དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སྨན་ཆང་སྡེ་ཚན་སྦྱར་བའི་ཐབས་བསྟན་པ། །སྦྲང་གི་ཆང་ལ་རྐྱང་ཁུག་ཡོངས་རྫོགས་གསུམ། །སྦྲང་ཆང་རྐྱང་པ་སྦྲང་རྩི་བྲེ་གང་དང༌། །ཆུ་བྲེ་དྲུག་བསྲེས་བཙོས་ལ་རྔ་མས་བཙགས། །བྲེ་དོར་གདུ་ནས་ཆུ་བྲེ་གང་བླུག་ལ། །ངད་བསད་གཟར་བུས་ཕྱར་ཏེ་འོ་དྲོད་ཙམ། །ཕབས་རྡོག་སྙིམ་གང་གྲིས་དྲད་རྔ་མར་ཕུར། །ཅོང་ཞིའི་གཏིང་རྡོ་ལྡིང་ཐག་ཤིང་ལ་གཏོད། །སུག་སྨེལ་ཐུན་གཅིག་བཏགས་ལ་བཏབ་སྟེ་མནན། །ཞག་དུས་བསྲོས་ཀྱིན་ཞག་གསུམ་བར་དུ་བཞག །