ཆོས་བརྡ་གསལ་བསྒྲགས། 

༄༅། །མཆོག་ཏུ་བཀུར་འོས་པའི་དད་ལྡན་ཆོས་ཞུ་བ་ཡོངས་ལ་ཞུ་རྒྱུར།

བོད་ཀྱི་སྨན་རྩིས་ཁང་གི་དྷེ་ར་ཌུན་ཁུལ་དུ་ཡོད་པའི་ཡན་ལག་སྨན་ཁང་གསུམ་ཐུན་མོང་གིས་གོ་སྒྲིག་འོག་ྋའཛམ་གླིང་བསྟན་འགྲོའི་དཔལ་མགོན་མཚུངས་ཟླ་མ་མཆིས་པ་ྋས་སྐྱ་ཁྲི་ཆེན་རྡོ་རྗེ་འཆང་ཆེན་པོར་སྙིགས་མའི་བསྟན་འགྲོ་མཐའ་དག་གི་ལུས་སེམས་ཉེར་འཚོ་སྤྱི་དང་། ལྷག་པར་ྋསྤྱི་ནོར་ྋགོང་ས་སྐྱབས་མགོན་ཆེན་པོ་གཙོས་པའི་རིས་སུ་མ་ཆད་པའི་བསྟན་འཛིན་གྱི་སྐྱེས་ཆེན་དམ་པ་རྣམས་ཀྱི་སྐུ་ཚེ་མཛད་འཕྲིན་རྒྱས་ཅིང་ཐུགས་ཀྱི་བཞེད་རྒུ་མ་ལུས་ལྷུན་གྱིས་འགྲུབ་པ། ཡངས་པའི་འཇིག་རྟེན་ཀུན་ཏུ་སེམས་ཅན་ཡོངས་ལ་བཞི་བརྒྱ་རྩ་བཞིའི་ནད་ཀྱི་གདུང་བ་ཞི་ཞིང་། ཚེ་རིང་ནད་མེད་ཞི་བདེ་དཔལ་ལ་རོལ་ཕྱིར་སངས་རྒྱས་སྨན་བླའི་བཀའ་དབང་སྩོལ་སྨིན་ཇི་ལྟར་གསོལ་འདེབས་ཞུས་པ་ཞལ་བཞེས་ཐོབ་པ་བཞིན། བོད་རྒྱལ་ལོ་ ༢༡༤༢ བོད་ཟླ་ ༡ ཚེས་ ༡༦ དང་། ཕྱི་ལོ་ ༢༠༡༥ ཟླ་ ༣ ཚེས་ ༦ རེས་གཟའ་པ་སངས་ཉིན་དཔལ་ལྡན་འབྲི་གུང་དགོན་གྱི་མདུན་ཕྱོགས་སྨན་རྩིས་ཁང་གི་ཐང་ཆེན་དུ་སངས་རྒྱས་སྨན་བླའི་བཀའ་དབང་གནང་གཏན་འཁེལ་ལགས་ན། དེ་དོན་ཆོས་ཞུ་བ་རྣམས་དུས་ཐོག་ངེས་ཕེབས་ཡོང་བ་ཞུ་རྒྱུ་བཅས།

བོད་ཀྱི་སྨན་རྩིས་ཁང་ནས་ཕྱི་ལོ་ ༢༠༡༥ ཟླ་ ༡ ཚེས་ ༡༥ ལ།

བཀའ་དབང་འབྲེལ་མཐུད་པ།

བློ་བཟང་ཚེ་བརྟན།

ལག་ཐོག་ཁ་པར་ཨང་། ༧༥༧༩༡༨༧༨༠༣ དང་། ༧༥༧༩༠༠༥༧༩༣

གློག་འཕྲིན་ཨང་། diki@men-tsee-khang.org

མཐའ་མའི་འདོན་ཐེངས་།: 31.01.2015 ཉིན། 12:49 PM