགས་ཚུལ་ལ་སོགས་པ་རྣམ་པ་བདུན་དུ་བཤད་པའི་བཞི་པ་ལུས་ཀྱི་མཚན་ཉིད་ལ་རྣམ་པ་གཉིས་སུ་ཡོད་པ་ཡིན་ཏེ། གནོད་བྱ་ཁམས་ཀྱི་རྣམ་པར་གཞག་པ་དང༌། གནོད་བྱེད་ཉེས་པའི་རྣམ་པར་

ལུས་ཀྱི་མཚན་ཉིད་བསྟན་ཟིན་པའི་རྗེས་ཐོག་དེ་མ་ཐག་པ་དེ་ནས་ཡང་དྲང་སྲོང་རིག་པའི་ཡེ་ཤེས་ཞེས་བྱ་བ་དེ་ཉིད་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་མ་ཡེངས་པར་ཉོན་ལ་ཡིད་ལ་ཟུངས་ཤིག་ཅེས་གདམས་པས་མཚམས་སྦྱར་བའོ། །དེ་ཡང་གཙོ་ཆེ་བའི་དབང་དུ་བྱས་ནས་ལུས་ཀྱི་ལས་ཞེས་པ་དེ་ནི། སྤྱིར་ལུས་ཉིད་ཀྱི་ལས་དང༌། ལུས་ལས་བྱུང་བའི་ངག་གི་ལས་དང༌། ལུས་ལ་བརྟེན་ཅིང་གནས་པ་ཡིད་ཀྱི་ལས་དང་རྣམ་པ་གསུམ་དུ་ཡོད་ལ། གསུམ་པོ་དེ་ཡང་ཚངས་པར་སྤྱོད་པ་དང༌།

ལུས་ཀྱི་ལས་དང་དབྱེ་བ་བསྟན་ཟིན་པའི་རྗེས་ཐོག་དེ་མ་ཐག་པ་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས། དྲང་སྲོང་ཆེན་པོ་ཡིད་ལས་སྐྱེས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ་ཞེས་གདམས་ནས། མངལ་དུ་ཆགས་པ་ལ་སོགས་པ་ལུས་ཀྱི་གནས་སྐབས་ཕལ་ཆེར་བརྗོད་ཟིན་ནས། །ད་ནི་ལུས་འདི་ཉིད་ཀྱི་མཐར་འཇིག་པའི་ལྟས་བསྟན་པ་ལ་རྣམ་པ་བཞིར་ངེས་པ་ཡིན་ཏེ། གང་ཞེ་ན་རིང་བའི་ལྟས་དང༌། ཉེ་བའི་ལྟས་དང༌། མ་ངེས་པའི་ལྟས་དང༌།

གྲུབ་པ་ལུས་ཀྱི་གནས་གསུངས་ཟིན་པའི་རྗེས་དེ་ནས་ཡང་བྱ་བ་གཞན་གྱིས་བར་མ་ཆོད་པར་དྲང་སྲོང་ཡིད་ལས་སྐྱེས་ཀྱིས་འདི་ཅེས་ཞུས་སོ། །དེ་ཡང་ཀྱེ་སྟོན་པ་དྲང་སྲོང་རིག་པའི་ཡེ་ཤེས་ལགས། །ཞེས་མཚན་ནས་བོས་ཏེ། གནས་བཅུ་གཅིག་གི་ནང་ནས་གསུམ་པ་འཕེལ་འགྲིབ་ནད་ཀྱི་གནས་ལ་བདག་ཅག་ཚུལ་ཇི་ལྟར་བསླབ་པར་བགྱི་ཞེས་འདྲི་ན། འཚོ་མཛད་སྨན་པའི་རྒྱལ་པོས་གསལ་བར་བཤད་དུ་གསོལ་ཞེས་ཞུས་པའོ། །ལས་ཞེས་བྱ་བ་ནི་འབྱུང་ཁུངས་ཀྱི་དོན་ཡིན་ནོ། །དྲང་སྲོང་ཆེན་པོ་ཡིད་ལས་སྐྱེས་ཀྱིས་ཇི་ལྟར་ཞུས་པའི་ལན་སྟོན་པས་འདི་སྐད་ཅེས་

ནད་ཀྱི་རྒྱུ་བསྟན་ཟིན་པའི་རྗེས་སུ་བྱ་བ་གཞན་གྱིས་བར་མ་ཆོད་པར་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་ལ་སོགས་པའི་འཁོར་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང༌། བཤད་མ་ཐག་པའི་ནད་ཀྱི་རྒྱུ་དེ་ལྟ་བུ་ལ་ཟུག་རྔུ་མངོན་གྱུར་དུ་སྐྱེད་པར་བྱེད་པའི་རྐྱེན་ནི་དུ་ཙམ་ཡོད་སྙམ་ན་རྣམ་པ་གསུམ་དུ་ཡོད་དེ། སྐྱེ་མཆེད་དང༌། གསོག་ལྡང་དང༌། སློང་རྐྱེན་དངོས་ཏེ་རྣམ་པ་གསུམ་མོ། །སྐྱེ་མཆེད་དང་གསོག་ལྡང་ནད་ཀྱི་རྐྱེན་དུ་འགྱུར་བ་ཅི་ཡིན་ནམ་

