སྨན་རྩིས་དྲ་བ། - མདུན་ངོས།

ལུས་སེམས་སྲོག་གི་བགྲོ་གླེང་ཚོགས་ཆེན་ཐེངས་གསུམ་པ་གཏན་འཁེལ་བ།
བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 31.01.2015
མདུན་ངོས། >>

ལུས་སེམས་སྲོག་གི་བགྲོ་གླེང་ཚོགས་ཆེན་ཐེངས་གསུམ་པ་ཚོགས་གཏན་འཁེལ་བ།

འཁྲུག་ཆ་དོད་པའི་དེང་དུས་ཀྱི་སྤྱི་ཚོགས་འདིའི་ནང་། ལུས་སེམས་གཉིས་ལས་སེམས་ཀྱི་དཀའ་ངལ་དེ་བརྒྱ་ཆ་མང་བ་ཡོད་པ་ནི། འགྲོ་བ་མིའི་སེམས་རྒྱུད་ཀྱི་དྲི་མ་ཆགས་སྡང་རྨོངས་གསུམ་དང་། ཚུལ་མིན་རྣམ་རྟོག་དང་འབྲེལ་བའི་རེ་དོགས་སོགས་ཀྱིས་བསྐྲུན་པ་རེད། གལ་ཏེ་མི་འདོད་པའི་དཀའ་ངལ་དེ་དག་སེལ་དགོས་ཚེ། དེའི་འབྱུང་རྩ་ངོས་བཟུང་རྒྱུ་ནི་མེད་དུ་མི་རུང་བ་ཡིན། དེས་ན། ད་བར་བོད་ཀྱི་སྨན་རྩིས་ཁང་གི་ལུས་སེམས་སྲོག་གི་སྡེ་ཚན་གྱིས་ལུས་སེམས་སྲོག་ གི་བགྲོ་གླེང་ཚོགས་ཆེན་ཐེངས་གཉིས་གོ་སྒྲིག་བྱས་ཟིན་ཡོད། དེའི་སྐབས་སུ་ལུས་སེམས་སྲོག་དང་འབྲེལ་བའི་ཐུན་མོང་མིན་པའི་ཕྱི་ནང་གི་གཞུང་ལུགས་མི་འདྲ་བའི་འདོད་ཚུལ་རྣམས་ལ་ཕན་ཚུན་གོ་རྟོགས་སྤེལ་རེས་དང་བརྡར་ཤ་ལེགས་ པར་བཅད་ཐུབ་པ་བྱུང་ཡོད།

འདི་ལོར་ལུས་སེམས་སྲོག་གསུམ་ལས་མཆེད་པའི་བརྗོད་གཞི་གཉིས་བཞག་ཡོད་དེ། སེམས་ཁམས་འཁྲུག་པའི་རྒྱུ་རྐྱེན་དང་། སེམས་ཁམས་འཁྲུག་པའི་བཅོས་ཐབས་ཐུན་མོང་མ་ཡིན་པའི་ཐོག བོད་བརྒྱུད་ནང་དོན་རིག་པ་དང་། བོད་ཀྱི་གསོ་བ་རིག་པ། བོད་ཀྱི་སྐར་རྩིས་རིག་པ། དེང་དུས་ཚན་རིག་བཅས་ཀྱི་གསུང་བཤད་གནང་མཁན་གཉིས་རེ་ཡིས་རང་གི་གཞུང་ལུགས་ཀྱི་ ལག་ལེན་མྱོང་བ་གཞི་རྩར་བཟུང་སྟེ། སེམས་ཁམས་བདེ་བའི་ཐབས་སུ་ཐུན་མོང་མིན་པའི་ཁྱད་ཆོས་རྩལ་འདོན་ཡོང་ཐབས་བྱ་རྒྱུའི་བགྲོ་གླེང་ཚོགས་ཆེན་ཐེངས་གསུམ་པ་དེ་འདི་ལོའི་ཟླ་༡༠ ཚེས་༡༥ ནས་ ༡༧ བར་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་ཚོགས་རྒྱུ་གཏན་འཁེལ་བའི་གསལ་བསྒྲགས་སུ། བོད་ཀྱི་སྨན་རྩིས་ཁང་གི་ལུས་སེམས་སྲོག་གསུམ་གྱི་སྡེ་ཚན་ནས་ཕྱི་ལོ་༢༠༡༥ ཟླ་༡ ཚེས་༢༩ ཉིན་སྤེལ།