ནད་ཀྱི་རྐྱེན་བསྟན་ཟིན་པ་དེ་ནས་ཡང་སྟོན་པ་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་ལ་སོགས་པའི་འཁོར་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་དོ་ཞེས་གདམས་སོ། །དེ་ལྟར་གོང་དུ་བཤད་ཟིན་པའི་ཚུལ་གྱིས་ཉེས་པའི་རྒྱུ་ལ་སོགས་པ་རྣམས་ལ་སྐྱེ་མཆེད་སོགས་ཀྱི་རྐྱེན་གྱིས་ནད་བསྐྱེད་པར་བྱས་ནས་འཇུག་པའི་ཚུལ་ནི་ཇི་ལྟ་བུ་ཞིག་གོ་སྙམ་ན། འདི་ནི་བྱ་བྱེད་ལས་གསུམ་གྱི་དབང་དུ་བྱས་ནས་གསུངས་ཏེ། དཔེར་ན་མདའ་ལྟ་བུ་གང་ལ་འཕང་བར་བྱ་

ནད་འཇུག་པའི་ཚུལ་བསྟན་ཟིན་པ་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་འཁོར་དང་བཅས་པ་རྣམས་ལེགས་པར་ཉོན་ལ་ཡིད་ལ་ཟུངས་ཤིག རྣམ་པར་གྱུར་པ་ཉེས་པ་དངོས་འབྱུང་བར་འགྱུར་བའི་མཚན་ཉིད་ནི་རང་རང་གི་ལྡང་ཚད་ལས་མང་དུ་འཕེལ་བ་དང༌། དེ་ལས་ཉུང་དུ་ཟད་པ་དང༌། ཕན་ཚུན་འཁྲུགས་པ་དེ་རྣམ་པ་གསུམ་གྱིས་བསྡུས་སོ། །འཕེལ་ཟད་འཁྲུགས་གསུམ་པོ་དེ་ཡང་རླུང་ལ་སོགས་པའི་ནད་དང་དྭངས་མ་ལ་སོགས་པའི་ལུས་ཟུངས་དང༌།

ནད་ཀྱི་མཚན་ཉིད་བཤད་ཟིན་པ་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་འཁོར་དང་བཅས་པ་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ། །ནད་ཀྱི་དབྱེ་བ་འཆད་པའི་སྐབས་འདིར་ཡང་དག་པར་ནད་རྒྱུའི་སྒོ་ནས་དབྱེ་བ་དང༌། རྟེན་གྱི་སྒོ་ནས་དབྱེ་བ་དང༌། རྣམ་པའི་སྒོ་ནས་དབྱེ་བ་སྟེ་རྣམ་པ་གསུམ་དུ་ཡོད་ཅེས་པའོ། །ནད་ལ་དབྱེ་བའི་གཞི་རྣམ་པ་གསུམ་གྱི་ནང་ནས་དང་པོ་རྒྱུའི་སྒོ་ནས་དབྱེ་བའི་ཚུལ་ནི་ཚེ་འདིའི་ཉེས་པ་རླུང་མཁྲིས་བད་ཀན་ཁོ་ན་

གནས་གསུམ་པ་འཕེལ་འགྲིབ་ནད་ཀྱི་གནས་བཤད་ཟིན་པའི་རྗེས་ཐོག་དེ་མ་ཐག་པ་དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ་ཞེས་མཚམས་སྦྱར་ནས། ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །ཞེས་མཚན་ནས་བོས་ཏེ། གནས་བཞི་པ་བྱ་བ་སྤྱོད་ལམ་གྱི་གནས་ལ་བདག་ཅག་རྣམས་ཇི་ལྟར་བསླབ་པར་བགྱི་ཞེས་འདྲི་ན། འཚོ་མཛད་སྨན་པའི་རྒྱལ་པོས་གསལ་བར་བཤད་དུ་གསོལ་ཞེས་ཞུས་པ་ལས་ཞེས་པའོ། །དེ་ལྟར་བྱ་བ་སྤྱོད་ལམ་གྱི་གནས་ཞུས་པའི་ལན་དུ་སྟོན་པས་གསུངས་པ། དེ་ཡང་ཀྱེ་དྲང་སྲོང་ཆེན་པོ་ལེགས་པར་ཉོན་

ཉིན་རེ་བཞིན་རྒྱུན་དུ་སྤྱོད་པའི་ལས་བཤད་ཟིན་པའི་རྗེས་ཐོག་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་ལ་སོགས་པའི་འཁོར་རྣམས་གུས་པས་ཉོན་ལ་ཡིད་ལ་ཟུངས་ཤིག་དང་ངས་ལེགས་པར་བཤད་པར་བྱའོ་ཞེས་གདམས་ནས། བྱ་བ་སྤྱོད་ལམ་གྱི་གནས་ལས་གཉིས་པ་དུས་སུ་སྤྱོད་པའི་སྤྱོད་ལམ་ནི་གང་ཞེ་ན། ཟླ་ཟེར་ལས། དགུན་ཟླ་ར་སོགས་གཉིས་གཉིས་ཏེ། །རིམ་བཞིན་དུས་ནི་དྲུག་ཏུ་བཤད། །ཅེས་པ་ལ་སོགས་པ་ཙམ་ལས་ཧ་ཅང་གསལ་བར་འགྲེལ་པ་གཉིས་ལས་ཀྱང་

དུས་སུ་སྤྱད་པའི་སྤྱོད་ལམ་བསྟན་ཟིན་པའི་རྗེས་ཐོག་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་འཁོར་དང་བཅས་པ་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་བཤད་པར་བྱའོ་ཞེས་མཚམས་སྦྱར་ནས་བྱ་བ་སྤྱོད་ལམ་གྱི་གནས་ལས་གསུམ་པ་གནས་སྐབས་སུ་སྤྱད་པར་བྱ་བའི་སྤྱོད་ལམ་གྱི་ཁྱད་པར་བསྟན་པ་ནི་འདི་ལྟ་སྟེ་ཞེས་པའོ། །ཚེ་རིང་ཞིང་ནད་མེད་པར་འདོད་པ་རྣམས་ཀྱིས་དུས་དང་གནས་སྐབས་ཐམས་ཅད་དུ་བཀྲེས་པ་དང་