ཚོགས་ཆེན་གྱི་མཛད་རིམ་དང་དེབ་སྐྱེལ་འགེངས་ཤོག་ཕབ་ལེན་བྱོས།

Download Program schedule and Registration form

བརྗོད་གཞི།	སེམས་ཁམས་འཁྲུགས་པའི་རྒྱུ་རྐྱེན་དང་། སེམས་ཁམས་འཁྲུགས་པའི་བཅོས་ཐབས་ཐུན་མོང་མ་ཡིན་པ།
ཚོགས་ཡུལ།	དྷ་ས་བོད་ཀྱི་སྨན་རྩིས་ཁང་གི་མཐོ་སློབ་ཚོགས་ཁང་།
ཚོགས་དུས།	ཕྱི་ལོ་ ༢༠༡༥ ཟླ་༡༠ ཚེས་ ༡༥ - ༡༧ ཏེ་ཉིན་གསུམ་རིང་།
དམིགས་ཡུལ།	འགྲོ་བ་མིའི་སེམས་ཁམས་བདེ་བའི་ཐབས་ལམ་གྱི་ལག་ལེན་རྩལ་འདོན་བྱ་རྒྱུ་དེ་ཡིན།

དུས་ཚོད།	15/10/2015 ཉིན་དང་པོའི་མཛད་རིམ།
11:30 AM	དབུ་འབྱེད་མཛད་སྒོ།
2 - 5 PM	བོད་བརྒྱུད་ནང་དོན་རིག་པ་དང་། བོད་ཀྱི་གསོ་བ་རིག་པ་ཟུང་གི་སེམས་ཁམས་འཁྲུགས་པའི་རྒྱུ་རྐྱེན་བཞེད་ཚུལ་སྐོར་དང་། དྲི་བ་དྲིས་ལན།

དུས་ཚོད།	16/10/2015 ཉིན་གཉིས་པའི་མཛད་རིམ།
9 - 12:30 PM	བོད་ཀྱི་སྐར་རྩིས་རིག་པ་དང་། དེང་དུས་ཚན་རིག་ཟུང་གི་སེམས་ཁམས་འཁྲུགས་པའི་རྒྱུ་རྐྱེན་བཞེད་ཚུལ་སྐོར་དང་། དྲི་བ་དྲིས་ལན།
2 - 5 PM	བོད་བརྒྱུད་ནང་དོན་རིག་པ་དང་། བོད་ཀྱི་གསོ་བ་རིག་པ་ཟུང་གི་སེམས་ཁམས་འཁྲུགས་པའི་བཅོས་ཐབས་ཐུན་མོང་མ་ཡིན་པའི་བཞེད་ཚུལ་སྐོར་དང་། དྲི་བ་དྲིས་ལན།
5:30 - 6:30 PM	དགོང་ཚིགས།
7 - 8:30 PM	བོད་ཀྱི་ཟློས་གར་ཚོགས་ཁང་དུ་རིག་གཞུང་འཁྲབ་སྟོན།

དུས་ཚོད།	17/10/2015 ཉིན་གསུམ་པའི་མཛད་རིམ།
9 - 12:30 AM	བོད་ཀྱི་སྐར་རྩིས་རིག་པ་དང་། དེང་དུས་ཚན་རིག་ཟུང་གི་སེམས་ཁམས་འཁྲུགས་པའི་བཅོས་ཐབས་ཐུན་མོང་མ་ཡིན་པའི་བཞེད་ཚུལ་སྐོར། དྲི་བ་དྲིས་ལན།
2 - 4:15 PM	བོད་ཀྱི་སྨན་རྩིས་ཁང་གི་སྨན་པ་དང་། སྐར་རྩིས་པ་རྣམས་ཀྱི་ཆེད་རྩོམ་རྩེ་ཕུད་ལྔ་སྒྲོག་སྦྱང་། དྲི་བ་དྲིས་ལན།
4:15 - 5 PM	མཇུག་སྡོམ་མཛད་སྒོ།